مساجله بيني وبين محمد فراج الغنامي
 

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

يقول محمد فراج الغنامي




قال اللذي في عالي الرجم راقيه = وخيول فكره قدم وصفه سرجها

أرتاح لامني توسقت عاليه = والنفس تنسى همها اللي ولجها

نقيت من حلو المعاني معانيه = والهاجس اللي في ضميري نسجها

طارٍن على قلبي من أحلا طواريه = الديره اللي موحشتني حرجها

قم ياشبيه الذيب مبعد مساريه = اللي يبت الطرقه ليا نهجها

اللي هذيبه فالخلا مايعنيه = ليا نوى صعب المخاطر فلجها

ولّم على اللي نازح البعد يطويه = طوي المحاله للرشا لاعلجها

جيب الشبح صنع اليهودي مسويه = اللي مايعرف كيف يرطن لهجها

صمم ولايبغاله أحدٍ يوفيه = في طرقته نفس الدريول بهجها

نبي نسج الرجل والعمر تاليه = السيب الابيض والمطيح بزلجها

لو كنت أعرف الوقت ماني بغاويه = يضيقبك لو هي وساعٍ فججها

نبي ثلاث أيام كلٍ يسليه = شوف الخباري يوم ربي دلجها

فالموقع اللي لاوصلنا حراويه = شفنا القطا فيها وشفنا درجها

وأرضٍ كساها العشب والخير كاسيه = يشبع جملها عقب يشبع نعجها

وأرتاح يايوسف من اللي مبانيه = أتضيق الخاطر ويبطي فرجها

لو كان لي في ظلم غروٍ مهاويه = اللي عيونه لجل عيني دعجها

اللي هواه بداخل القلب كانيه = وأسمه ليا طروه كبدي رهجها

وأنا عن علوم الحكي دوم أداريه = من خوف هرجة هارجٍ لاهرجها

وختامها ياشاعرٍ في مباديه = جزل القصايد للهزل ماعوجها

ولّّم على اللي نازح البعد يطويه = للديره اللي موحشتني حرجها





=====فرديت علية بهذا الرد=====



يارجم ياللي دايم أروح وأجيه = وأروض المهره عقب مادرجها

أحضر الهاجوس دايم وألاحيه = في معزلٍ والناس مسمع ضججها

أخذ جزيل الشعر والهزل أخليه = وأثبّت العمدان وأجبر عرجها

يامرحبا بالخط ياحي راعيه = حي البيوت اللي جذبني غنجها

للشاعر اللي ننطرب له ونوحيه = روس الشوارد صيدته مابعجها

يلعب بعسر القاف من حر مافيه=يرهي على الجزله ويرفض حججها

شاعر ولد شاعر وينشي مناشيه= والبرق من قدم الرعود ولججها

شرد الفرايد ماتعدا مراميه = في مخدجة فكره بيوتته خدجها

لاوحيت قافك يامحمد تغنيه = ميزت مابين العقول ورججها

أنت الرفيق اللي بالاثمان نشريه = يامسعف الريجيل ساعة حرجها

صاحبك مدة سجتك ماتكفيه = يوم المطر نصف الميبس عوجها

أنوسع الخاطر بشوفة خباريه = فضل الكريم اللي له الناس وجها

وأنا معك في كل دربٍ تتعطيه= وش لي بدارٍ مابقى الا حدجها

سج القدم والهم يلقى مداويه = يوم المطر حاف الرقاق ودرجها

شوف الربيع اللي نبت بأمر واليه = سر النواظر والخواطر بنجها

صوت أم سالم كل وقتٍ نلاحيه = أخير من بعض الديار وهمجها

والحب ماله خاتمه لو تصافيه = ياكثر ماجر القلوب ولخجها

ومن القدر صاحبك مانته بحاميه = ياكثر مامر الوجيه وسهجها

والبعد لوينجيك ماهو بمنجيه = اما أتصل والا لحقبك مسجها[/poem]

صح لسانك يا يوسف

وصح لسان الشاعر / محمد بن فراج الغنامي


جزاله وشعر امتعتنوا به



سلمتوا ولاهنتوا ،،

الله الله الله

يا شعراء الضلع الشامخ :)


صح لسانك يا يوسف مدد
وصح لسان ابو فيصل مدد

وسلام الله عليك وعليه ،

..

الله الله


مبدعين يايوسف وصحت السنتكم

صوت وصدى من الجمال يا يوسف

صح الله لسانك وصح الله لسان محمد

ولاهنتو

[align=center]صحة اللسنتكم جميع

قصائد مميزه

ومبدعين





تحياتي[/align]

صح الله اللسنتكم
ولاهنتوا على القصيد الطيب
:)

مناحي

أسعدني مرورك من هنا

دمة ودام هذا الحضور

صح لسانكــــ أخوي يوســـف

وصح لسان أخوي محمـــد


الشعر والجزاله والابداع ماهو غريب عليكم (معشر الغنانيم)


كل الود والتقدير لكما ,,


تقبل مروري ,,,


تحيات أخوكـــــ ،،،،،


.......

صوت وصداء رائع يايوسف


صح لسانك وفكرك وعساك على القوة


تحيتي لك

يوسف


صح لسانك

مدد

ولاهنت


دمت بخير

الغالي سداح

حضورك شرف لي

شكرآ لك من الاعماق على روعة مرورك

صح لسااااانه وصح لسااااانك يا يوسف


ابداع × ابداع


تحيتي

نواف المطيري

شكرآ لك من الاعماق على روعة حضورك

حسين الغنامي

شكرآ لك على مرورك الرائع

الله الله


أبدعت وأمتعت


صح لسانك .. ولا هنت

وصح لسان محمد بن فراج

صح لسانك ولسانه
وانا مار ترى يجيني شعاف على قصيد الغنانيم

الله الله الله



مساجله بين شعار جزلين الحقيقه .. الله لايهينكم يامبدعين ..



صح الله لساااانك ملايين وصح الله لسااان أبو فيصل .

بسم الله

ياسلاااااااااام عليك

صوت وصدى راااائعين

صح لساااااانك ولسااااان محمد

ولكم التقدير
اخوكم