صــــوره ورقــــم
 

صبحكم الله بالخير

اقدم بين اياديكم هاذيه المتواضعه امل ان تحوز على اعجابكم







[poem=font="Simplified Arabic,5,sienna,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
البارحـه عديـت فالنايـف الجـال = وغنيت شين هاضت ابـه القريحـه
وبنيتلـي امـال وامــال وامــال = وهـدت وامانيـي الليـال الشحيحـه
الين بان النور مـن فـوق الاطـلال = حـزة دوامـات الوجيـه الفليـحـه
وعودت والضيقه لهـا فـي منـزال = وضاقت علي كل الفجـوج الفسيحـه
والشكوه لغير الولـي عالـم الحـال = تنقيص قدر . وذل نفس . وفضيحـه
ومن لا يعود نفسـه يطـول لا قـال = يـدري بـان المهمهيـه مطيـحـه
ولا قبـل تهميـش نفـسـه والاذلال = ياكود رجلن صـار وجـه صفيحـه
نقـط لـه غترتـه ونلبسـه شــال = ويحسب مـع المترديـه والنطيحـه
والشعر له حزته من ماض الاجيـال = يشرح معانـات القلـوب الجريحـه
لكن في هذا الزمـن صابـه هبـال = قامـت تخطفـه الوجيـه القبيـحـه
ناسن تحسب ان الشعر لعبت عيـال = هرجـن هزيـل ملقحينـه لقيـحـه
اليـا قصـد اطيبهـم تـقـول دلاال = ماتاخذ من الشعر ذا غيـر صيحـه
وانا قصيدي لا حضـر كنـه همـال = يـروي مسامـع كاسبيـن المديحـه
وبنات فكري تشغل الساحـه اشغـال = وتخلـي المستشـعـره مستريـحـه
والحب درب وسكتـه كلهـا اهـوال = ياللي مشيت الدرب حـذرا تطيحـه
انـا وليفـي حدنـي لاشهـب الاال = اللي خيالـه مابـه احـدن يزيحـه
عرضني لهرج السرابيـت الانـذال = اللي تحـرى منـي ادنـات طيحـه
امسي معه في حال واصبحت في حال = ولاعاد ينفع معـه حكـي ونصيحـه
وادي غلاه اللي وسط خافقـي سـال = ونظرة غرامي في عيونـه صريحـه
وزينه لحال وزينـة اخلاقـه لحـال = متقطف امن الحسـن ورده وشيحـه
وطيفه ليا عـرض اوقفلـه اجـلال = وابيحلـه شيـن لايمـكـن ابيـحـه
عوده غصن لاهبه الريح ثـم مـال = يتعب خيال اهل النبـط والفصيحـه
اللي علـى وصـل خطاويـه ثقـال = على وصاله حالـف اذبـح ذبيحـه
قدره معي كالمال لاصحاب الامـوال = وكل شي فينـي صاحبـي مستبيحـه
اغليـه واوده واحـبـه ولاحـتـال = معن قلبـي خابـر ان ذا ضريحـه
ان زال عن عيني عن البـال لازال = تبقـى بقايـا حبـه تفـوح ريـحـه
باقي علـى ذكـراه شييـن بالبـال = صوره . ورقم مخزنـن بالشريحـه
[/poem]

سعيد ان حضرت
هنا
لارتوي من معين شعرك
الذي لاينضب
صح السانك مدد

مروري

ياسلاام يافهد ياسلاام

صح السانك ملايين

اجدت وابدعت لله درّك

ودمت بخير

فهد الصعيري


صح لسانك ولاهنت

قصيده تحاكي الواقع

تقبل تحياتي ومروري



:)

صح بدنك



ولاهنت عالمرور

فهد ومازالت المتابعة مستمرة !


انت مبدع

ابو خالد لله درك


دايم تبهرنا فيما تكتب :)


كل الود


تركي

وانا قصيدي لا حضـر كنـه همـال
يـروي مسامـع كاسبيـن المديـحـه

وبنات فكري تشغل الساحـه اشغـال
وتخلـي المستشـعـره مستريـحـه

كفو وعز الله انك صادق وقصيدك خير دليل
صح الله لسانك ولا هنت يا الصعيري

في كل قصيدة تثبت انك من اللي يجبرنا على متابعته وانتظار جديده

وفقك الله



.

والشكوه لغير الولـي عالـم الحـال
تنقيص قدر . وذل نفس . وفضيحـه

ونعم بالله

اخوي فهد الصعيري

صح لسانك مدد

تحياتي

الاخ الشاعر / فهد الصعيري

صح لسانك مدد بلا عدد

أنت مبدع ولك مني التقدير والاحترام

فهد الصعيري


ومن لا يعود نفسـه يطـول لا قـال
يـدري بـان المهمهـيـه مطيـحـه

الله الله


صح لسانك وسلمت


غيمار

صح لسانك


وسلمت ولا ندمت

محمد بلال

مرورك علينا بلحاله شرف




لاهنت ياخوي

صح بدنك



ولاهنت عالمرور العطر

والشعر له حزته من ماض الاجيـال
يشـرح معانـات القلـوب الجريحـه
لكن في هـذا الزمـن صابـه هبـال
قامـت تخطفـه الوجيـه القبيـحـه


يسعد صباحك يا فهد

وصح لسانك ،

صح بدنك


لاهنت عالمرور العطر

صح لسانكـــــ يا فهد


وبيض الله وجهكـــ ..


قصيده فيها الكثير من الحكمة ...


تحياتي لكـــ ...

صح بدنك



شهاده اعتز فيها


لك فايق الود والاحتراام

صح بدنك يابولفى



شهاده اعتز فيها

دمت بود