عذرا يارفيقي !!
 

[align=center]بسم الله الرحمن الرحيم

عوده للتجدد مع المرقاب [/align]


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

ماني بيـم الرفيـق وشرهتـه وعتبـه=لوساق لومه علي وقال هو وش بـلاه
ولاني مع الناس لو اني علـى مقربـه=اغيب مافيق لين اسمـع نـدا للصـلاه
افكـاري مشتتـه وهجوسـي مذبذبـه=وعيوني مشوشه والجفن نومـه جفـاه
اجي لبيت الحـزن كنـي علـي رقبـه=واصدم جدار الاسى بحثاُ لباب النجـاه
وادخل وارد السلام ولاني بمنتبه=واللي ينادي علي اسج ماسمع نداه
اخيل برق الامل من لهفتي و ارقبه=متى يحن رعده وابل كبدي بماه
والقلب تنبت فياضه وارضه المجدبه= اللي من العام ماخيل خيال بسماه
ماغير همٍ ضلوعي من جلال حطبه=ينقى ضلوعي تقول انه بداخل حشاه
يالعنبو طبعه ويالعنبو مذهبه=ماله ميانه ولاله مقدريه وجاه
احاول اجنبه وازريت لاجنبه=وان قلت ماهو كفو يعني هرجت بقفاه
لابلله الاكفو ومعربٍ منسبه=ولاشوف بينه وبين همومي اي اشتباه
ان شفت عين الشبه في حيد وجه الشبه=يصد وجه الشبه عني ولقى وراه
وارجي لهالحين وقت مفارقه واحسبه= صبرت لين الصبر مني وصل منتهاه
ألم وحزن وعنا وهمومٍ مرتبه=واحد ورى الاخر وكل يجي في سراه
ويني ووين الفرح والتسليه يا يبه=وابنك لاشافك نثر دمعه وهذا جداه
يارب زدني مبره والمبره هبه=هو باقي الوالدين ولابقيلي سواه
اجثي على ركبتي واجلس امام ركبه=وابسط كفوفي تحت ماطاه واطلب رضاه
فيما مضى يرتكي للكايده منكبه=واليوم ماعادت متونه تشيل العباه
خيم عليه المرض واستوطنه واتعبه=ولاله دوا غير من عندك ياربي دواه
ارفع اكف التضرع لولي واطلبه=يارب عبدك رجاوي لاتخيب رجاه
وان زاد لوم الرفيق وشرهته وعتبه= ردو سلامي عليه ويسعد الله مساه[/poem]

[align=center]عبدالله المويهي [/align]

حجز اول فاخر

لا يليق الا بحظور

عبدالله الروقي

وحضور الشعر

عوده بعد الاستمتاع

:)

صح لسانك

شامخه من راس شامخ

لاهنت وحماك الله كل شر

لك احترامي

:




يامرحبا ياعبدالله


شاعر جزل جزل جزل وافي
صح الله لسانك
تقبل مروري

الله الله


صح اللسانك يالمويهي
وبيض الله وجهك على برك بوالدك ، وعسى الله يشفيه ويطوّل عمره على طاعته


ولاهنت يا الامير ،،،
:)

ألـم وحـزن وعنـا وهمـومٍ مرتبـه
واحد ورى الاخر وكل يجي في سـراه
ويني ووين الفرح والتسليـه يـا يبـه
وابنك لاشافك نثر دمعـه وهـذا جـداه
يـارب زدنـي مبـره والمبـره هبـه
هو باقـي الوالديـن ولابقيلـي سـواه
اجثي على ركبتي واجلس امـام ركبـه
وابسط كفوفي تحت ماطاه واطلب رضاه
فيمـا مضـى يرتكـي للكايـده منكبـه
واليوم ماعادت متونـه تشيـل العبـاه
خيم عليه المرض واستوطنـه واتعبـه
ولاله دوا غير من عنـدك ياربـي دواه


عبدالله المويهي

الله يجزاك خير ويرزقك بره ويطول بعمره ويشفيه

صح لسانك مدد

وسلم راسك ايو الله ,, مشاعر صادقه وراقيه

اسأل الله ان يجعلها في ميزان حسناتك ولاتلتفت فاللي يتشره ان كان هذا عذرك

الله يزيدك من فضله


سلامي عليك

عوده

اخوي عبدالله

قبل كل شي اسمح لي اخذ عليك مأخذ

انت مقل في المرقاب ..!

لا تواجد ولا شعر

لاتكون اناني

وثاني شي

صح لساانك لا تكفيك

جزله من جزل

فكر صافي واسلوب راقي

دمت بود

صح لسانك



ياعبدالله


لاهنت يامبدع

عبدالله الروقي


مرحبا ومسهلا


قصيدة فاضت بكل ماهو جميل وسامي

لا يكتب بهذا النهج والاسلوب الا المبدعين

اسجل اعجابي الشديد هنا


وصح لسانك مدد ،


..

حيّك وحيّ ما جبت يا عبدالله

قصيدة مؤثره بحق الله لا يضرّك ووالله يشفي والدك ويعطيه طولة العمر

صح لسانك مدد وسلمت