قمة شموخي
 

[poem=font="simplified arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياصاحبي واللي خلقنا من الطيـن=ماهزنـي ياكـود حلـمً غـدالـي
أصبر على الحرمان والهم والبيـن=ماشكي همومي للقريـب الموالـي
معناي بنـدق والقوافـي نياشيـن=وقمة شموخي بالسما فـوق عالـي
لي نظرةٍ تقـرا عيـون الوفييـن=من نشوة أفكاري وهاجس خيالـي
ولي منزلً من فوق وكر الشياهين=متعلـيً فـوق الجبـال العوالـي
شم الجبال الشاهقه طولهـا زيـن=والطول عـز وكبريـاء وتعالـي
ماني من اللـي يتبعـون المقفيـن=طبعً ورثتـه مـن قديـم الليالـي
أمشي على سلم الرجال العزيزيـن=اللي لهم بالطيب صيـت ومجالـي
( ربعي ) زحازيح النشاما الميامين=هم فزعـة المضيـوم أول وتالـي
( ربعي )هم أكعام الطغاه المعادين=أفعالهـم عبـر السنيـن التوالـي
اللأبه اللـي عشقهـا بالشراييـن=عشقي لها وهبة عظيـم الجلالـي
عشقتها عشقً ملكني مـن سنيـن=والعشق بذره شمسها من أظلالـي
ولاني من اللي يعشقون المزاييـن=أنـا عشقـت النايفـات الطوالـي
والغاده اللي زينهـا يبهـر العيـن=نظراتها تقصر عن اللـي ببالـي
شفي بخوة وافـيً يقضـي الديـن=لا ضاقت أبوجهي لقيتـه أقبالـي
به همة الفارس على العسر واللين=اللي ليـا مـال الدهـر مايبالـي
حـرن يرّجـح كفتـه بالموازيـن=وأن كشرت سود الليالـي عنالـي
أصدق حروفي صغتها بالمضامين=بيـن الجزالـه والوفـا والكمالـي [/poem]

عبدالله الرقاص

صح لسانك مليون

قصيدة تستحق الاهتمام والاشادة

مترابطة وطرقت فيها كل ابواب الابداع


واللي اقولة الله يبيض وجه شاعرها ومهندسها

المبدع الدائم عبدالله الرقاص

تقبل تحياتي

يا سلام يالرقاص

مبدع وجميل

صح لسانك

عبدالله ,, مالي الا اقف صامتٍ امام هذه الباذخه ,, صح وصح لساااانك,, والابداع لا يستغرب على المبدع .....


تحيتي,,

اخي عبدالله الرقاص

اسعد الله جميع اوقاتك بخير

اخ عبدالله حاولت اقتبس بيت

او بيتين من الموضوع

فوجدت كل بيت يستحق الاقتباس

دره تصعب على الغواصين

دمت مبدع

شم الجبال الشاهقه طولهـا زيـن
والطول عـز وكبريـاء وتعالـي


عبد الله الرقاص


حياك الله وحضورك الرائع مبطي من قراءة قصايدك


صح لسانك ولا غرابة بهذا الحضور


تحيتي لك

صح لسانك يالرقاص


ومرحبا مرحبا بقصيدك