فايق العذوبة ....
السلام عليكم
\ / \ / فايق العذوبة .... ( فايق عبدالجليل ) http://www.viafy.com/uploads/144df48ff9.jpg [align=right]آخر زيارة .. حسيت في آخر زيارة .. شي بعيونك مختلف وشي بحديثك مختلف حتى سكوتك مختلف كنت بشكوك .. وشفت الحقيقه في عيونك .. تعترف .. موقف غريب .. موقف أبد .. ما ينوصف وين الكلام .. وين الحراره في السلام .. كبير الفرق مابين أول لقاء .. وآخر زيارة .. مدري شقول ياحب خانتني العباره .. مدري شقول .. والحر تكفيه الاشاره .. كل شي حبيته .. في بيتك نساني الهدوء .. الليل .. الصمت .. الأغاني حتى لون الورد .. والفرحه .. ومكاني داهمتني الغربه .. ليتني ماجيت ليتني .. رديت .. حزني ..غرّب ضحكتي .. لساني ضيّع كلمتي حسيت بالياس .. ومشيت كنت بشكوك .. وشفت الحقيقة في عيونك .. تعترف[/align] (( آن الأوان )) مثل ما ياخذك النسيان أنا مثلك أنا انسان .. وهم أنسى أنا وقت التعب .. مثل السفن لي شافت المرسـى يا مخدوع في فرحي .. أنا في ضحكتي جرحي وأمامك كلمتي خرسى ناديتك .. بصوتي المتعب الولهان ناديتك .. وانتظرت سنين ناديتك .. وصوتي والصدى للآن ناديتك .. لا حسيت ولا رديت وصوتي والصدى للآن غيابك .. وصل أفراحي إلى الأحزان أشوفك راحتي .. ومنك أنا تعبان يا مخدوع في فرحي .. أنا في ضحكتي جرحي وأمامك كلمتي خرسى آن الأوان انا بارتاح من ياسي من خوفي أنا .. انا بحاجة لأمان وداع يا شوق .. يا ذكرى وداع .. يا زمانٍ كان وكل اللي أقوله الآن أباركلك النسيان يا مخدوع في فرحي .. أنا في ضحكتي جرحي وأمامك كلمتي خرسى http://www.viafy.com/uploads/c592f4ca77.jpg [align=left](( طيّب )) طيّب وصدقت الحكي غلطان غرتني العيون مدري ان الناس في لحظه تحب .. والناس في لحظه تخون الناس .. آه يالناس حتى في المحبة يكذبون كنت اتصور حبي في عيونك كبير همزة وصل تبدى .. ولا تعرف أخير كنت اتصور كل شي ممكن يصير نشوف الكثير .. نعاني الكثير نروح نتفارق إلا اللي شفته .. ما هقيت انه يصير شي خطير الناس .. آه يالناس حتى في المحبة يكذبون اجرح مشاعر حبتك .. اكذب علي اكذب واصدق كذبتك .. اكذب علي الطيب انا عادتي .. والظلم يمكن عادتك مسامحك روح .. رغم الجروح نشوف الكثير .. نعاني الكثير نروح نتفارق ؟؟ إلا اللي شفته .. ما هقيت انه يصير شي خطير [/align] (( نسّاي )) نسّاي .. وانته الهوى بالنسبه لي والماي اسمع انا صوتك .. ولا تسمع نداي اشهق أنا باسمك .. واشتاق لك وانته معاي اكتب على سمعي اغاني .. اكتب واغنيك حيّرتني .. واحترت انا فيك تزعل بلا أسباب .. وتعاند واراضيك بكل زلاتك ابيك .. بكل حالاتك أبيك حبيبي انت .. وإلا العذاب انت وإلا العذاب انت .. مدري وش اسميك نسّاي تغيب .. والدنيا معاك تغيب تقطع خيوط الشمس عنّي .. ويصبح العالم كئيب وأصبحت أنا لوحدي .. على ارضك غريب ما تكتفي من غربتي .. ما تكتفي من حيرتي الله كم انته عجيب الصمت دايم لعبتك الصمت أحياناٌ رهيب [align=right](( واحد من الناس )) بكل طيبة العشاق اطلب ننتهي سافر وغيب وننتهي بتشوف ناس .. وتحب ناس وتنسى وأكون بدنيتك .. واحد من الناس كنت أتصور إني لك .. وانته عارف منزلك جدّت ظروف .. وعينك تشوف صرت بصعوبه أقابلك .. صرت بألم اشتاق لك سلمت .. انا مالي غير الصبر آه لو تدري بعد هذا العمر إسمك إذا مرني .. يعطرني عطر آه يا كل العمر كون بمكاني وشوف عانيت شكثر بتشوف ناس.. وتحب ناس [/align] (( الكلمة الأخيرة )) بكل هدوء .. وبكل محبة اسمع الكلمة الأخيرة ما أبيك وان رجعت .. اترك الديرة وأسافر لغير ديرة وبكل هدوء .. اسمع الكلمة الأخيرة عرفتك والنظر خدّاع صدقتك .. وطاوعتك سلمتك شعوري بساع واثاري صح كل اللي سمعته وشاع اسمع الكلمة الأخيرة ما أبيك كلمة .. وانتهى الموضوع .. فكر تنسى او ترحل شسوي .. وشحيلة المخدوع .. يعيد الكره من أول اسمع الكلمة الأخيرة ما أبيك وتنسى .. واكون بدنيتك واحد من الناس الله يرحمك ويغفر لك |
حجز
, |
الله يرحمه ويعفو عنه /
نقل مميز لـ كلمات تستحق ان ترى النور / مخايل شكرآ لك ِ تحياتي |
:
: مخايل تسجلين وقفة جميلة .. مع (( شاعر )) غابت صورته .. ولم يغب صوته .. لأنه كتب للناس بأحساس (( واحد من الناس )) .. جميل ماتركه من شعر .. أوصله للناس .. فكان لزاماً أن يبقى مع الناس .. كونه شاعر منهم .. وبهم .. !! كل الشكر لكـ .. يـ (( مخايل )) .. !! :) |
فايق عبدالجليل
رحمه الله ، فقد كان يكتب السهل الممتنع باقتدار لازالت الكثير من كلماته في الذاكره اشكرك يامخايل على هذا الموضوع دم تي / بخير |
الله يرحمه
لاهنتي يامخايل .. |
[align=center]يا سلااام
الله يرحم المبدع فائق عبدالجليل وألف شكر يا مخايل على اختياراتك الرائعة :)[/align] |
اقتباس:
|
اقتباس:
عسا دايم أيه والله لا هنت |
اقتباس:
أقولك شيء وراح أصدق عاد وربي حلم وتحقق لي وهو تواجد ردودك على مواضيعي لا هنت |
اقتباس:
الطيب والله |
اقتباس:
هلا يامحمد ولا هنت |
اقتباس:
والعفو :) |
اسمع الكلمة الأخيرة
ما أبيك وتنسى .. واكون بدنيتك واحد من الناس الله الله إبداع متناهي .. وعذوبة راقية رحمك الله ولا هنتي يا مخايل تحياااااااتي .. |
( فائق الكلمة والإبداع )
لازال صدى ( نسّاي ) يداهم مسمعي .. عسى الله يرحمه ويغفر ذنوبه .. والف شكر يامخايل على هذه الوقفة الجميلة ، |
[align=center]*
* وعليكم السلام ورحمة الله وبركاته مخايل .,’ كل الشكر لكِ على النقل المميز http://www.islamup.com/uploads/image...ad1b1c66b5.gif [/align] |
اقتباس:
هلا يامحمد ولا هنت على تواصلك الطيب |
الله يرحمه
وألف شكر على تسليط الضوء لأحد نصوصه الفائق :) |
اقتباس:
|
اقتباس:
هلا يا النيره ولا هنتي على تواجدك الطيب |
يا.. سلام، على هذهِ الوقفة الراقية.. والإختيارات العذبة..
لـِ شاعر راقي في احساسه ( الله يرحمه ويغفرله ).. مخايل.. دمتِ أنيقة.. |
الله يرحمه ويغفر له
شكراً لك على هالإيراد يا مخايل |
| جميع الأوقات بتوقيت GMT +3. الساعة الآن 12:32 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية