(..( علاقاتي )..)
السلام عليكم
جديده كالعاده اتمنى قبولها : [poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"] تغيرت نظرتي بأغلب علاقاتي=اصبحت احط الثقه بآخر محطاتي من كثر مااسمع واشوف احداث بالدنيا =احيانا ً اخاف من ذاتي على ذاتي احرص ولاكل من يحرص يبي يسلم =من ألسن الناس واشباع الملذاتي نموذجية حياتي تعجب العالم =لو انها عكس رغباتي وعاداتي دوامي .. وبيتي .. ودوامي ..وبيتي=هذا نظامي ولو ماهو بمشهاتي الفوضويه بطبعي لكن اكبتها=والمشكله لاتزال تعيش بابياتي ايقنت بأني اذا ابغى الصوره الحسنه=لابد مااعيش على موت نزواتي احاول اعوّد اخلاقي على الاصلح=وابحث عن المفترض واسج خطواتي انسان ولااملك الا قلبي الابيض =ولكاعتي.. ماتنافي حسن نياتي تعالي وكل زله منك مقبوله =اذا حضورك يفك اسر ابتساماتي تراي ويّاك ماني مثل مع غيرك =لان محد ٍ سواك يفك شفراتي اخبر نفسي ثقيل وكل ماشفتك =اصير مثل الطفل تكثر حركاتي (معك) اشعر ان القلوب نظاف مازالت=ومعك اشعر اني بديت اطلع من سكاتي (وفيك) اكتب اعذب بيوت الشعر واشطبها =استصغر افكاري وتضعف عباراتي (ومنك) اتعلم دروس العشق وادرسها =وقلبك هو اللي يناقشني رسالاتي مدري وش اقول لك والا وش اترك لك =اهواك واشتاق لك في كل حالاتي ومع ذلك ان جيت ابذكر خنت كم مره =من كثرها يمكن اجهل كم خياناتي خنتك وحتى ضميري مايأنبني =ابطيتي بجيتك واحتلت حيلاتي لكنها خيانة ٍ ماهي بمذمومه =مع طيفك اخونك بموطن خيالاتي امزح معك وانتي احد يحبك يخونك؟=اصلاً كمال الجمال انتي بنظراتي [/poem] |
واااااااااحد
|
((2))
،، ،، ،، ،، |
سلطان بن بتلاء
زادك الله من فضله شاعر لايشق له غبار ! صح لسانك |
ياحلوك وياحلو طرقك
صح لسانك وكالعاده سجل الاعجاب والمتابعة مع أجمل تحية أخوك |
ابن بتلاء سلطان
حضور رائع صح لسانك 1000000 لك فائق احترام وتقدير اخوك ..!! |
اقتباس:
الله الله الله الله الله الله صح الله لسانك ياابوبندر مافيك حيله فلسفه شاعر محترف بمعنى المكلمه يااااااشيخ |
امزح معك وانتي احد يحبـك يخونـك؟
اصلاً كمـال الجمـال انتـي بنظراتـي سلطان صح لسانك .. ولا هنت يا مبدع تحيااااااااااتي .. |
انسـان ولااملـك الا قلبـي الابـيـض
ولكاعتـي.. ماتنافـي حـسـن نيـاتـي ياسلام عليك ولا أروع وربي صح لسااانك ولا هنت |
صح لسانك ياسلطان
شاعر متمكّن إسلم وسلّم تحياتىىىىىى لك |
عليكم السلام ورحمة الله وبركاته
يا مرحبا يابو بندر ابداعك ما يختلفون عليه اثنين الله يزيدك من فضله صح لسانك مدد وسلمت |
سلطان
لا تستغرب اذا اصبحت كالضل اتبع ابداعك اينما حلل صح قلبك ايها المميز دائما ... مودتي لك يا نقي . |
[align=center]ماشاء الله
صح لسانك نص جميل ومعاني جزله لك فائق الاحترام والتقدير تحياتي[/align] |
[align=center]سلطآن بن بتلآء
آلله آلله سلمت و سلم بنآنك و صح آلله لسآنك مليوون و لآ هنت لك أطيب آلتحآيآ[/align] |
سلطان ابن بتلا
صح السانك وخلك على هالبتله عزالله ارتويت من هالنص شعر وشعر غير عن كل ما يطرح صياغه حصريه بقلسفه شخصيه انا متاكد انني ماقريت نص يشبهه هذا النص يعطيك العافيه تحيااااااااااااتي |
الله الله ..
