العمر فاني والمراجل توافيق
 

[poem=font="Traditional Arabic,5,black,bold,italic" bkcolor="transparent" bkimage="" border="none,4,gray" type=2 line=1 align=center use=ex num="0,black"]
ياليل ياوقت القاء للعشايق=بيني وبينك عهد محدن دريله

الله من همآ رس كنه طويق=باقصا الضلوع وصار قلبي عديله

ياوقت يامكثر بلاويك والضيق=ومن طاح حظه فيك وعزتيله

وانا منك قد ذقتلي مر ماذيق=ولاقام حظي بالسنين الجميله

لو لاي أطوق ماجرى لي تطويق=بالسر وخفي شر وقتي وميله

غنوا على ظيمي عفون المخاليق=اللي يقولون الجماله رذيله

بالتجربه درست وكملت تطبيق=قصه لو أحكيها عريضه طويله

وين الذي لا طبت في عينه أليق=حتى يجيني بالشدايد وأجيله

مافيه أمل تنجب حرار الغرانيق=لو الثعل اطيب من الذيب حيله

ودامي مادور من ورا الناس واويق=ولاني من اللي كل عيب يعديله

من راح حقه من رضا النفس مابيق =هفت امقيط وفدوت(ن)للكحيله

ومايهمني من لفق الهرج تلفيق=اللي كلامه مايحصل دليله

ولا قول أنا زيزوم كل الطواريق=والشعر ماقلته أدور حصيله

ياصاحبي يابن الرجال المطاليق=خليف ماطلع زمانه حفيله

رسى كما ترس الجبال الشواهيق=ولا ثقل حمل الوقت متنه يشيله

بدلت انا غربي مرغان بابقيق==ومن مايدور قربنا مانبيله

وفرقا المعزه من عويد وصلفيق=ومافات مات وعودته مستحيله

والعمر فاني والمراجل توافيق=وخاويي الطيب من أي قبيله

ياراكب اللي من قبل مابعد سيق= الفين تسعه والجميحي وكيله

اوتو دبل ماهو بعادي تعاشيق=وسواقه اللي ماجهد البعد حيله

من الاحسا يمشي معا فكت الريق=والظهر في بر البتاير مقيله

شرقي عنه وعله وغربه سواحيق=في خايعن غصون طلحه ظليله

تسوى مداهيله مناظر وتعتيق=وشكل الفلل بالضاحيه والحليله

وتسوى قبال اهل الخشوم المدانيق=اللي تقول خشوم بطن محيله

مالي دخل في طبع مرزوق ورزيق=كل(ن)بامشكلته يشاور خليله

شوفت قصور الطين طب المعاليق=ودوا النفوس الضايقات العليله

ذكرى بقت تجري مع الدم والريق=ذكرى لجيل(ن)حارب الحقد جيله[/poem]

خليف


جميل بدعك وجميل اسلوبك



صح لسانك ولا هنت


والله انها جزله ومحبوكه حبك :)



لك كل الود والمتابعه


:)

الله الله عليك يا خليف ابدعت وتمكنت بكل جداره واستحقاق


لله درك


تحيتي

صح لسانك
مشكور على مرورك

لك احترامي

الله الله
الله الله


يا مرحبا ومسهلا يا خليف

والله يحييك

صح لسانك مدد وسلمت ،

..

صح لسانك مدد .. ولا هنت