مافي الهواجر صعاليك
 

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
اللـي يصرفنـي لياقلـت باجيـك=حلفت لو ماالقى معازيـب ماجيـه

ياشيخ انا غني واقـول الله يغنيـك=اللي عطـاه الله القناعـه بتغنيـه

مطامعـي متعـديـات مخابـيـك=اطمع مزايا الرجل مطمع مخابيـه

لاجيتك اشحذ قول مانيب معطيـك=اجيك ضيف واجب الضيـف يبغيـه

هلا وسهـلا وارحـب الله يحييـك=كرامـة الضيـف يبيهـا وتقريـه

ماقول فيك قصور صيتـك يكفيـك=خايف على حظي ولا نيب مهفيـه

وشيخ ولد شيخ ولا فيـك تشكيـك=لاشـك شيخـا لايبينـي ولابيـه

لاهوب كرها لـك ولادقـة فيـك=طبعك يخرب طيبك اللـي تسويـه

منته ببوي اقـول عونـك ولبيـك=سمّ ونعم وافـرح ولاهـوب لبيـه

لبيه لو تكتب ثمنهـا علـى شيـك=حبة خشم جاااااااااالس ولبيه مافيه

اعلم وادر مافي الهواجر صعاليـك=شـئ ينـزل روسنـا ماندانـيـه

ماحنـب للخـرده عبيـد مماليـك=لو تملك الخرده من الهيـه للهيـه

نذر ويمين اثنيـن والثالثـه ذيـك=مااخضع براسي للمصالح ووطيـه

نفسي عزيزه فوق سحب السما تيك=اهين نفسـي ليـه واذ لهـا ليـه

الكنز عز النفس للاعلـى يعليـك=من عـز نفسـه للعوالـي تعليـه

بصيحلك يا اللي صياحي بيصحيـك=اللي بيصغي للنصيحـه بتصحيـه

لامنـك خليـت المعـزه تخلـيـك=مهيـب دكـان تبيعـه وتشريـه

ماشي تمشيهـا وهـي ماتمشيـك=ما يمشي اللي يبي ماشي تمشيـه

يااللي لك اذن تسمع اللي يوصيـك=وصّاك مطلق وابومطلق موصيـه[/poem]




الشاعر / مطلق بن طايع الهاجري

والنعم في الهواجر كلهم



وصح لسان الشاعر ولا هنت يا خالد على النقل


لك كل الود


:)

[align=center]*


*


صح لسان الشاعر / مطلق بن طايع الهاجري




خالد السويكت .,’ كل الشكر لك


http://www.islamup.com/uploads/image...ad1b1c66b5.gif [/align]

رائع هنا وهناك
صح لسانك والنعم فيك مدد

لاهنت لاهنت يخالد وجعلك في الوجود

بو ناصر شاعر مافيه حكي وصح الله السانه

تصحيح بسيط ياخالد



اللي يصرفني( ليا )قلت باجيك


والف شكر ياخالد

صح الله لسان الشاعر مطلق بن طايع والله يعطيه طولة العمر


ولا هنت على النقل يا خالد

ونعم في بني هاجر اقرب مالنا

وصح الله لسان مطلق الطايعي والقصيده ذي جابت معلقة مدح في مسلط اتمنى ادراجه


سلام عليكم

خالد السويكت

لاهنت

بندر تم تعديل مانبهت عنه في المتصفح

صح لساانك الهاجري

وسلمت يمناك ياخالد

لاعدمنااااااااك

اعلم وادر مافي الهواجر صعاليـك
شـئ ينـزل روسنـا ماندانـيـه

صح لسان الشاعر الكبير والقدير / مطلق بن طايع الهاجري

ونعم اللابه اي والله

لاهنت يا خالد السويكت ،

..

صح لسان شاعرها
ولا هان ناقلها
كفو كفو