وقفه مع مرقابي (3) !
السلام عليكم
موضوع تقليدي .. وبعيد عن اي ابتكار ، مع احترامي لـ بنات افكاري مثل ما اتفقنا فالحلقات السابقه :) [cc=......]والله ما تخلي فضولك ، انت بالذات !![/cc] مجرد وقفة وفاء وحب واخلاص !! وكل ما في الامر .. هو ابداء رأيك في كل شخصيه مرقابيه يتم التطرق لها من خلال هذا الموضوع الذي سيتواصل بإذن الله كل اسبوع !! وابراز الجانب الايجابي .. والسلبي ان وجد ، على حد سواء ملاحظه : اختيار الاسماء عشوائي ! :) المهم .. اترككم مع العضو المرقابي المميز : المســرّي |
حجززز
... |
المسرّي
شاعر مبدع ورجل محترم ومحبوب الجميع الحقيقه استطاع خلال فتره قصيرة ان يثبت نفسه فالمرقاب وان يرسم لـ اسمه محبه في قلوب الجميع الحقيقه ان هذا الرجل يحتاج لتكريم بحجم تميز حضوره يميزه انه يتابع جميع اقسام المرقاب ولديه رؤيه خاصه عن كل عضوء من اعضاء المرقاب كذلك يميزه ردوده على المواضيع وأعطاء كل ذي حق حقه من الرد المناسب له كذلك لديه حب وولاء للمرقاب واكتشفت ذلك عبر مطالبته شعراء المرقاب البارزين بالتواصل مع الشعبي كتواصلهم من المواهب الحقيقه الرجل مكسب للمرقاب وتواجده ضروري ومطلوب دائماً محبه وتحيه لك يا بوفيصل ولشاعرنا الكبير / المسرّي اخوكم / مشخص :) |
المسرّي
شاعر مبدع ورجل محبوب وزميل غالي على قلوبنا محبته للمرقاب مافيها كلام .. وتجلت يوم تولى اشراف الشعبي ومحبتنا له مافيها كلام وعز الله ان مزاملتي له شرف لي شخصيا :) تواجده في جميع الاقسام راائع وردوده اروع ,, اتمنى ان ارى تواجده الشعري اكثر لانه مقل مع انه بحر ماشاء الله واتمنى انه يترك الدكتاتوريه شوي <<< امزح امزح ههههه الله وفقه وين ماوجّه ابو فيصل كل الشكر لك على تواجدك الرايع وموضوعك الاروع ولاهنت ولاهانت بنيات افكارك :) |
المسرّي
- حضوره رائع في كل اقسام المرقاب - كلامه شعر - محبوب من الجميع - لايجامل يستحق كل هذا الاحتفاء لاهنت ياخالد على هذا الوفاء الـ غير مستغرب منك ودي وتقديري .... |
شاااااااااااااااعر علم وانا احبه لله وبالله
ابونجد الله يطنخك طنخااااااا شديداااااااااا والوووفاااء لا غرابه ان يصدر منك في اي مكاان واي زماااااان ( اني تاااايم اني وووويرر) |
ياسلام ياخالد كل مالك تصحصح باختياراتك
المسري شاعر وجوده حلو حلو حلو وغيابه مؤثر ويدبل التسبد فعلا أحبه والله مدري ليه مير أحبه :) لا حرمنا منكم وبس |
هالرجل
ما اشوف فيه جانب سلبي .. قبل الشعر رجل خلوق وطيب راس ويعلم الله اني احبه لله فالله ان تواجد تواجده ملحوظ وان غاب غيابه ملحوظ ! شكرا لك ياخالد على كل ماتقوم به وعلى اتاحة الفرصة للتعبير وللاشادة بمن يستحق الاشادة |
تواجدي للمتابعة ولا هنت
|
:
: المسري واحد من أنجب الأسماء المرقابية .. التي أنضمت في العامين الماضيين .. باحث خطير .. وشاعر أخطر .. ومتذوق يملك ذائقه (( مبصره )) .. يملك حس (( الأبتكار )) .. ويجيد تقديم أبتكارة بصورة مميزة .. له أفكار جميلة .. (( بكر )) في كثير من الأحيان .. متميز بعطائه .. ومتميز بحضورة المرقابي .. ومتميز بعلاقته الرائعه مع المرقابيين .. مايعيبه .. الغياب الغير مبرر الذي يختاره أحياناً .. وركونه لـ (( الهدوء )) في اوقات .. !! المسري .. خامة مرقابيه .. مميزة بكل مايحمله مصطلح التميز من قيمة عاليه .. !! ابوفيصل .. كل الشكر لكـ .. على هالنافذة التي تفتحها بكل حب .. !! :) |
المسري
شاعر مبدع بمعنى الكلمه ، وتواجده في المرقاب يضيف الشئ الكثير يعجبني في ردوده الصادقه والخاليه من الشوائب لايعتمد سياسة ( امسك لي واقطع لك ) ، وهذي بحد ذاتها ميزه كبيره في المسري والله ان الكلام واجد عن المسري لكن العذر والسموحه من شخصه الكريم ابو نجد :) مشكور على موضوعك المنصف دم تم / بخير |
[المسري
مكسب حقيقي للمرقاب . شعريآ / برغم انه يكتب بإسم مستعار الى انه وصل الى القلوب بسرعه ، لحضوره طابع خاص ، يطرب كثيرآ بالشعبي ، ويغازل الذوائق في المواهب ، تابعته عن قرب في جميع اجزاء المنتدى / فوجدته شخص مثري ، لي عوده شكرآ يابو نجد] |
المسرّي
مكسب للمرقاب وللشعر تواجد مثري وقرارات في محلها والشاعريّه فوق الممتاز الله يزيده ويوفقه والف شكر لك يابو نجد على هالموضوع ولاهنت |
المسري شاعر مبدع , وتواجده يضيف للمرقاب الكثيـر
اما عن السلبيات لي رجعة ان وجد .. خالد الحصين شكرا لجهودك .. والموضوع مميز بإعدادك [cc= ]خيـر ؟ :) [/cc] |
الرمز خالد الحصين ،:_
تواصل الوفاء وتقدير من يستحق التقدير ، وانت اهل للوفاء ، لاهنت لاهنت والمسرّي اسم اكبر من اي تعليق ، [poem= font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] ياحروفي حركي ولا استقري =بالطباعه وصفي شكل الطبيعه جرة الابداع قصّت دون مري =لو فالاثار خطواتً سريعه وش نقول ووش نخلي ؟ فالمسري = شاعر ً موهوب واخلاقه رفيعه لو خفى اسمه عن ملفات التحري =طيبً ف..اصله وطيب في صنيعه [/poem] |
اقتباس:
8 8 نسخة مما ذكر مع الشكر |
المسّري
بما اني لااعرفه الا مرقابيا لكن يعلم الله انه من الاعضاء المحبوبين عندي جدا مبدع بما تعني الكلمه ورجل باخلاقه وطيبه لاهنت يابو فيصل |
والله أني مدري وش أقووووول من ناحية المسري
ولكن إستمري ياقريحته استمري الى أن اعووووووووووود |
المسرّي
من اول مشاركه له في المرقاب وانا اقول خلف هذا الاسم شاعر مبدع اثبت حضوره المشرّف بفترة وجيزه كثيرا ما يشغله المرقاب من دافع الحب النقي لهذا الصرح كانت ردوده ولازال اغلبها ( شعر ) وقدح مباشر يرد عليك بصح لسانك في قالب شعري بديع والحقيقه من المواهب الفذه ماشاء الله قبل ذلك .. تلمس في شخصيته احترام الذات واحترام الزميل واحترام الشعر كله رجل يعد من اهم الاعضاء بدون مجامله وفقه الله في كل وقت ومكان ولاهنت يا بو فيصل ، |
ابو نجد ابيض وجه على هذا الإختيار
المسرّي شاعر يحترم شِعره ولا يجامل وصاحب ابتكارات متميزه ولمست فيه النزاهه والنقاء غيمار |
الا فيه سؤالٍ له قرون :(
المسري / متى تتوقعون انه بيكشف القناع عن اسمه ؟! :) |
[align=center]شاعر متمكن .. الله يوفقه
خالد الحصين .,’ شكرآ من القلب[/align] |
| جميع الأوقات بتوقيت GMT +3. الساعة الآن 08:23 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية