ياهل الجيب المجهّـز وناوين الشــمال
[align=center]المرقابيه الغالين
السلام عليكم ورحمة الله وبركاته لعيونكم الغالية وأذواقكم العالية[/align] [poem=font="Simplified Arabic,6,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] ياهل الجيب المجهز وناوين الشمال=وقفوا لو خذت من وقتكم شيٍ قليل ريضوا لي لين أجيب العمامه والعقال=والفراش وبعض الأغراض للدرب الطويل للديار اللي سقتها مراويح الخيال=علها من بارق الوسم سيلٍ عقب سيل ديرةٍ ربي كساها جمالٍ في جمال=لين صارت تشرح الصدر وتداوي العليل ودي اقضي عدة أيام مع عدة ليال=في فضاها واهتني بالمساء عقب المقيل علّي استرجع شبابي ولو قالوا محال=عاقد الأمال في واحدٍ ماهو بخيل كلما حاولت قالوا هدف صعب المنال=قلت فعلاً صعب لكن ماهو مستحيل بين شي من الحقيقه وشي من الخيال=ينبعث في النفس ذاك الشعور اللي جميل ماتشوف العشب يطلع من احضان الرمال=ويابس الاغصان تخضرّ وتعود تميل إبتعد عن زحمة الناس تلقالك مجال=وإترك الدنيا لأهلها ودوّر لك بديل لاتفكر في تجاره ولافي راس مال=وانت لين اليوم شايب ولا عندك حصيل كل شيٍ فات والعمر باقي لايزال=لاتضيّع باقي العمر في الشيٍ الهزيل ضاعت اعمار اكثر الناس في جمع الريال=يتعب الرجال حتى يفاجيه الرحيل التعب والكد لأم العيال وللعيال=وآخر المشوار من يعترف لك بالجميل ادري إن اهلك لهم حق مافيها جدال=وانت ماقصرت وفّيت في وزنٍ وكيل مير نفسك ناسي حقوقها يبن الحلال=انت مايرتاح بالك بيوم ولابليل تدّرج مثل المحاله تلاحيها الحبال=في عذاب وتسقي الناس عذبٍ سلسبيل قوم وانظر في المرايه وسل نفسك سؤال=ويش بقا بالعمر للكد والحمل الثقيل والله إن الصوره ابلغ جواب من المقال=الزمن شاهد على الحال والواقع دليل[/poem] |
اقتباس:
ماشاء الله ولا قوة الا بالله السهل الممتنع لا يجيده الا النوادر من الشعراء وأنت أحدهم شعر مميز وطريقة طرح رائعه وموضوع مختار بعنايه بس تراك للحين شاب ياعبدالله لاتكبر في عمرك :) دم تا / بخير |
كلما حاولت قالوا هدف صعـب المنـال
قلت فعلاً صعب لكـن ماهـو مستحيـل بين شي من الحقيقه وشـي مـن الخيـال ينبعث في النفس ذاك الشعور اللي جميـل ماتشوف العشب يطلع من احضان الرمال ويابس الاغصان تخضرّ وتعـود تميـل إبتعد عن زحمة النـاس تلقالـك مجـال وإترك الدنيا لأهلهـا ودوّر لـك بديـل شاعرالحكمه عبدالله الطلحي اشهد بالله انك مبدع وجزل جعل عمرك طويل لك فائق ودي وتقديري |
شاعر الحكمه والقول الثمين
الشاعر ا لكبير / عبدالله الطلحي مرحبا بك ومسهلا ادري إن اهلك لهم حـق مافيهـا جـدال وانت ماقصرت وفّيت فـي وزنٍ وكيـل مير نفسك ناسي حقوقهـا يبـن الحـلال انـت مايرتـاح بالـك بيـوم ولابلـيـل الله الله صح لسانك على هذه الفريده الجديده ، وسلمت ، .. |
القدير / عبدالله الطلحي
الله ربي وربك والله انها ابداع ابداع ابداع لله درك وكفى ودي واحترامي |
دأئما ما تعن على النفس الأماكن التي لها ذكريات يا عبدالله
حتى تستدرج الشعر وتصبه بكل صدق في الذائقة دائما يا عبدالله لك نهج يفرح به الشعر ومن يعني له الشعر لك التحيّة والسلام وسلّم لنا على أهل الشمال إذا وصلت بالسلامة |
[align=center]ماشاء الله
