الصين تتحدث عن المزاين..
والله مادري هم يسبون والا يمدحون بس الاكيد ان التلفزيون في الصين تكلم عن مزاين الهيلا
http://www.youtube.com/watch?v=7EMOi...eature=related وش تتوقعون تقول المذيعه؟؟ |
اكيد يبو مهنا ................. بيتكلمون الصين
موسوعة جنست للأرقام القياسيه سجلت ............. اكبر تجمع عائلي في العالم ولا يصدق هالكلام الا الي حضر انا لمدة سته ايام وجوالي مايتصل . ضغط بشر العسام فوقك غاطيك .......... ماهي هبوب ............ لكن من السيارات انا رحت للمخيم حق قبيلتي ( الجعده ) واخذت مايقارب ساعه عند البوابه تقول اني في زحمة الحج . بس انا ودي اعرف هم وش يقولون.............. بس اكثر الظن انها مدحه لأني سمعت كلمة ( بونق هونق ) هذي معناها ( ذباحة الحايل ) |
[align=center]السريّع شفق...
انــا حسب اطلاعي على الثقافه الصينيه. اتوقع انهم يثنون على عتابــه.,.,., واللي يهرج يقول لا والله لقــانا الترحيب اللي يبيض الوجه والحشو المبركه والعود الازرق والدله المزعفره والعويدي اللي يدزعد الراس ومايوقع الا في عمر المراره... الخلاصه..انه يقول اخذوها بشحم.. ههههههههههههههههههههههههههههههه اقتباس:
سنـــجار يا بعدي منهي جنست....عساها ماهيب حرمة جينس اللي حنّا خابرينه..!!والا تباها غاراها[/align] |
اقتباس:
ههههههههههههههههههههههه نسيل الله العفو... زاحف لا يرجا علاجه... ههههههههههه |
اقتباس:
اطلع من سنجار و اطيح في عبدالمجيد.. عاد هذا اللي ما فيه طب.. مأجـّر العماره بمواقفها.. :):):) و الله ان ردودكم عسل انتم يا الثنين اللي فوق.. ما عمري دخلت لكم على ردود الا و اتكرفس على غاربي من الضحك... :):):) |
الأبل آيه من آيات الله
خلقها الله وذكر لنا في كتابه : ( أفلا ينظرون الى الابل كيف خلقت ) لذا هي اعجوبه لكل من يتمعن بها وهم ربما شاهدوها وفتحوا اعينهم الصغيره تعجباً من روعة خلق الله تحياتي |
لا شك ان مزايين عتيبة فوق الوصف
لكن ترا المذيعه ما ذكرت عتيبه نهائيا اليكم الترجمه الحرفيه :- أعزائنا المشاهدين لدينا خبر غريب في السعوية اقيم احتقال كبير ومسابقة عن معايير الجمال من نوع جديد اليكم هذا التقرير .. احتشد الكثير من الناس بصبحة لفيف من الجمال متعددة الالوان للمشاركة في تقييم عن جمال تلك الجمال .. حيث يهتمون بمعرفة التفاصيل الجسمانية من الراس للخف ، قد تتسع عيونكم كثيرا وانتم تشاهدون كيف يهتمون بكل التفاصيل وبطريقة فنية رائعه حيث يتم توزيع جوائز كبيره على اصحاب الجمال الفائزة وقد حضى الاحتفال باهتمام شعبي كبير انتهى ! .. |
8
8 8 8 8 8 8 8 ههههههههههههههههههههههههههههههههههه فتحو اعينهم الصغير فتعجبو يعني لو عيونهم كبيره مارح يتعجبون هههههههههههههههههههه |
:
: هههههههههههههههههههه حتى الصين .. وصلها المزاين .. !! أنت وين لقيت هاللقطة ياشفق .. ؟؟ المذيعة تقول بناءً على ترجمة البنقالي اللي عندنا : على الحرام .. أني لأتلها لـنفود السر لو عملت (( عتيبة )) مزاين ثاني .. !! وختمتها بـ أبك .. أبك .. أبك .. !! طبعاً البنقالي يقول على الهرام .. !! <-- المصداقية مهمه .. !! teeth: |
لا مهب صحيح يالربع ., هي تعد اسماء اللجنه .. وتذكر بأنها حظيت بالتأييد الكامل ., وآخر شي كانت تقول ان عدد المشاركين بالابل المجاهيم هزع الغوارب فاق التوقعات ., وتذكر في جمله اعتراضيه ان المجاهيم ام الحليب 100 عصا .. والمغاتير ام الزين 94 متن ( عصا ) وسلامي عليكمـ ., |
اقتباس:
هم خليهم اول شي يعرفون الله على شان يتفكرون في خلقه :) تحياتي |
اقتباس:
ههههههههههههههه يا قربك من الحـِـرْوَه يا سداح.. الله العالم ان هذي هي الترجمه الفعليه للقطه.. :):) |
اقتباس:
مرحبا حمنـّي البنقالي هذا لا تفكه.. هذا عنده علوم ٍ طيبه.. :) اجل أبك.. ابك .. أبك هههههههههههه تحياتي يا ريس |
اقتباس:
هههههههههههههههههههههههههههه اجل حظيت بتأييد كامل يا عناد... يا مرحبا يا عناد و تشرف المتصفـّع بتواجدك :):):) تحيات كبيرات |
أكيد يمدحون وهم يستاهلون
وانت وافي واعلومك طيبه ياالشيخ والظاهر إنهم يسألون عن عبدالرحمن بن حمد |
هههههههههههههههههههههههههه
ابك المزاين وين جاهم لاهنت ياشفق |
يالربع ماشاء الله تبارك الرحمن الله لايضركم
شعار ومترجمين << ماخلوا شي teeth: ابو مهنا انت منين طحت على هالتصوير ؟! الله يعطيك العافيه ياروح المرقاب العام :) |
اخوي شفق
ماشاء الله عليك منين تطلّع هالسوالف والله العالم المذيعه تقول نبي نسوي زيهم لان عندهم جمل ابو سنامين طايح سوقه |
هههههههههههههههههههههههههههه
ابو مهنا ، مثل ما قال ابو ناهض ، ابو سنامين طايح سوقه teeth: والله ما تدري لو يهبّون ملاك الابل على ابو سنامين ويتركون ابو سنام للقصاصيب :) تحياتي |
| جميع الأوقات بتوقيت GMT +3. الساعة الآن 02:36 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية