الهــوى شــرقي .... !
السـلام عليـكم ورحمة اللـّه وبركاته
طالـت الغيبـه عن مرقـاب .. كل عام وانتم بخيـر لعيـد الاضحـى وللعام الهجري الجديد مره وحده ..! مصـافحه وتجديد محبـّه للمرقـاب وزواره كلـهم من اعضاء ومتصفحيـن لـعل وعسى ترتقـي لأذواقكم [poem=font="Tahoma,5,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] الهوى شرقي وقلبي ما هوا الشرقيـّه=عشت فيها مير قلبي ماسكن فأرجاها ساكنن عند الهنوف الدرّه النجديّه=مارضت تمشي معه وأزرى بعد ينساها مابقى في قلبي الا العشق والحنيّه=شالت اوجاعه ومشّت دمعته يمناها قصـّته معها عفيـفه طاهره عذريّه=ورّته درب الغـرام العذب ثم خاواها مابغيته مير راحت وحدها رجليـّه=تتبع لقلبـي وتسرع فالطريـق خطاها وأثر قلبي يرسل لعقلي كذا برقيـّه=((هكذا حكم القلوب المفعـمه برضـها )) جيتها كلي ولادري وش مراد الجيّه=صوّبتني وأثرني واضح على مرماها هيَضت قلبي وخلّت نار شوقه حيّه=واستفـّزت خاطري عقب الخفوق وجاها أحسبن الحب توّه ما تحرّك فيّه=واثر ماباقن بقلبي عرق غير اغلاها حبّها كلّه حنان ورقّه وماويّه=كنت فاقـدها واثرني ما طمعت ألقاها ميــّتٍ فيها ولكن ما طلبت الديّه=موتتي منها حـلال وكلـ أبوي فداها عشت معها في كنف لحظاتها الورديّه=مايكدرني سوا الدمعه قبل فرقاها[/poem] وسلامتــكم |
عليكم السلام ورحمة الله وبركاته
ومرحبا بك وبجديدك يا فيصل أحسـبـن الـحـب تــوّه مــا تـحـرّك فـيّـه واثـر ماباقـن بقلبـي عـرق غيـر اغلاهـا يا سلام عليك وصح الله لسانك مدد |
[align=center]فيصل بن دويحآن
آلله آلله سلمت و صح آلله لسآنك مليون ولا هنت لك آلود [/align] |
:
أحسـبـن الـحـب تــوّه مــا تـحـرّك فـيّـه واثـر ماباقـن بقلبـي عـرق غيـر اغلاهـا الله الله الله فيصل صح الله لسانك عذب وجزل دمت بخير |
أرحب يا بوعبدالعزيز
( وكل عام وأنت بخير يا بعدي ) أحسـبـن الـحـب تــوّه مــا تـحـرّك فـيّـه واثـر ماباقـن بقلبـي عـرق غيـر اغلاهـا حـبّـهـا كـلّــه حـنــان ورقّــــه ومــاويّــه كنت فاقدها واثرنـي مـا طمعـت ألقاهـا مـيّـتٍ فيـهـا ولـكـن مــا طلـبـت الـديّــه موتتـي منهـا حــلال وكـلـأبـوي فـداهـا عشت معها في كنف لحظاتهـا الورديّـه مايكدرنـي سـوا الدمـعـه قـبـل فرقـاهـا لله درّك يا شيخ ابدعت وامتعت في هالقصيده الابداعيه جزاله / صح لسانك الف الف .. محبه وتحيه :) |
صح لسانك يافيصل
مبدع لاهنت |
هلا
هلا وغلا :) وصح اللسانك يالغايب الحاضر وحمدلله على السلامه :) |
فيصل بن دويحان قصيدة تطرب القلب والوجدان بقافيتها العذبة جدا جدا و بحرها الذي ما ان نبحر فيه حتى يغرقنا بفوج مداده و جماله قصيدة عشق مختلفة جدا تسرق من قلوبنا نبضه فيصل بن دويحان صح لسانك |
الله عليك يا فيصل :)
واختلف معك في حب الشرقيه :) صح لساانك |
اقتباس:
|
اقتباس:
مرحبـا مرحبـا يا نواف صـح بدنك مليووون ولا هنـت على تشريـفك للموضوع |
اقتباس:
شرفت الموضـوع يا فـراج .. صح بدنك ومشكـور على مرورك وردك لاهنـت |
| جميع الأوقات بتوقيت GMT +3. الساعة الآن 01:33 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية