طاروق رائع بين صياف وصلاح الحريبي
 

محاوره شعريه قديمه بين الشاعرين صياف الحربي رحمه الله والشاعر صلاح بن صالح الحريبي المحمادي الحربي

صياف السحيمي
الليله الليله نشب النار فوق ابو لهب
والجنه الخضرا حرسها ماسكين ابوابها


احد يشب النار والثاني يلمون الحطب
لكن شب النار فوق الخصم ياشبابها


صلاح الحريبي
الجنه الخضرا تراها عند خلاق العرب
اللي خلق نفسك وليّه فالمدينه جابها


لاترضع امك فرمضان تصيب نفسك بالجرب
وتروح نص الناس منقده عليك اثيابها



صياف السحيمي
اليا سلمت من المصيبه ماسلمت من السبب
وانت سببها وانت نازع قفلها من بابها


ياكثر حب الدخن فالديره وياكثر القصب
لكن لايشقابها التاجر ولا يرضابها


صلاح الحريبي
ترى الحصان حصان مايثني جنوبه للقرب
لكن جنبها تراني عارف مجنابها


سلمي معي يارجل واعرف السمان من الجلب
والا الهلامه كل شرهتها على جلابها


صياف السحيمي
ياكثركم ياهل عموق من المضيق اليا الغرب
لكن نص يحد سكينه ولا ذكابها


لا تفجع العربان يابو زيد من طول الشنب
تفزع بسكين ثلاث اسنين وسط اجرابها


صلاح الحريبي
انته من الهضبه اليا ضلعان عوف ام السرب
واليوم مدري ويش لاقي يوم ماتشقابها


البندق اللي حطها الطرقي على روس الشعب
راح البعير وراحت البندق على من جابها


صياف السحيمي
ترى الهدف ماهو قريب تحط له راس وذنب
في ديرة (ن) ماطبها المسلم ولا صلابها

[align=right]

لاهنت على النقل ..

محاوره اطلعت عليها من قبل ..

واستحقت القراءه مره أخرى ..

... تحيتي /

[/align]

الله يرحم الشاعر صياف االحربي ويطول عمر صلاح بن صالح

شكراً لك على النقل يا محمد

الله الله

كثر لنا من هالنمونه يامحمد


والله يبيض وجهك ويرحم الميت ويسلّم الحي

رحم الله الشاعر العلم / صياف بن عواد الحربي

شكرا يا محمد على هذا النقل المميز

ولا عدمناك ،

..

ترى الهدف ماهو قريب تحط له راس وذنب
في ديرة (ن) ماطبها المسلم ولا صلابها



هههههه الله الله
رحمك الله يا علم .. وغفر الله لك واسكنك فسيح جناته
والله يطول عمر الشاعر صلاح



لاهنت على النقل المميز
يا محمد البيضاني .. وعاش من شافك يالغالي :)


اخووك

ترى الهدف ماهو قريب تحط له راس وذنب
في ديرة (ن) ماطبها المسلم ولا صلابها

الله يرحم صياف ويغفر له وموتى المسلمين اجمعين

لاهنت يامحمد بيض الله وجهك