أنت! شاعر حرب..لاشاعر هذيل ولاعتابه!!
 

مُحاوره جمعَت بين الشاعرين: عبدالله إبن حامد المطرفي, وصياف الحربي رحمهُ الله:

عبدالله المطرفي:

مرحبا بالصاحب اللي غيبته منشود عنها
لو يطول الوقت كلٍّ دفتره موثِق حسابه

ليه ياصياف مازرت اهل مكه في وطنها؟
وانت من ضاري صحيبي لين ضيّعت الصحابه!


صياف:

البقا واللي يجيب الطيبه ياخذ ثمنها
كلمةٍ يشهد لها التاريخ من شاعر شبابه

كيف ازور الصاحب اللي كل مكه ماسكنها!
حفيت اقدامي وانا ادوّرك في ذيك الشعابه


عبدالله:

والله انا محتسينك والذبيحه في صحنها
واْحد يدري عن سنع صياف واْحدٍ مادرى به

خابرينك كل مايبدي شهر تآمر وتنهى
وانت شاعر حرب..لاشاعر هذيل ولاعتابه


صياف:

مانبا شرب الديوس اللي ماندري عن لبنها
ذيب يعوي راس ضلع ونمر يوزر وسط غابه

مايصلى في الجنازه لين تدخل في كفنها
ثم من عقب الصلاه يحط للميت نصابه

عبدالله:

انت تدري بالبدو يوم البدو قادت ضعنها
مير ماكنك قريت ولا تعلمت الكتابه

ياعميل الخير لو ان السيور احدٍ دهنها!
كان كلٍّ في هذاك الوقت يشعب في ركابه

صياف:

الحبوب اللي في راسك قبلنا مَحدٍ طحنها
مير لاتسري مع الظلما تعشاك الذيابه

انت عبدالله وعبدالله! حياته ماضمنها
مير لاتسرع وتاخذ لك مع الخط انقلابه

.
.

عبدالرزاق الذيابي


ونقل ممتع

ورحم الله صيّاف الحربي .

رحم الله فيصل الرياحي وأطال في عمر المطرفي ونحن في انتظار عودته إلى ساحات المحاورة


تحياتي .

عبدالرزاق امتعك الله بالصحة والعافية والإيمان


امتعتنا بهذه المحاورة الجميلة

رحم الله صياف، وأمد بعمر عبدالله المطرفي


آمين

[align=right]


لا هنت على نقل المحاوره ..

... تحيتي /

[/align]

عزالله انها محاوره صح

الله يرحم صياف الحربي ويطول في عمر عبدالله المطرفي

والف شكر لك على ايرادها يا عبدالرزاق

عبدالرازاق


بيض الله وجهك على هذا الاختيار الجميل لعمالقة شعر

الله الله على الاختيار

لاهنت ياعبدالرزاق

اسعدتنا بهذه المحاوره الرائعه الله يسعدك

اخوك