( ياسداااح / ناصر وين ؟؟ )
 

[align=center]السلام عليكم

مرت علي البال تلك الايام التي كنا نتناقش بها بخصوص المرقاب ،، كان يجمعنا ويسمع منا ونطلب منه الكثير ويقول علي خشمي وابشر لم يرد شي لنفسه بقدر ما اراد لهذا المنتدي التطور والرقى كان لملاحظاته الاثر الكبير في زرع عشق هذا المكان في قلوبنا ،، وكان لمداخلاته مع سداح في كثير من الامور فعلها في رسم البسمه علي وجوهنا .. اشغلتنا امور الدنيا وقصرنا في السؤال عنه لكن يعلم الله انه في البال دايم ..


الغايب الحاضر

ناصر بن راشد الهاجري

لازلنا ننتظر تواجدك في محلّك[/align]






[poem=font="Traditional Arabic,6,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يقولون من لايذكر ربوعه الغاليـن= ماهو كفو تقدير الرجاجيـل بالمـرّه
وانا كل ما اذكر غيبة معرّب الجدين=اكن الونين وصفحة العين محمـرّه
مدام الوفاء شيمه وحق الرفاقه دين=فانا عيب قدر الصاحب انساه واغرّه
خذتنا الليالي والمشاغل يسار يميـن=ولا زالت قلوب العشاشيق مخضـرّه
ياسداح ماعينت ناصر وداره ويـن=غيابه يجيب الهم والضيق والحـرّه
على قمّة المرقاب يوم القسا والليـن=مشى للسعد والوقت ماضيّع الجـرّه
بذل مابخل ماهوب يومٍ ولا يوميـن=ولا عقد حجاجه عسـا للولـي درّه
حفظ هيبة المرقاب فالقلب قبل العين=وسهر له يوم إن الغير فالنوم مسترّه
ولا قال ابو وحده ولا قال ابى ثنتين=تقل مؤمنٍ لامن مرض والـده بـرّه
لعلك يا بو راشد مريّح وفالك زيـن=على الحرام إن الغـلا مانقـص ذرّه
لاتبطي على الوافين يامنبع الوافيـن=وحبه على خشمك وحبه على الغرّه [/poem]

الله الله الله يا بو يوسف

استذكار و وفاء وابيات مليانه

يا حبي لبو راشد ولطاريه

والله مدري وش اقول لك

لكن هاك لو انه رد مستعجل .. وأسمح لي لاعدمتك ،،




ألا يا سعد براك يفدونك الهافين
خدوش الرجال اللي مع الوقت مغترّه

لك الله كنّك يوم غنيّت هالقافين
على جرح قلبي تسحن الملح وتذرّه

تذكرني ولا نيب والله من الناسين
إلي في العلوم الوافيه كرّه وفرّه

وناصر مكانه ما تزحزح وباقي لين
تفلّ المنيّه فوقي الموت وتشرّه

رفيق ٍ نسوق اله المعزّه بلا تثمين
عسى الله يصونه من غثاء وقته وشرّه

طليق الحجاج و وافي الشبر والشبرين
تذكرت وقفاته والأيام مفترّه

مواقيف حرّ ٍ لو جحدها غراب البين
تفضل على المرقاب ومن يجحده ورّه

تشوف الدلايل ثابته قبل خمس سنين
ترا البحث ما يكذب على اللي ضغط زرّه

فقدناه لكن يا سعد ما بها بعدين
تولّم .. وأبمرّك على الجيب ونمرّه


..

تبي الصحيح أثرت بي ابياتك يعلم الله

وصح لسانك مدد بلا عدد يا بو يوسف ،

...

الله الله

ياسلام على الوفاء .. وناصر فاقده المرقاب كله ..

مدام الوفاء شيمه وحق الرفاقه دين
فانا عيب قدر الصاحب انساه واغرّه

صــح لسانك يا سعد ..

//
//

مواقيف حرّ ٍ لو جحدها غراب البين
تفضل على المرقاب ومن يجحده ورّه

الله الله


صـح لسانك ..ياسداح العتيبي


وكلكم وافين ..