إبتعد عن زحمة النـاس تلقالـك مجـال وإترك الدنيـا لأهلهـا ودوّر لـك بديـل لاتفكر فـي تجـاره ولافـي راس مـال وانت لين اليوم شايب ولا عندك حصيـل كل شيٍ فـات والعمـر باقـي لايـزال لاتضيّع باقي العمر فـي الشـيٍ الهزيـل ضاعت اعمار اكثر الناس في جمع الريال يتعب الرجـال حتـى يفاجيـه الرحيـل التعـب والكـد لأم العـيـال وللعـيـال وآخر المشوار من يعترف لـك بالجميـل صح لسانك قصيده وافيه فيها معاني جزله وحكم من شاعر جزل ابداع في اابداع لك فائق الاحترام والتقدير تحياتي[/align] |
بين شي من الحقيقه وشي مـن الخيـال
ينبعث في النفس ذاك الشعور اللي جميـل ماتشوف العشب يطلع من احضان الرمال ويابس الاغصان تخضـرّ وتعـود تميـل إبتعد عن زحمة النـاس تلقالـك مجـال وإترك الدنيـا لأهلهـا ودوّر لـك بديـل لاتفكر فـي تجـاره ولافـي راس مـال وانت لين اليوم شايب ولا عندك حصيـل كل شـيٍ فـات والعمـر باقـي لايـزال لاتضيّع باقي العمر فـي الشـيٍ الهزيـل ضاعت اعمار اكثر الناس في جمع الريال يتعب الرجـال حتـى يفاجيـه الرحيـل الله الله الله الله الله واللله انها قمة في الروعه ياعبدالله بدع ومبدع مايبيله شهاده صح لسانك مليووووون |
الف صح لسااانك ياعبدالله
ونبي مثلها اذا رجعت بالسلامه ان شاءالله . |
لله درك ياعبدالله
تبقى ويبقى شعر هذيل ذو نكهه صح لسانك غيمار |
ضاعت اعمار اكثر الناس في جمع الريال
يتعب الرجـال حتـى يفاجيـه الرحيـل صادق صادق الله لا يضرك يا الطلحي ابيات عز الله كايفه واستحقت القراء يا عبدالله صح الله لسانك من اول لاخر حرف فيها ولا هنت بانتظار جديدك من القصيد وفقك الله |
شاعرالحكمه
عبدالله الطلحي اشهد بالله انك مبدع وجزل جعل عمرك طويل لك فائق ودي وتقديري |
ديرةٍ ربي كساهـا جمـالٍ فـي جمـال
لين صارت تشرح الصدر وتداوي العليل عبدالله الطلحي كلمات جزلة من شاعر جزل .. ولا تُلام في الشمال صح لسانك .. ولا هنت تحياتي . |
هذا الكلام اللي يصحي من النوووم
بيض الله وجه الشعر والاصيل ووجه من يكتب الشعر الاصيل وكل من يحب يسمع الشعر الاصيل هنا الشعر ياعبدالله صح السااانك |
اقتباس:
حضورك هنا فخر للقصيدة وشاعرها شكراً لك من القلب و الله يجبر بخاطرك . |
اقتباس:
حضورك شرف كبير لي ومشاعرك محل تقديري طال عمرك . |
اقتباس:
كم أنا سعيد لحضورك هنا أشكرك من القلب ولاهنت يالغالي . |
[align=right]
صح السانك ولاهنت قصيدة طيبة ورائعه .. قواك الله ولاتحرمنا جديدكَ .. ... تحيتي / [/align] |
ابو ناصر
ياحبني الك وياحبني لكل حرف من قصايدك لله درك لين ترضى |
تدّرج مثـل المحالـه تلاحيهـا الحبـال
في عذاب وتسقي الناس عـذبٍ سلسبيـل قوم وانظر في المرايه وسل نفسك سـؤال ويش بقا بالعمـر للكـد والحمـل الثقيـل والله إن الصوره ابلغ جواب مـن المقـال الزمن شاهد على الحال والواقـع دليـل يا سلاااام يا شاعرالحكمه صح لسااااانك مدددددددد مودتي لك يا مبدع . |
اقتباس:
وجودك فخر وكلماتك وسام سكراً لك من القلب . |
يا حلو هالجو يا عبدالله الطلحي
والله انك عيشتني معها بيت بيت ابدعت الله يزيدك من فضله صح لسانك مدد وسلمت |
| جميع الأوقات بتوقيت GMT +3. الساعة الآن 05:09 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية