( غزه ) لذيب الشمري
 

http://farm3.static.flickr.com/2254/...ae23abf1_o.gif

(( غزه ))

[POEM="font="Simplified Arabic,5,darkred,bold,normal" bkcolor="transparent" bkimage="" border="groove,7,sienna" type=2 line=0 align=center use=ex num="0,black""]

عادي غدينا نقبل الذل والعار=ياكيف صار الذل والعار عادي
نعجز على راس العدو نطلق النار=ونرمي على راس الصديق الهوادي
نصبر مثل صبر المهادي على الجار=على تجاوز واحتقار الاعادي
مع فارق التشبيه معنى ومعيار=عن صبرنا حنا وصبر المهادي
صبر المهادي صبر قوه ومقدار=وحنا صبر من ضعف والضعف زادي
سباقنا فايز جمل فايز حوار=فازت جياد فلان فازت جيادي
هذي بطولتنا على كل مضمار=كلٍ يغنّي عيّدي يابلادي
من صالة اسهم ندخل بصالة قمار=والكل يعمل في نشاط انفرادي
ومادام باقي نفط في جوف الابار=وحنا قصايد في مناخ اقتصادي
والنفط لو ينشف نولّي وينهار=ماعندنا مصدر عليه اعتمادي
استهدفونا في لعينات الافكار=وبالكيك الاصفر والحليب الزبادي
وجبات من لحمة خنازير وابقار=تقوم في هدم القيم والمبادي
وغزه تصيح وتطلب العون والثار=والقدس بالصوت المجلجل تنادي
بإسماعنا خلاطة اسمنت واحجار=وابصارنا فيها يذر الرمادي
ازمة ثقه وازمة مفاهيم واثار=خلاف حزبي واختلاف اعتقادي
كلٍ مع الثاني لعب عدة ادوار=بالغدر وافـسدنا صـلاح الـنوادي
والامه الـلي بـينـها الغـدر يندار=صعيب تظهر في قرار اتحادي
ولازال بالامـه صنـاديد واحـرار=بقلـوبـهم مايـستـقـر الـسوادي
يهمهم توحيد وجهات الانظار=ويهمهم للصلح مد الايادي
واذا توحّد صفنا عزم واصرار=ضد العدو نقدر نقيم الجهادي
ونقدر نجدد معنويات الانصار=ونلقي على وجه الضلال الرشادي
ونظهر من اصلاب الوهن جيش وامار=الفين قايد في تصرف قيادي
ونيـازك الـنخوه بـليغات الاضرار=تـنزل على صــهيون في كل وادي
ارواحـنا مثل انسيابات الانـهار=تنساب يوم التــــضحيه والتنادي
واللي يمـوت بجـنة الخلد لـه دار=شهيد مانعلن عليه الحدادي
[/POEM]

ذيب الشمري
3 / 1 / 2009

ماشاء الله تبارك الوهاب

هذا والله بدع الكبار اللي ماعليه غبار
من أجمل ما كتب عن غزّه الجريحه

شاعر كبير وقدير ابو وليد

عنده فلسفه إبداعية خاصه جدا

صح لسانه عدد شعراء دول منظمة الأمم المتحده ،،


ولاهنت يا بو ذيب ،


..

ازمة ثقـه وازمـة مفاهيـم واثـار
خلاف حزبـي واختـلاف اعتقـادي
كـلٍ مـع الثانـي لعـب عـدة ادوار
بالغـدر وافسدنـا صـلاح النـوادي
والامـه اللـي بينهـا الغـدر ينـدار
صعيب تظهـر فـي قـرار اتحـادي


الكبار دائماً كبار في حضورهم و في شخوصهم و قصائدهم



لله دره من شاعر فحل امتعنا و اطربنا بهذه القصيده


صح لسانك يا ذيب الشمري

و بيض الله وجهك يا وليد



تحياتي و محبتي

اخوكم

مرحبا يا وليد العمودي

قصيده فارقه وصح الله لسان ذيب الشمري والله يطول عمره

ولا هنت يا وليد

[align=center]يا سلاااام


سلمت يا وليد على النقل

قصيدة أكثر من رائعة


صح لسااان مبدعها ذيب الشمري


والله ينصر أخوانا في غزة



تحياتي لك[/align]

سداح
لاهنت على الحضور الجميل شرفتني كثيراً على المرور وصح بدنك يالغالي

اقسم بالله انها من أورع ما قرأت عن هذا الموضوع


الذي استهلك بشكل كبير


الا ان حرفنة العمالقة تظهر هناااا بكل اقتدار


سلمت ياوليد وعسى ابوك يبطي حي وسلامتك

ذيب الشمري


اعتبره من اروع الشعراء واخطرهم .. على مستوى الخليج
شاعر كبير وفيلسوف محترف .. ويبهر المتلقي
باسلوبه الحصري فالابداع


صح السانه مليوووون




وعندي طلب يا وليد
اتمنى ان تتحفنا بكل جديد له .. هنا في مرقاب السديري
وبلغه سلامي واعجابي



لاعدمناك !

بإسماعنا خلاطـة اسمنـت واحجـار
وابصارنـا فيهـا يـذر الـرمـادي

واقع مرير


بيض الله وجه ابوك ياوليد والله يصح لسانه
ذيب الشمري انا من المعجبين في نظمه


سلام :)

هلا اخوي وليد
الف شكر على هالنقل الرائع
وصح لسان الشاعر ذيب الشمري
والله ينصر المسلمين في كل مكان

[align=center]صح لسان المبدع \\ ذيب الشمري

والله ينصرهم وينصر المسلمين


وكل الشكر لك وليد العمودي


ولاهنت[/align]

الله يبيض وجهك ياوليد


صح لسانه


قصيده واقعيه شامخه رائعه



لله دره ودرك






تحيااااااااااااااااااااااااااااااااااااااااتي








..

شفق
لاهنت وشهادتي في حضورك وشرف مجروحه

ناصر مناحي
لاهنت وشكرا لك ولحضور حروفك النيّره وصح بدنك

بداح
لاهنت وشكر لك لحضورك الجميل

المسري
لاهنت وشكرا يالغالي على الحضور وصح بدنك وشهادتي فيك مجروحه

خالد
لاهنت وانت استاذ وماعليك زود
وصح بدنك ولاهنت

الله الله الله الله
الله الله الله الله

والله إنها من أروع القصايد التي كتبت في هذا الحدث

صح لسان الشاعر القدير \ ذيب الشمري

لاهنت على النقل المميّز

وليد العمودي

لاهنت

قصيدة معبّره


جزى الله شاعرها خير الجزاء


تقديري