((تعـذيـب الأيـام))
 

[poem=font="Simplified Arabic,6,green,normal,normal" bkcolor="transparent" bkimage="" border="solid,4,green" type=0 line=0 align=center use=ex num="0,black"]
البارحه ما ذاقت النوم عيني=لين الثريا وايقت والسفر بان
أسهر إلين الصبح نوره يبيني=وامسك على فنجال بنٍ ودخان
من هم يومٍ خابره مقتفيني=تطوى البيوت ويفترق شمل الأظعان
أحدٍ يروح ايسار واحدٍ يميني=بدوٍ تمارى في منازل وقطعان
ياليتهم دايم على الماء قطيني=والا يصيرون المحبين جيران
حتى إن كلٍ خاطره ما يشيني=ولا أحدٍ يذوق من العنا كثر ما كان
يا من يودي صاحبي كلمتيني=مدام أنا وحماية البيت عدوان
ما أحرزت أجيه ولا تهيا يجيني=أغديه يرحمني على قد الامكان
قلبي اليا ابعد طار عنه اليقيني=يدكّبه عن لذة النوم شيطان
يجمع علّي هموم قلبي قريني=الحب بلوى والمخاليق قشران
إن كان طاوع هرجة المبغضيني=مالي مع اللي يدهل البيت صدقان
عندي خبر من غاية الذاهبيني=شفت الجفا من يمهم سر واعلان
أونس خطاهم واجحده لا يبيني=من شان ملهوف الحشا خدر الأعيان
أبو عيونٍ تسحر الناظريني=والخد برقٍ في مراويح الأمزان
يسوقني حبه لمن لا يبيني=لولاه مالي في هل البيت غرضان
قربه ربيعي والعرب ممحليني=وبعده يضيّع قو صبري والايقان
مالي على فرقاه قلبٍ متيني=واللي يعدّل مولع القلب غلطان
راعي الهوى ما يسمع العاذليني=عنده طريقه سمح لو فيه ظلعان
لا أدرك من المطلوب ربع الثميني=ما هو على تعذيب الأيام ندمان[/poem]

[align=center]وسلاااامتكم

الشاعر الكبير/ صحن بن قويعان[/align]

[align=center]*


*


مالي علـى فرقـاه قلـبٍ متينـي \\ واللي يعدّل مولـع القلـب غلطـان

راعي الهوى ما يسمـع العاذلينـي \\ عنده طريقه سمح لو فيـه ظلعـان

لا أدرك من المطلوب ربع الثمينـي \\ ما هو على تعذيب الأيـام ندمـان



ياسلااااام على هالابيات

صح لسان الشاعر الكبير/ صحن بن قويعان


بداح السبيعي .,’ كل الشكر لك على الاختيار الرائع



http://www.islamup.com/uploads/image...ad1b1c66b5.gif[/align]

الله الله الله



للشاعر :: صحن بن قويعان


قصائد جميله كثيره ولا شك هذي منها


تسلم يمينك على النقل يا بداح


لك كل الود


:)

يا سلام على الاختيار يا بداح

صح الله لسان الشاعر صحن بن قويعان

والف شكر لك

[poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
مـن هـم يـومٍ خابـره مقتفينـي=تطوى البيوت ويفترق شمل الأظعان
أحدٍ يروح ايسـار واحـدٍ يمينـي=بدوٍ تمارى فـي منـازل وقطعـان[/poem]


هذا البلا

الله يعطيك العافيه يابداح على هالاختيار الرائع

لاهنت

الله الله الله

لاهنت يابداح على ذووووقك

وصح لسان صحن