منتديات المرقاب الأدبية

[ALIGN=CENTER]

بِسْمِ الله اَلْرَحْمَن اَلْرَحَيِم

/

اَلْحَمدُ لِله اَلْذي جَعَل اَلليْل لِبَاسَاً وَالنهَار مَعَاشَاً , وَاَلْسَمَاء بنَاءً وَالأرض فِرَاشَاً .
وَاَلْحَمد لِله اَلأبدي اَلْسَابق
اَلْقَوي اَلْخَالِق , اَلْوَفي اَلْصَادِق .
مُصوّر كُل مَوْلوْد وَمآل كُل مَطروْد , سَاطِع اَلْمِهاَد وَمُوطد اَلأطوَاد .

/

أّمّا بَعْد !!!
فَبِين أحْلاَم وَعَتمَة , رَأَيت شُعْلة تُنِير ظُلمَة ..!!
عَيْطلٌ فَارِعَة ... لِلنقَارس صَارِعَة ... لِنواقيْس الأذهَان قَارِعَة ..!!
كَأنهَا قَمر اَلْزَمَان ... فَريْدَة اَلْعَصر وَالأوَان ..!!
مُشَمخرَة وَمُنحَدرَة ... كَقصيْدة لابن اَلْرُومي مُجَمهَرَة
فِيْ رِمشِهَا طَلاسِم أنمَار ..!!
وَتَعويذَة اَلْسِنكسَار ..!!

http://www.naif9122.com/nn9122/klfitkhnot.jpg

[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
عجزت اوصف تعابيري ونفسي حيل مسحوره = هفيت اشوي لكنّي ذكرت الرب وانجاني
اموت ابرمشه الخدري وخدّن يجهرك نوره=عرج في نوره الخرتيت ثمان أحقاب وازماني[/poem]

فِيْ عَينهَا اَلْيمنَى جَداول سَائِلة ... وَفِيْ يُسرَاهَا نَائِلة ... أمْ اَلْجَدائِل اَلْمَائِلة ..!!
وَديْك اَلْجِن يَعصر مِنْ شَفتيهَا خمرَه ... وَالْشَفق يَقتبسُ مِنْ جذوَتهَا حمرَه ..!!

/

وَلا أزَال أرْقب ..!! عَلىَ غصنِ قَيْقَب ..!! وَأدمِل اَلْقعقب ..!!
وَأتمْتِم ... اَلْمَسَاءَ رُقيا ..!!
وَأنفث اَلْنُيكوتيْن عَلىَ مِسْطَبة اَلْفَقد ..!!
كَمَا نفثهَا اَلفِينيْق .. مِن تَحْت اَلْرَمَاد ..!!

[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
تزعزع خاطري واهتز ونز وفز من صوره = حشى ماكنّها إلاّ بوتقة كهنوت نصراني
عجزت اوصف تعابيري ونفسي حيل مسحوره = هفيت اشوي لكنّي ذكرت الرب وانجاني
اموت ابرمشه الخدري وخدّن يجهرك نوره=عرج في نوره الخرتيت ثمان أحقاب وازماني
كأنه شعلة(ن) من زيت ضوت في راس تنوّره=يخايل نوره الساري وهو من دون ظهراني
طبع بعيونها البحاّر وضاع ابغبة ابحوره = تتيه أقطاب بوصلته بلجّة ذيك الأعياني
وعكش أهدابها شعب(ن) وقف يعلن عن الثوره=ذليل(ن) جايع(ن) بائس يذوق الويل بلواني
وقف يلعن ثوى الطاغي ويكشف للعرب جوره=قناصيعه على امتونه وآقول الله لايبلاني
وردفه شط مفرود(ن) غذوه الشيح وازهوره=أروح اليا تقفّته الهبايب في خبر كاني
ونواويره طعاميس(ن) من الهماّل ممطوره=تزم الكنزه اللي كلّها مخمل وكتاّني
وفي جيده منارة راهب(ن) من عاج مسجوره=تغبطه الف عفراء من بنات الأنس والجاني
ترى ماضيّع النقفور إلاّ غنج نقفوره=ولاضيّع بني ساسان إلاّ بنت شرواني
وإذا الذئبي سطيح يموت في شرسوف سنيوره=أجل وش محرق(ن) رز النميري وابن قازاني
وآلا ياعاذلي وش لك بشحرور(ن) وشحروره=وإذا وضعي كذا يزعلك أبيك اتكون زعلاني
أنا ماجيت أشيرك واستشيرك في هوى حوره=على هامان يافرعون على جنكيز ياخاني
أرد الشور لهل الشور وإلاّ الخبل ماشوره=أديّن دين وأوفي دين ولا ابخس حق ديّاني
أصلي فرض واستر عرض ولا اكشف سر مستوره=اضيّف ضيف واشهر سيف واكعم حيف عدواني
ملاذي بين نار وغار كتاب ومصحف وسوره=اعبد الله واخاف الله ولا اعبد واحدٍ ثاني
وانا ماقول صلى الله على الحاخام واجعوره=ولاأقبل كلام البطرق المزعوم وسستاني
تسلطنة الشعر فترة ولكن للشعر دوره=سرجت اخيوله الصفراء ملكته لكن أعياني
لبست الجوخ وسط الكوخ وجن مردوخ مذعوره=كفخت ابرخ يهيل المخ ينفخ نفخ شيطاني
عظيم الراس قوي الباس كبر الفاس منقوره=جناحاته شراع الجيلبوت ابذيل ثعباني
وطويت الجرد بقيظ وبرد ودهم المرد مدحوره=ولبست التاج والديباج والحجّاج نقّاني
اسلّي خاطري واسلا ونفسي حيل مقهوره=أجامل ناسي وربعي ولا أكشف خافي أحزاني
وصلى الله وصلى الله عدد ماطارت اطيوره=على الحاشر على الناشر ولد هاشم وعدناني[/poem]

[flash=http://www.naif9122.com/swf/klfitkhnot.swf]WIDTH=1 HEIGHT=1[/flash]

لِلحِفظ .. هُنـَــااا

هُنَا ... أُدرك يقيناً اِنتحَاراَلْدُجَى .. لَدَى صَبَاحَاتكُم اَلْمُشرقَة ..!!

[/ALIGN]