نص شعري في قمة الروعه .. سلطان .. صح الله السانكـ مدد مدد .. ولك الود والتقدير .. اخوكـ عبدالله سالم بن سعيد |
تغيـرت نظرتـي بأغـلـب علاقـاتـي
اصبحت احـط الثقـه بآخـر محطاتـي امزح معك وانتي احد يحبـك يخونـك؟ اصلاً كمـال الجمـال انتـي بنظراتـي القصيدة قائمة على معادلين موضوعين الثقة والخيانة بدت القصيدة بذكر الثقة وانتهت بذكر الخيانة ومابين البيت الاول والاخير جاء الحديث ذاتي من خلال حديث الشاعر عن طبعه وتمرده وانسانيته التي كبتتها الظروف والروتين المتكرر اذن ما الحل : تعالـي وكـل زلـه مـنـك مقبـولـه اذا حضـورك يفـك اسـر ابتساماتـي عودة الحبيبة التي تفك اسر ابتسامة الشاعر اي تعيده لذاته بعد ان غطت الضبابية عليها وكادت تختفي ورا (تكشيرة)يصاحبها تخوين لكل ماحوله وتشاؤم ساهمت التجربة في فرضها على الساحة النفسية للشاعر . هذة الحالة التشاؤمية فرضت نفسها على الشاعر حتى انه حين انتقل لذكر الحبيبة لم يجزم بانها تفك اسر ابتسامته بل قال (اذا) وهنا موقف متماهي بين السوداوية والتفاؤول ولكن هذا التماهي مايلبث ان ينتهي تدريجيا مع منادمة الحبيبة وتكرار ذكرها ليفرض التفاؤل نفسه على ساحة الشاعر ويبدا في سرد حالته الجميلة مع الحبيبة يبين ذلك التفاؤل (المعجم) المستخدم حيث يقول ((الطفل.دروس العشق.اعذب بيوت الشعر.كمال الجمال .القلوب نظاف)حيث يعكس هذا المعجم حالات البراءة والحب والراحة ) ويدعم ذلك الشعور بالاريحية حروف الجر والكلمات التي التصقت بالضمير المتصل (ك) مثلا(معك منك فيك لك اهواك اشتاق لك ) مما ينم عن الالتصاق والحميمية الزائدة في هذة العلاقة سلطان صح لسانك واعذرني على خواطري المستعجلة |
من كثر مااسمع واشوف احـداث بالدنيـا
.................احيانا ً اخاف مـن ذاتـي علـى ذاتـي احرص ولاكل من يحرص يبـي يسلـم .................مـن ألسـن النـاس واشبـاع الملذاتـي لله درك .. يا ابن بتلاء .. في الصميم والواقعية ما ورد أعلاه.. لا يزال الإبداع رهين حرفك وشعرك ومع ذلك ان جيت ابذكر خنت كـم مـره .................من كثرها يمكـن اجهـل كـم خياناتـي خنتـك وحتـى ضمـيـري مايأنبـنـي .................ابطيتـي بجيتـك واحتـلـت حيـلاتـي لكنهـا خيـانـة ٍ مـاهـي بمذمـومـه .................مع طيفـك اخونـك بموطـن خيالاتـي امزح معك وانتي احد يحبـك يخونـك؟ .................اصلاً كمـال الجمـال انتـي بنظراتـي الله الله الله على هـ كذا جمال .. وهكذا لفته .. صح لسانك ولاهنت من شاعر .. للأمانة صدر البيت الاخير يذكرني .. لمساعد الرشيدي انت اللي يحبك ما يخونك .. ...........وانت اللي يخونك ما ينحب متابعتي من زمن .. وتتجدد مع كل قصيدة تقديري لك اخوك ابو نايف |
صح لسانك واعتلا شانك
قصيده رائعة بروعة حضورك لا خلا ولا عدم مروري / متابعتي |
فايز ابو رجيله
مرحبا ومسهلا |
سلطان
حبكه ممتعه صح لسانك وسعدت بتواجدي هنا تقديري |
عبدالله بن علي
مرحبا |
| جميع الأوقات بتوقيت GMT +3. الساعة الآن 02:33 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية