( ثـــوب المــراجـل ) مجاراة للأميـر / محمد الأحمد السديري
 

[align=center]السلاام عليكم ورحمة الله وبركاته

عذرآً على الغياب .،

قصيده مجاراة للشاعر والأمير الراحل / محمد الاحمد السديري

ولا تعتبر ربع ما قدمه الامير في قصيدته المشهوره

التي من ابياتها :


[poem=font="Simplified Arabic,5,royalblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
لا خاب ظني بالرفيق المواالي=مالي مشاريهٍ على نايد الناس[/poem]


اترككم مع محاولتي المتواااضعه


.
.
.[/align]




[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
بديت بأسم الله عظيم الجلالي=ربّ الخلايق جالي الهمّ واليآس

في راس مشرافي وجالس لحالي=أروّض الشرّد وفالبال هوجاس

ويوم أستوى قافي وجالي مجالي=كيّفت لي كيفٍ على خمسة أجناس

وبهّرت طبختها بصفر الدلالي=الطبخه اللي قستها خير مقياس

ومن عقب ما فاحت وزلّيتها لي=وشربت فنجال ٍ جلى كلّ الاعماس

عديّت ذربات البيوت الجزالي=اللي ليا عدّيتها ترفع الراس

مضمونها عدّة نصايح غوالي=نصايح ٍ ما تنتبدل بالألمااس

ياللي تبي العليا وروس الطوالي=أبنصحك ما دام لك قلب وإحساس

أحرص على دينك ترى العمر بالي=دنيا ً بليا دين ترجع للأفلاس

وأتعب على اللي رفقته راس مالي=رفقه لها معنى ومذهب ونبراس

وممشاك خله مع قروم العيالي=وإترك مماشى اللاش وعيال الأنجاس

خلّك مع الطيب كريم السبالي=في خوّته تلقى معزّه ونوماس

وإترك ردي ٍ فالرخا لك يلالي=خوّته تمشي بك على درب الادناس

ولا تناسب كود وافَ الخصالي=عرّب قبل تنشب ترى العرق دسّاس

ترى الولد يجذبه طبع الخوالي=وإتعب على الوافين ومعرَّب الساس

ومجلسك خلّه مدهل ٍ للرجالي=وسّع خواطرهم ولو كنت منحاس

ومن صدّ عنك لا تحرى القبالي=وإليا ألتفت لك لا يجي منّك عْبَاس

وسّع بطانك لو يجيب الهزالي=ما يستشك ألا رديين الأجناس

وللضيف هات الفال قبل العقالي=ولا يجي عينك عن الواجب نعاس

وخلّك صبور ومرتكي للثقالي=ولا توسوس لو بخاطرك وسواس

وأليا حفظت اللي تضمّن مقالي=فصّلت لعلوم الرياجيل ملباس

وأليا لبست الثوب صرت المثالي=جرّب تسويها وشف هرجة الناس

وإن كان ما أوحيت ( ونعم ) لك تقالي=عقبّني الفنجال يا طيّب الراس[/poem]

عليكم السلام ورحمة الله وبركاته

ياللي تبـي العليـا وروس الطوالـي \ ابنصحك ما دام لك قلـب وإحسـاس
أحرص على دينك ترى العمر بالـي \ دنيـا ً بليـا ديـن ترجـع للأفـلاس
وأتعب على اللي رفقتـه راس مالـي \ رفقه لها معنـى ومذهـب ونبـراس

حيّك وحي ما جبت يا فيصل

مجاراه لعلم من اعلام الشعر ما خلت من الحكمه والجزاله

صح لسانك مدد وسلمت

حكيم وجزل يافيصل


صح لسانك ولاهنت يالقرم

مجاراة طيبة ومن شاعر متمكن وجزل

تحية اخوك

غفر الله للسديري


وانت صح الله لسانك ولا هنت

عليكم السلام ورحمة الله وبركاته


مرحبا ومسهلا يا فيصل



وسّع بطانـك لـو يجيـب الهزالـي
مـا يستشـك ألا ردييـن الأجنـاس


الله الله


صح لسانك وسلمت ،


..

نااصر منااحي


تحيا وتدوم يا غااالي

صح بدنك وحياك الله

اسعدني مرورك وشرفني

عبدالله الهديريس


يا مرحبا ومسهلا

صح بدنك وحياك الله

اسعدني مرورك وشرفني

ياسلام يافيصل




صح لسانك



والله يرحم السديري




تقبل مروري ...

المسرّي

اللهم امين

وصح بدنك وشكرآً على المرور

شرفتني واسعدتني :)

محمد بلال

صح بدنك يا غاالي

شرفني مرورك وأسعدني

لاهنت ويعطيك العافيه