من يعرف برنامج حمايه غير الكاس بر؟
 

الاخوه الفنيين .
السلام عليكم
كما تعلمون شهرة البرنامج الروسي كاسبر وقوة فعاليته ،
إلا انه في الآونه الأخيره صار من أعقد البرامج ويبدو ان العجوز خرّف !

عني انا كنت ما اسمع فيه ، وله حوالي شهرين معاقبني هو ومفاتيحه :(
كل ماحطيت مفتاح ، أخذ له يوم يومين ، وليا أنه مصيود ، وبلاك لاست ومن هالكلام الفاضي.

عاد اخر مسلسل التعقيد أني ماعاد لقيت له مفتاح في النت بكبره لدرجة إني قمت بحذف البرنامج
نهائياً من جهازي ، وعبثاً قمت بتركيب برنامج اسمه كمدو ..
ولا أعرف عنه شئ ، فأبا أسألكم من يعرف عن هذا البرنامج أو يعرف له تعريب
وألاّ ينصحني ببرنامج حمايه طيب ، ومضمون ..؟

وشكراً لكم :)


..

والله يابو حواى مشاكل جهازك ماتنتهي

ولو حلينالك مشكله طلعت بوحده جديده

وتعبت وتعبتنا معك

لو تبيع ها الايسر وتاخذ غيره يمكن ينحل 20%من هالمشكله

ون كان منت بايعه اخذ النسخه الاصليه يمكن قيمتها 120 ريال

وتراها طيبه

هلا ابو حواء

اما الكاسبر لاتكلم في اي برنامج غيره

ولكن برنامج COMODO Internet Security

الميزه الوحيده فيه الجدار الناري القوي لديه ولكن الفيروسات واكتشافها الكاسبر احسن منه

والميزه الاخرى انه مجاني

عني لم اجربه ولن احتاجه بوجود الكاسبر

بالنسبه للتعريب للان لم أجد له تعريب لانه ليس مشهور لكي يعمل له تعريب ومستخدميه قله

بالتوفيق

طيب ياللحوات الغانمه ،

أنا معكم في مزايا الكاسبر ، وقلت لكم كنت ما أشوف غيره ،

مير ويش أسوي به لا صار مافيه له ولا مفتاح ، والموقع حق التحديث اليومي بعد عرج به :(


وكيف اعرف النسخه الأصليه من التجريبيه يابوبلال ،

أنا ياخوك مدري وين الله موديني ، ماغير امشي مع درب واحدٍ اسمه رشيد بن منور
وعط منه وسو تسذه !

لكن مدري هو معطيني أصليه والا تجوريه !


هيّا علموني وافزعوا لي والله يجزاكم بالخار ويجزا مطر على زراياه :(


سلام’ عليكم

ويوم الله جابك يابو منور أباك تشوف لي حل لمشكلةٍ ثانيه بعد معادزبتني :(


وهي الله يسلمك الاطارات اللي تفتح كل شوي من كيفها ،


يعني مثلاً انا فتحت الاكسبلور والا غيره من المتصفحات واخذت شوي اقرا في الصفحه ،

ولا أدري غار خامني موقع ثاني فاتحٍ من خلاه في خلاه ، ونوب يطلع ( الموقع محجوب )

وأنا طلبت موقع محجوب والا غاره ؟ :(

يافرقتن عميتااااااااااه ..

بدخل عرض:)

ابو حواء إذا متصفحك السابع سوّ مثل اللي بالصورة

http://up.arabseyes.com/upfiles/WmE65833.jpg

اشغلتنا ياشيخنا الله يجزاك خير

راجع صندوق رسايلك يامال الغناه teeth:

هلا ياريمانا ..

مدري والله كم رقمه ،

مير أنا عندي غيره متصفح نيو بلانت ونفس المشكله
تحدث هنا وهنا ..


ورغم ذلك رحت سويت اللي قلتي عليه ،

أدوات - حظر الإطارات المنبثقه - وعطيته أوكي ,

ولا تغير شئ :(

..

نواف ..

راجعته مالقيت لووون !

<- يالله ارفع عنه :)

هـ اللحين انت وش تبا ببرامج حمايه
وانت مسلم ومسالم ، والمواقع المشبوهه ماتقربها ..
:)




سوّ مثلي يا مال الغناه ، ما عندي برامج حمايه
متوكـــّل على اللي ماتضيع ودايعه ..
:)

هلا ابو حواء

الحل مثل ماشرحت لك اختنا ريمانا ومشكوره ماقصرت

والطريقه هي نفسها بالسابع ولا السادس

وبالنسبه للكاسبر فالمفاتيح موجوده

واذا عندك مشكله اخرى تفضل

سويت الطريقه ياطويل العمر ،

ولا تغير شئ ، أنت توحي ، والمشاكل واجد مير الله يزينها


وين المفاتيح اللي تقولها ؟؟؟؟


:(

طيب جرّب ذي

من نفس قائمة الادوات اختار اعدادات منع الاطارات

http://up.arabseyes.com/upfiles/z4k49458.jpg


بتطلع لك هالنافذة اكتب المواقع اللي بتستثنيها من المنع

ومن تحت(2) اختار عالي منع كافة الاطارات او اختار متوسط


http://up.arabseyes.com/upfiles/iVc49555.jpg



وان شاءالله تضبط

مدري وشلون

لكن هذه المفاتيح للكاسبر اكثر من 60 مفتاح


هنا



بالتوفيق

بارك الله فيك يارشيد

والله يعطيك العافيه ، بعيدٍ عنك القصور ،

لكن والله ما أستفيد منها شئ الآن ، يمكن إذا رضيت عن العجوز وركبته أرجع لها !

....


سلام’ عليكم

ابن مشوط ،


الناس ماخلوا المنسدح !


وأنت متوكلٍ على الله ، احسنت ، ولكن تبقى الأمر الثاني وهو الأخذ بالأسباب ..

لكي تصبح متوكل لا متواكل !

بارك الله فيك وحماك وحمى جهازك وكل مسلم :)


سلام’ عليكم

ريمانا ..


الحين تسنه أشوى ، مع اني طحت في بلية ثانيه ، وهي الطنقره هذي اللي تعلق متواصله
اذا تم حظر الاطار المنبثق !


لكن خلاص نويت أفرمت الجهاز من جديد والا بعته تقصيد على نواف !


سلام’ عليكم :(

بامكانك اخفاء الصوت عن طريق اعدادت +منع الاطارات المنبثقه+ اعدادات منع الاطارات المنبثقه+ شل علامه الصح من اصدار صوت عند منع اطار منبثق

ولو تشيل علامات الصح كلها راح ترتاح اكثر
ويسلام سلم

يا والله النشبه


طع شوري ولا عاد ادش النت الا وانت اوف لاين كذا ترتاح :)