(( كوكتيـل شـعـر ))
 

لا تذكر اسمي على السانك وتطريني

............................... دوّر بدالي وانا اتحداك اذا تلقى

خلاص انسى غرامك طحت من عيني

............................ ماتدري ان المطر لاطاح مايرقى !!

والله انك داخـل الخفـاق ساكـن = من عرفتك وانت عندي كل شي !!

كل ماغنى ابـو نـوره الاماكـن = انت والله بس من يطري علـي !! :)

حياك الله ياتركي بس ماكنك
شابهتني في اسم ركني الهادي

هلا عبدالرحمن شرفتني

مااعتقد اني اشبهك في ركنك لان ركنك احسن :)

حلمك تشوف الدموع بكل ساعه

.............................. وولدي مرات ميْساوي دموعي

كان قصدك دمعتي يابو القطاعه

......................... دمعتي اصعب علي من حب كوعي ؟!

شاعر ٍ من نجد وابياتي قويه = والقصيده كنها داخل جيوبي

العرب لامن قصدت تلد فيه = واسرق اعجاب الشمالي والجنوبي

وبنيّة الافكار لامرّت عليه = ماتعداني وطول الوقت صوبي

كاني ذاخر شي لا طاحت بيديه = بنت مزيونه وطاحت في عزوبي ؟!

دقيت عق انقطاع وطارت النومه = تسأل ونفسيّتك ماهيب مرتاحه


وشغلت عبدالمجيد بأخر البومه = (شخبار قلبك عسى ماضاعت افراحه )

لا تناظرني بعينك يامليح

................................. العيون السود للعاشق عنا

من تناظرني بعينك رحت ميح

.............................. عند عينك ياحبيبي ويش انا :)

تطعن الخفاق في صدك وترجع

............................ كيف ارجعلك وقلبي ماتقاضى

خلّني اطعنك طعنه حيل توجع

........................ وحده اب وحده بعدها وانتراضى !

لاتسولف بالقصايد ونام بدري

......................... انت ماقصدك سوى انك تولعني

كل ماسمَعك بيتين من شعري ؟

........................ جبتلي قصيد غيري تسمعني !!

بعتذر والعذر ماهو سمين

المهم ( انا اسف ) واعرفي

انتي كنتي ضحية حاجتين

السهر والفراغ العاطفي !!

الصاحب اللي يجيب الظغط والحارق

........................................... لا قالت وينك ماجيت يقولّي حره

وان قلت يالله توكل عني وفارق

....................................... يقول تكفى طلبتك بس هالمره :)

اهداء لمن يهمه الامر





لو تسوّي ماتسوي تراني قوي الباس

......................................... وحتيش لو تلبس بناطيل ماجيييلك

ترى مايجيب الراس الا عباة الراس

....................................... ابنصحك يالغالي توفّر بناطيلك


:)

خلك معايه دوم ياذرب الاطباع

............................... ابيك دايم ياحبيبي قبالي

تبي تشوف الحال وشلون تلتاع

............................ طنش ثلاث ايام وتشوف حالي

ياصاحبي لا تجيبك الحنيّه

......................... الحب مايرحم وتعرف شرعه

بتحبني ؟ اركد وصف النيّه

........................ توّي اعرفك لاتزيد الجرعه ؟

لا تندفع كلّك شوي شويّه

..................... ( اللي يجي بسرعه يروح بسرعه )


:)

غايب عن عيوني سنه لكن تعال اعلمك

................................. والله منسى طلتك ياكود تنسى والديك

شخصٍ يجي دايم على بالك وهو ماكلمك ؟

.................................. وشخصٍ مخزن اسمه ورقمه ولايطري عليك !!