:)

يا هلا يا سعد براك

وقفة وفاء لمن يستحقها وبيض الله وجهك ووجه سداح

صح لسانك مدد وسلمت وصح الله لسان الدكتور


ولا هنتو

سعد براك


لاهنت وجعل عمرك طويل ولا عليك زود .. وهذا ان دل يدل على معدنك الوافي وساسك الطيب
ولا يستغرب الوفا والطيب من أهله ..



سداح


عساك ذخر وافي واعلومك كلها طيبه

الوفاء طبعك يابو يوسف
ولا يستغرب منك !

صح السانك مليون
وصح السان الدكتور على هالمجاراه المصبوبه صب


وابو راشد .. سيبقى في قلوب المرقابيين
لين تقوم القيامه .. اسأل الله له التوفيق والنجاح في دراسته واعماله



ولا تباعدونه
يمكن يجيكم بالمجاراه الثالثه :)



هزيتوا مشاعرنا قسم بالله



اخووكم !

الله الله الله الله الله


لله درك يا اخي سعد




ألا يا سعد براك يفدونك الهافين
خدوش الرجال اللي مع الوقت مغترّه

لك الله كنّك يوم غنيّت هالقافين
على جرح قلبي تسحن الملح وتذرّه

تذكرني ولا نيب والله من الناسين
إلي في العلوم الوافيه كرّه وفرّه

وناصر مكانه ما تزحزح وباقي لين
تفلّ المنيّه فوقي الموت وتشرّه

رفيق ٍ نسوق اله المعزّه بلا تثمين
عسى الله يصونه من غثاء وقته وشرّه

طليق الحجاج و وافي الشبر والشبرين
تذكرت وقفاته والأيام مفترّه

مواقيف حرّ ٍ لو جحدها غراب البين
تفضل على المرقاب ومن يجحده ورّه

تشوف الدلايل ثابته قبل خمس سنين
ترا البحث ما يكذب على اللي ضغط زرّه

فقدناه لكن يا سعد ما بها بعدين
تولّم .. وأبمرّك على الجيب ونمرّه


يا سلام على هالابدداااع يا دكتور وياليتها بمتصفح خاص بالمواهب


صحت السنتكم

ابدعتم

وفاء غير مستغرب من الاوفياء

لاهنتم

احترااامي

و
ج
د

الله الله


يابو يووووسف


قصيده وابيات تدل على الوفاء والرفقه الطيبه



والله ونعم بالمعدن الاصيل



صح الله لسااانك ملايين


دمت بخيرر ..

هنا متصفح (( ذوق ))


لله دركم ودر الهاجري

بيض الله وجهك يا سدااح على الهقوه لاعدمتك جاريتني ونومستني

ويعلم الله انه ليس من باب المجاملات فالمقصود في ما قلنا رجل يحز في خاطرنا غيابه

رجل له في اعناقنا جمايل كثيره واخ نحفظ له قدر الخوّه



وانا علي يقين انني سأراه هنا في محله من جديد

الغالي / عبد العزيز هليل

حضورك وشعورك وسام على صدور اخوانك


تقبل التقدير

الغالي / ناصر مناحي

ولاتهون

حضورك تكريم لاخوانك


تقبل التقدير

الغالي / عايض الهاجري

ماعليك زود ووجهك ابيض

حضورك وسام على صدورنا


تقبل التقدير

الاخ الغالي /خالد الحصيّن
تقول ابو راشد .. سيبقى في قلوب المرقابيين
لين تقوم القيامه .. اسأل الله له التوفيق والنجاح في دراسته واعماله

واقوول

والله انك صادق وندعو معك بالتوفيق لابو راشد وين ماحل


تقبل تقديري ياواافي

الغالي / محمد بلال


مرحبا ومسهلا

حضورك تشريف وكلامك الطيّب وسام

تقبل التقدير

الاخت وجد

لاهنتي يابنت الرجال علي الحضور

والكلام الطيّب


وتقبلي تقديري

الغالي : مطر العضياني

لاهنت

وكلامك في حق اخونا ابو راشد شي يستحقه هذا الرجل بالنيابه اقول ماعليك زود وبيض الله وجهك


تقبل تقديري واحترامي

الغالي / ناصر الشيباني

هلا وغلا


لاهنت علي الحضور والكلام الطيّب


تقبل تقديري واحترامي

الاخ الغالي / المسرّي

الذوق حضورك وتواجدك وصدق مشاعرك

لاهنت


وتقبل التقدير والاحترام