(( أنا أحسبني شاربٍ فنجاله //// وأثره هو اللي شاربٍ فنجالي )) ...
الأخوة والأخوات الكرام
أسعد الله جميع أوقاتكم بكل خير خفيفة أقبلوها كما أتت تلك الليلة .... [poem=font="simplified arabic,6,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] رقمٍ يناديني على جوالي=وأنا بقمة حوستي واشغالي رقمٍ ما أعرفه لا ولا أدري منهو=وحسّيت في صوت المعنى عالي وساعة ضغطت الزر الأخضر جاني=صوتٍ شغل فكري وغيّر حالي يقول لي كيفك وكيف احوالك=بالله قل لي كيف حال الغالي قلت أنت من ياللي تنشّد عني؟=من قبل لا ابديلك جميع أحوالي قال المعذب من غلاك وحبك=ياللي عن قليب المعذّب سالي ما تدري انه قد ضناني شوقي؟=ومافيه يوم الا تجي في بالي؟ دايم أهوجس بك وأخطط وأرسم=وأبني على قربك جميع آمالي من كثر ما أحبك وأهيم بحبك=أشم حتى نفحتك في شالي !! وأردد أسمك كل يوم وليلة=حتى كتبت أسمك على سلسالي قام يتكلم عن غرامه فيّه=وأنا معه بشوف ويش التالي وساعة خلص من هرجته بادرته=قلت أستمع لي جعل مالك والي أنته وش اللي جاب رقمي عندك؟=ووشلون تعرفني وانا بلحالي؟ معرض عن أهل الحب ماني منهم=لو كان جسمي من عناهم بالي لكن تردعني مخافة ربي=ثم سلم ابوي وطيب عم وخالي وأخشى على نفسي تزلّ وتهلك=في حب مصلحجي أو استغلالي وأخاف أشوّه سمعتي وأعميها=وأنا على روس القمم منزالي لأني من أرجالٍ تقول وتفعل=وألهم محلٍ في المكارم عالي أنا سليل أهل الوفا والشيمة=من طيب ماضيهم تطيب أفعالي ألهم علي أحرص على سمعتهم=وأصونهم في أقفايتي واقبالي قبيلتي وافخر بأني منها=هي مسندي هي محزمي وظلالي أنا بدوي يابنت ما ارخص نفسي=وبين الرجال أهل الكرم مدهالي ما اعرف ياكود أكرم واشبب ضيفي=واسوق له كرامته من مالي وان كان ضيفي للردى يجذبني=أشوم عن دربه تراه وأشوالي واللي بداره مايوجّب قدري=أشد عن داره واسوق ارحالي وان جاتني زلّة رفيق أدمحها=واغفر له الزلّه لأنه غااالي وإذا نخاني غاليٍ لبيته=ورميت لجله غترتي وعقالي ووقفت وقفة صاملٍ ما اثنيها=وارخصت لجله مهجتي وريالي واللي اعزّه أشركه في اللي لي=ما اقول ذا لك يالرفيق وذا لي ولا أحط نفسي في المكان الطامن=واعرف لمخراجي قبل مدخالي قطع كلامي له وقال اسمعني=أما انت رجعي او بعد متعالي وإن جاء ببالك يوم بتكلّمني=أسمي عرفته وتعرف جوالي لكن لا تطري علومك هذي=وان كان ذا علمك فلا تسعالي سكّر وانا سكّرت خطي دونه=لكن سلبني خافقي طوّالي أنا احسبني شاربٍ فنجاله=واثره هو اللي شاربٍ فنجالي[/poem] وسلامتكم جميعاً |
اولا
ثم عودة داهم |
هنا ... الرسالة التي لايجب ان تغيب ..
والا فالعيب ... وأخاف أشـوّه سمعتـي وأعميهـا وأنـا علـى روس القمـم منزالـي لأني مـن أرجـالٍ تقـول وتفعـل وألهم محـلٍ فـي المكـارم عالـي أنـا سليـل أهـل الوفـا والشيمـة من طيب ماضيهم تطيـب أفعالـي ألهم علي أحـرص علـى سمعتهـم وأصونهـم فـي أقفايتـي واقبالـي فقط ملاحظه بسيطة: أشوم عن دربـه تـراه وأشوالـي الواو زائدة هي: أشوم عن دربـه تـراه أشوالـي السليس .. جعلك تسلم يا ابن العم .. يهناك الوفا وتهناك الشيمة .. اخوك داهم |
في ذمتي انها رائعه ،
سمعتها مباشرة وقرأتها الآن واستمتعت بسماعها وقراءتها ، صح لسانكــــ أخوي عبدالعزيز .. تقبل مروري .. كل الود . ... |
الله الله الله
صح لسانك وعلا شانك رائعه من رائع |
عبد العزيز
صح لسانك وفكرك قصيده جميله ورائعه بالرغم انها عاطفية لكن فيها اهداف سامية تحيت لك |
مرحبا
يابوسامي صح لسانك مليون قصيده جزله ونت نعرفك مايجي منك الاالجزل والقصيده سبق اعطيتك رايي فيها وشهاتي مجروحه الله يمد في ايامك |
سكّر وانـا سكّـرت خطـي دونـه
لكـن سلبنـي خافـقـي طـوّالـي أنـا احسبنـي شـاربٍ فنجـالـه واثره هو اللـي شـاربٍ فنجالـي مكالمة حلوة .. وسرد جميل ..! :) عبدالعزيز السليس صح لسانك مدد .. ولا هنت على هذا الطرح المميز تحياااااااتي .. |
[align=center]الله الله الله
صح لسااااااااااااااااااااااانك ياعبد العزيز قصيدة جزله من شاعر جزل[/align] |
عبدالعزيز السليس
صح لسانك مدد ولاهنت طال عمرك دمت بخير |
الشاعر المتالق
عبدالعزيز السليس الف صح لسانك ودام وجودك قصيدة رائعه ولاتمل معنى ومبنى . |
هلا ومسهلا أخوي داهم
وأنت أول جعلك تحيا وأنتظر عودتك تحاياي وكل تقديري |
عبدالعزيز
صح لسااااااك مبدع ايوالله هنا الرجال يشمون عن بعض الامور تحيتي |
هلا ومسهلا أخوي داهم
ومرحبا بعودتك وبك صدقت أخي كانت الواو زائدة والعجلة شينة صح بدنك اخوي داهم ولاهنت وهناك الله بطاعة الرحمن دمت ودام تواصلك الراقي معي تحاياي وكل تقديري |
ارررحب ارررحب ..
يابو سنا .. وصح الله لسانك .. طال عمرك وتقبل تحياتي .. |
| جميع الأوقات بتوقيت GMT +3. الساعة الآن 08:47 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية