منتديات المرقاب الأدبية - حنا سعوديين يوم إن الزهاب طحيّنه .. [ عيد بن مربح ]

السلام عليكم ورحمة الله وبركاته

قصيده للشاعر الكبير / عيد بن مربح الرشيدي

اتمنى ان تنال رضاكم ,,

[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
بسم الله الرحمن سبحانه عليه الإتكال =علاّم ما تخفيه نظرات العيون الخيّنه
عز الله إني ما بغيت الشرح لين الهذر طال =واجب عليّ المنطمس للمسلمين أبيّنه
يا ابن مناحي ما تغيبني حرام ومستحال =أرسل ندى عبسي لراعي المشكله بمكيّنه
عبس أبرياء من هفوة الهافي وعذر الإحتيال =إن خاف ربه وان دفن حظه بوسط دفيّنه
حطيت لي جال أحتمال وضفت للخبث احتمال =وطلع بريصي(ن) يطقطق بالصفا بلسيّنه
البن يطلع له بذل والمجتمع يفرز حثال =واللي يبي راس الجبل ما ينسدح ببطيّنه
مالي علاقه ياازرق النيه بتحريف التلال =ونفس المسمى دوره في ديرتك وتعيّنه
خلك معايه واقعي واضرب على نفسك مثال =واذا بغيت البينه بأبن الوسيط البيّنه
وان كانها خدشة نسب حنا نسبنا بالعلال =جيناتنا ما هي على قلة سنع متجيّنه
الثار والفتنه تطاردنا على طول الليال =وحنا جبل لو الصواعق تضربه ما تليّنه
وان كانها سرقة وطنيه وتعقيدة حبال =حنا سعوديين يوم إن الزهاب طحيّنه
سبع بيارق كبّرن يمشن وخطاهن ثقال =مع الإمام الفيصلي والأمه المتديّنه
يا قلعة الإسلام هل ياجد بك المسلم ظلال =الكذب كيف نحاربه والصدق وين نعيّنه
رغم الظروف القاسيه نصبر مثل صبر الجمال =نموت وتحيا المملكه في تاجها متزيّنه
بقيادة الحر الأبي رمز العروبه والنظال=كل المشاكل قدم ابو متعب تصير هويّنه[/poem]