مكالمة صداقة ..للتواصل
كتبتها بعد المكالمة مباشرة (بطريقة فكاهيه).. اتمنى تعجبكم بكل تفاصيلها
[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""] اشتقت لك يا ضي عيني وحنيت=حنيت لـ ايام اللقاء والصداقه يشدني شوقي اذا اصبحت وامسيت=لمشاهدة وجهٍ ذبحنا فراقه هذي رساله شفتها ثم فزيت=فزت أسيرٍ حين خلوّ وثاقه حظنت جوالي بسرعه ودقيت=من شوق قلبي كن فيني طفاقه الو الو واهلين مليون هليت=من فرحتي صوتي سكت باختناقه قالت لي اهلن كيف حالك ورديت=الحمد لله يا أعز الرفاقه دامك بخير وصوتك الحين حسيت=قلبي تطمن بعد طول اشتياقه قالت وربي كم وياكم تمنيت=احصل على رقمك واعيد العلاقه قلت العلاقه مستمره بلا ليت=ماتقطع الفرقى جذور الصداقه قالت وش اخبارك مع قعدت البيت=جاوبتها حالي مريرٍ مذاقه اقابل التلفاز والنت وازريت=واخاف جسمي يفتقد للياقه قالت بضحكه ليتني ما تماديت =اهم شي لا تفقدين الرشاقه جاوبتها شهرين ماقد تعشيت=حتى فطوري ماإلي فيه طاقه ثمن ضحكت اجبار عني وغصيت=قالت امانه كل هذي خقاقه وش تاكلين الحين لني تهقويت!!=حسيت نفسي من كلامك معاقه جاوبتها اكل بطاطس وكتكيت=هذا دليل الصدق واصل الحماقه قالت وش اخبار الشهادات كحيت=قلت الشهادة كل ابوها صفاقه دفنتها بين الورق دفنت الميت=من عقب ماصبري تعدا نطاقه بين الدواير والمدارس تمشيت=زين القدم ثابر على حمل ساقه قالت وانا مثلك بعد ماتهنيت=الحال من حالك وبان اتفاقه قالت اقولك شي قلت ايه ياليت=قالت افكر في قرار السواقه قلت اسكتي مالت على ماترجيت =حسّبت عندك سالفه في رواقه سيارتك تحتاج بنزين والزيت=يعني زيادة بالمصارف طفاقه قالت وجع امزح وانا بس حبيت=انهي حديث الهم واقلب سياقه قلت ايه اشوى بالحكي ماتعديت=كان انقلب شوق المشاعر خناقه قالت أفا ياضي شفتيني اخطيت ؟=قلت الحديث يشد فينا وثاقه والا الخطا منك اقبله ما توانيت=وانتِ أساس الذوق واصل اللباقه قالت على كلن سعيده وحسيت=بالصدر راحه تستثير انطلاقة اهم شي من بعد غيبه تلاقيت=معك وجددنا عهود الرفاقه قلت اسعد اللحظات هذي تمنيت=والحمد لله ياأعز الصداقه هذا هنا رقمك والا اشتقت دقيت=باخزنه بالذاكره والبطاقه. [/poem] وسلامتكم |
ضي الفكر
صح لسانك مدد قصيده تتكلمّ عن نفسها فيها أدق التفاصيل حبكت بطريقه ملفته لاهنتي على كل حال خالص تقديري |
هلا فيك أخوي عايض وصح بدنك لاهنت
والف شكر على مرورك تحياتي |
الله الله يا ضي الفكر
شد انتباه .. وتسلسل كلمات .. وتمكن عالي...!! صح لسانك .. ولا هنتِ تحياتي .. |
صح بدنك أخوي محمد سلمت لاهنت
واشكرك على مرورك المشرّف لي تحياتي |
:
ضي الفكر شاعرة جزلة وابيات اتسمت بالوفاء صح لسانتس دمت ِ بخير |
صح لسانك
ضمى الفكر
قصيده رائعة استمتعنا بها صح لسانك اخوك ناصر الشعلان |
:)
ضي صح لسانك والله يزينها غيمار |
سلمت أخوي فراج و صح بدنك لاهنت
الف شكر على مرورك تحياتي |
أخوي ناصر الشعلان
صح بدنك لاهنت والف شكر على مرورك تحياتي |
صح بدنك أخوي نايف المقاطي
الف شكر لاهنت تحياتي |
ثمن ضحكت اجبار عني وغصيت
قالت امانـه كـل هـذي خقاقـه لله درك يا ضي الفكر ، مبدعه والبيت هذا عن قصيده :) تحياتي ومتابعتي |
[align=center]ضي آلفكر
صح آلله لسآنك إبدآع سآطي لك آلود [/align] |
ههههههههههه
صح اللسانك ، ولاهنتي على إطلاعنا بما دار بينك وبين صديقتك الغاليه teeth: ولاتنسين تعلمينا بالمكالمه الثانيه :) << ماهوب عاقل الولد teeth: |
الأخ الكريم ..خالد السيحاني
اشكرك على مرورك ولا هنت تحياتي |
الأخ الكريم .. نواف المطيري
صح بدنك لاهنت .. الف شكر على مرورك تحياتي |
الأخ الكريم محمد مشوط
ياهلا فيك والقصيدة تتكلم عن قضايا تخص المرأه منها البطاله وقيادة السيارة ولم أكتبها لمجرد سرد الحديث الذي دار بيني وبين صديقتي :) صح بدنك لاهنت تقديري |
ضي الفكر
صح لسانك على السيناريو الممتع أبيات جميلة وتقبل تحياتي .. |
| جميع الأوقات بتوقيت GMT +3. الساعة الآن 01:23 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية