الغنانيم
ابرقى واتخير في المعاني وابا اذكر لي علوم ماضيات وابكشف صفحة التاريخ ساعه اشوف الماضيه والحاظرات واباصف ربعي السد المنيعي كما روس الجبال الراسيات وعزوتنا من كبار الغنايم عيال العود زبن الخايفات غنانيم تخاف القوم منهم لا عادنا المعادي مايبات الاد غنام ملحقة المخلا ليا يبست على السن الشفاة معربة الجدود وفي هوازن وندخل في هوازن بالسرات منجّين الدخيل ليا زبنا اذا فرضت عليه المعجزات زبنّا من تحيط به المنايا وربعه حاكمينه بالممات ثنى طايل طويل الباع دونه وربعه معه عدمين الصفات الاد غنام في حدب الهنادى وفي علط الرماح القاتلات ابن نافه يبا ينجي دخيله بشلفا توصل الدم اللهات تلوذبنا مقطعة العواني ليا جات العلوم اخذٍ واهات وترفع عنهم السطوه يدانا بشلفٍ يشبعن الجايعات فعل عمي وابويه وابن عمي نقول العلم والعلم الثبات اذا شفنا بروس القوم غيره نوقيها السيوف المرهفات اسود الغاب تفرح لامشينا نعشي الزاحفه والحايمات ويوم الرايه الخضرا ترفرف يطالع جمعنا قبل الرمات ويوم القرن وحياض المنايا وردنا والحياض مشرعات يسل الدم من حور قبلانا احليبه كما نهر الفرات نهارٍ فيه ردينا الامانه ومن روس المشوط الحاميات ليا منه نخانا من نخانا نجيبه والأعنّه مطلقات ليا قصرت حبال القوم دونه وفارسنا حباله واردات ليا منا قطعنا راس فارس عقيد القوم ماعنه غنات وشيخ القوم من حظ ومرانا ليا دارت عليه الدايرات وشيوخ القوم تلجا في ذرانا ليا ماجت عليه المايجات ولا توخذ قصيرتنا بغره نرجعها بامان وبالفلات ليا وخذت مصارعة الاعنه وصارت للعلوم مهاترات نرجعها لمربطها بقوه ولا نخشى الجبال النايفات ليا خذنا القضا سبعه بواحد قضانا في حساب الغارمات ونعط الحق لاجتنا طلابه ليا جت واردات وصادرات مصدرة الخصيم ليا خصمنا بحق الله وكتبٍ منزلات مكرمة الضيوف ليا لفونا تقدم في صحونٍ مكرمات عفيفين النفوس ليا قلطنا ماندنع في شراب الدانعات قليلين الكلام ليا هرجنا وعذبين النبا سكر نبات ومرٍ للعدا في كل حاله وسمٍ للعدا ومسممات مرجحة الموازين الثقيله ليا وزنة بوزن الراجحات ليا جتنا المغيره واحتزمنا تعود بالسروج الخاليات ونكسبها بعد قضينا اهلها والا نصبر كسير الطايحات ليا لحقوا هل الجيش الاصايل وصارت فالرجال الهايبات يحوّل واحدٍ منا يكفي وترجع من وحمنا هاربات ليا لحقوا بنا قومٍ بكثره يبون البل كبار الغانمات وحنا ماتجي الخمسه عددنا لكن حنا مطوعة العاصات وجمعنا المشوط ليا ثلاثه وهذي قصة فالسابقات وعطوها واحدٍ رميه مجرب وبامر الله سهومٍ جارحات ليا منا طلبنا الدين مجرم نحوفه فاليال الحايفات ولد ساير يبا يقتص دينه ولا يبغا معاه مشاركات لكن حمود صمم في كلامه وحنث بالثلاث الحارمات وثارن البواريد العطيبه وجابن القضا بالقاضيات قضينا الدين وخذنا زياده نطشه للطيور الكاسرات صغير القوم منا في كماله يقضي الدين في وقت اللقات وقد قاله عسيرٍ في كلامه غنانيم اربعه تسوى ميات وهذي نبذةٍ من فعل اهلنا قليلٍ من كثير الطايلات ولو اذكر فعل غنام كله تضيق ابه السجل من الدوات وابا عذري من وجيه القبيله اذا طافة عليه طايفات كلامٍ ما نعرفه مانجيبه وشيٍ نجهله فالفايتات وشيٍ مانقوله وله غايه ولا نجرح كبودٍ طيبات وبذكر لي علومٍ ناحرت لي عليّه من كبار الواجبات وابا ابهمها وغطي في علمها عن العدوان تبقى مبهمات علومٍ فالجرد والنار حيه وسبعٍ مقبلات ومقفيات علام البرق يبرق فالمخيله ولا حاجه لشرب الظاميات يخيل فالبحور المدلهمه تحت غب البحور المظلمات وابهديلي نصيحه من يبيها عليه الله وفي حكم البرات ترى راع لنميمه فوق راسه يخاوي السارحه والظاويات ورجلٍ مايحامي في ابن عمه عسى ماله عيال الا البنات ورجل ماتعز به القبيله يعد من القصار القاصرات ليا حطيت ثوبك فوق راسك ترى مايسترك كم العبات ومن فرق جماعه ويش حصل يخليها مع الدنيا شتات ترى الفرقه مجمعة البلاوي وجمعٍ مجتمع فيه النجات وراي القوم في رجلٍ محنك وقبل الرابحه والخاسرات وترى الشوره من احكام الشريعه وممشيٍ بها في المحكمات وقبل انهي كلامي ياجماعه بحق الله وحق المرسلات ترى ربعي ظلالي هم ذرايه ليا هبت علي الذاريات مزابين الفرج عن كل بلوى ليا ضاقة علي الضايقات غنانيمٍ سيوف القوم منهم ليا قامة تنوح النايحات ومتعبة القضاه اذا اقتضينا ولا فينا صدورٍ فارغات مكرمة الكرام ليا عفينا والا ننقض عهودً مبرمات وابختمها وذكر الله دايم يعرف المخطيه والصايبات عليمٍ بالقضا والكون كله ويعلم سرها والخافيات ويسمع كل مايكتب ويقرا ويعلم فالقلوب الخاينات وباقف ماقف ابراهيم اصلي لعل الذنب تمحاه الصلات وابدعي الله يعجل بالاجابه يكافيني شرور المرجفات وبصلي على الهادي محمد صلاةٍ بالجباه الساجدات .. |
ونعم والله بالآد ( غنّام ) ..
لا شك انهم يستحقون هذه المعلقّة القويمة بمآثرهم وذكر أخبارهم وبطولاتهم المشهودة والمعروفة .. صح لسانك يافلاح .. |
مرحبا بالشاعر القدير فلاج عبدالله الغنامي
والله يحييك في مرقابك الشهادة مجروحه لكن صح لسانك وبيض الله وجهك على هذه الملحمه سلمت ودمت ، .. |
صح اللسانك يا فلاج
وبيض الله وجهك على المعلقه ولاهنت :) |
الله الله الله الله
فلاج عبدالله الغنامي .. بيّض الله وجهك معلقه من ذهب .. ماشاء الله تبارك الرحمن . صح الله لساانك والله لايهينك . |
وبصلي على الهادي محمد صلاةٍ بالجباه الساجدات فلاح عبدالله الغنامي مرحباً بك بين اخوانك في المرقاب .. ! صح لسانك .. ولا هنت يا مبدع على هذه القصيدة الجزلة تحيااااااااااااااتي .. |
[align=center]ماشاء الله
ونعم صح لسانك قصيده وافيه معاني جزله لك فائق الاحترام والتقدير تحياتي[/align] |
فلاح ونعم والله بألاد غنام خوالي,,, صح لساانك مليون
وحياك الله يافلاح تحيتي |
ونعم بالغنانيم
أشهد بالله انهم يستاهلون المدح معلقه شعريه لقبيله تستاهل يازين الشعر على اصوله أيو الله لك الود |
" ألَستُم خيرَ مَن رَكِب المطايا
وأندى العالمينَ بُطونَ راحٍ " كفو, ونعم, ويستاهلون المدح والثناء آلاد غنّام وهذا أقل ما يُقال عنهم صح لسانك يافلاج وسلمت ودمت تحياتىىىىىى لك |
الشهاده مجروحه
صح لسانك وعلا شانك وبيض الله وجهك على هذه الملعقه الرائعه |
.
. واباصف ربعي السد المنيعي كما روس الجبال الراسيات وعزوتنا من كبار الغنايم عيال العود زبن الخايفات غنانيم تخاف القوم منهم لا عادنا المعادي مايبات الاد غنام ملحقة المخلا ليا يبست على السن الشفاة معربة الجدود وفي هوازن وندخل في هوازن بالسرات الغالي فلاج عزالله آلاد غنام يستاهلون المدح واكثر وصح لسانك ملاييين على هالشامخه ويازين الفخر لاصار في ربعك تحيتي لك . . |
فلاج ,
هلا ومرحبا , بيض الله وجهك على هالملحمه الرائعه :) صح لسااااانك يابعد راسي |
يا هلا ومرحبا يا فلاج
ومليون نعم فيك وفي الغنانيم مدحت من يستاهلون المدح صح الله لسانك مدد وسلمت |
صح لسانك يافلاج
ونعم فيك وفي ربعك تحيتي لك |
نشكر من اطلع على هذه القصيده وابدى برأيه
|
اقتباس:
الله الله الله صح لسانك مليار ومرحبابك في مرقابك تقبل ودي ومتابعتي أخوك |
عز الله انهم يستاهلون الغنانيم
صح لسسسانك والله |
وعزوتنا من كبار الغنايم
عيال العود زبن الخايفات غنانيم تخاف القوم منهم لا عادنا المعادي مايبات فلاح الغنامي والله وكفو بالغنانيم والجميع يعرف فعولهم قصيده تستحق القراءه والحفظ بيض الله وجهك تحياتي |
| جميع الأوقات بتوقيت GMT +3. الساعة الآن 05:20 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية