كن الخبر عن واحدن من عيالي
[poem=font="Traditional Arabic,6,black,bold,italic" bkcolor="transparent" bkimage="" border="none,4,gray" type=2 line=1 align=center use=ex num="0,black"]
البارحه ليلي هواجيس وحزون=وضاقت عليه من جنوب وشمالي ماغير انا اللي تقل مخلوق بالكون=وسط البشر كني وحيدن لحالي ماتقل به ناس(ن)على الارض يمشون=يوم الخبر من يم الاصحاب جالي وفزيت مثل اللي بلا عقل مجنون=كن الخبر عن واحدن من عيالي قلت اتاكد واتصل بالتليفون=والدمع يسبق دقتي واتصالي في موقف(ن)فيه الرجاجيل يبكون=وفي ساعته كل(ن)بكى حال غالي وصبحت مثل اللي من عداه مغبون=والثار راح وراح راعيه جالي ولو القدر من دونه الناس يقفون=دونه وقفنا في مواجه ومالي ماقدر الله للبشر فيه يرضون=والعمر لو طالت لياليه بالي بس الرجال اللي بهم خير ينعون=اهل الوفا ومكرمين الرجالي يالله يامن بامرك الكايد يهون=يارب يالمعبود ياذا الجلالي يامحيين في قدرتك من يموتون=يامشفين ليوب عقب النكالي يالله ياللي لك عبادك يصومون=وياللي لك المسلم بضيقه يسالي ياعالمن خافي وظاهر ومكنون=ولقدرتك مافيه شين محالي تشفي بدر يافرج(ن)هم مديون=ومن حادثه يقوم مابه خمالي لاهان راسك يابن شافي ولاتهون=وفيك اجمعتنا مقبلات اليالي[/poem] |
[align=center]حجز أول مع مرتبه الشرف
صح لسانك ياخليف[/align] دمت بخير |
الله الله
خاليف الوهيداني شاعر جزل وقصيدك جزل يالقرم ابيات معبرة بشاعرية متمكنه ، صح لسانك ولاهنت سلامي على فكرك تحية اخوك |
خلف الوهيداني لا هنت . . على هذا التألق صح لسانك صح لسانك تحياتي .. |
اقتباس:
ومشكور على مرورك لك احترامي |
صح لسانك
طرح راقي ياراقي تقبل مروري ... |
[align=center]تعبير بشاعريه
لله درك يا شيخ صح لسانك واعتلا شانك لا هنت [/align] |
خليف الوهيداني
شاعر جزل وقصيدك جزل يالقرم ابيات معبرة ، صح لسانك ولاهنت سلامي |
يامرحبا ومسهلا ياخليف
وصح لسانك وفكرك وصبحت مثل اللي من عداه مغبون والثـار راح وراح راعيـه جالـي ولو القدر من دونه الناس يقفـون دونه وقفنـا فـي مواجـه ومالـي هذا الكلام ولكن الصبر الصبر واحتسبوا الأجر والله يقومه بالسلامه سالم وغانم وجعلها الله طهورا ً إن شاء الله تحيتي لك |
| جميع الأوقات بتوقيت GMT +3. الساعة الآن 09:39 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية