علم يروع .... الله يرحمك يافيصل الرياحي
 

[align=center]اخواني المصاب كبير

والكلمات تعجز ويعجز الشعر ان يعبر عما يدور في صدري عن فيصل الرياحي

وهذه الابيات تعتبر قليل من كثير

اللهم يارب العباد ارحمه رحمة واسعه ونقه من الذنوب والخطايا كما ينقى الثوب الابيض من الدنس

امل من كل من يتكرم بالرد ان يدعي لفيصل الرياحي بالرحمه فهو والله في امس الحاجة الى الدعاء[/align]


[poem=font="Simplified Arabic,6,white,normal,normal" bkcolor="black" bkimage="" border="double,10,gray" type=2 line=1 align=center use=ex num="0,black"]
علم يروع ولا بانت لي الصوره=والفاجعه من تصيبه يفقد شعوره
معقول فيصل توفى ماني مصدق=يمكن اشاعه وهرج(ن) ماكتمل طوره
لا والله الا الخبر صحيح وموكد=يالوع قلبي على فيصل وياجوره
استغفر رضيت بكل ماقدر=هذي مقادير منهيه وماموره
مير الفجيعه على واحد مثل فيصل=من قوها تخرج الانسان عن طوره
تبكيه وقفاته اللي مالها غيره=لاغاب منهو يقوم ويحتمي دوره
ماهو قصور ببني عمي هل الطاله=افعالهم عند كل الناس مخبوره
لكن وقفات فيصل من يعوضها=كم واحد(ن) عن دروبه تقصر شبوره
بالشعر والطيب والفزعات والنخوه=ومعزته في قلوب الناس محفوره
انا اشهد انه فقيده صعب يتعوض=خسروه ربعه وعشاقه وجمهوره
نجم(ن) طلع للمعالي لين كملها=على جميع الاوادم ساطع(ن) نوره
لكن الايام من يامن بوايقها=لها على الناس لو طال الزمن دوره
يالله ياللي جميع الخلق تلجالك=والنفس دايم على رجواك مفطوره
ترحم بحاله وتغفر كل زلاته=على رجا رحمتك تتوقف اموره
ياربي اجعل جنان الخلد منزاله=ياواحد(ن) رحمتك للناس موفوره[/poem]


[align=center]زياد زيد البقمي[/align]

مير الفجيعه على واحد مثل فيصـل
من قوها تخرج الانسان عن طـوره


الغالي زياد البقمي

يا مرحبا بك

ولا تلام والله

رحم الله الشاعر العلم فيصل الرياحي واسكنه جنان النعيم

وصح لسانك مدد ،


..

احسن عزاكم يازياد والله يغفرله ويرحمه


غيمار

تبكيه وقفاتـه اللـي مالهـا غيـره
لاغاب منهـو يقـوم ويحتمـي دوره


لو ماقلت الا هالبيت عز الله انه كافي وافي


صح الله لسانك وغفر الله لابوبدر

يالله ياللـي جميـع الخلـق تلجالـك
والنفس دايم على رجواك مفطـوره
ترحم بحالـه وتغفـر كـل زلاتـه
على رجا رحمتك تتوقـف امـوره
ياربي اجعل جنـان الخلـد منزالـه
ياواحد(ن) رحمتك للنـاس موفـوره

آمين

الله يرحمه ويبيح منا ومنه وينزله منازل الصالحين ووالدينا والمسلمين اجمعين.

صح لسانك يازياد وتسلم وتدوم.. وعظم الله اجرنا واجركم جميع


تحياتىىىىىى لك

الله يرحم الرياحي ويسكنه الجنه ويغفر ذنوبه

قصيده مؤثره

وصح الله لسانك يا زياد

الله يرحمه ويسكنه الجنه

سلمت يا زياد وصح لسانك على هالمرثيه .








دمت بخير ،

الله يرحم فيصل الرياحي


ويسكنه الجنه



صح لسانك يازياد


لاهنت

اخي عبد الله اشكرك على المرور والدعاء

لاهنت وبارك الله فيك

صح لسااااانك
والله يرحمه ويسكنه جناااات النعيم
آمين
آمين
دمت بخير
ولا هنت

اخي سداح

الله ياجعل والديك الجنه

مرورك الجميل اسعدني

والله يرحم ابو بدر