ضحايا المغريات
 

السلام عليكم ورحمة الله وبركاته
إليكم هذي القصيدة الجديدة
آمل أن تحوز على رضاكم

[poem=font="Simplified Arabic,5,black,normal,normal" bkcolor="transparent" bkimage="" border="none,5,gray" type=1 line=0 align=center use=ex num="0,black""]
الله اكبر يامحيط الذكريات=تاخذ افكاري وترميها علي
كن ماعندك رصيد مجاملات=وانت تعرفني على سدي ملي
دايم اناظر على كل الجهات=مايموت القلب والراس يغلي
قاصرٍ رجلي عن ابواب الشمات=اطلب المولى وانا اسوق اجملي
بالوفى والستر والقول الثبات=ياعساي اعمل ولا اخطي بعملي
اتشرف بالعلوم المحكمات=واترفع عن سوالف مايلي
الثقة بحدودها كنز الثقات=جعل غيم الزور كله ينجلي
الحقيقة نطقها يسوا السكات=لو قلوب اهل الضغاين تمتلي
الصوادر بالمهمة واردات=دام نار الحق حيه تصطلي
الروابع للرجال الاولات=ياعتيبه ياجهينه يابلي
نظرت الفاهم بروس النايفات=مايضيّع سيف ابو طالب علي
قاريٍ توحيد الاسما والصفات=عارفٍ الشافعي والحنبلي
مايخلي حزمة اصحابه شتات=يعتلي والحظ دايم معتلي
صيرميٍ عن لزومه مايبات=والله الوالي ولا غيره ولي
ماش في دنيا العنا سكر نبات=والنهايه لا بعير ولا طلي
الله الله من حلول المعجزات=ياكنوز العرف ربعي ياهلي
كل ماعدو ضحايا المغريات=زاد تقديري لعلمي وجهلي
[/poem]

وسلمتوا

ماش في دنيا العنا سكر نبـات
والنهايـه لا بعيـر ولا طلـي



اي والله
صح لساااانكـ
يابو ناصر




ولافض فوكـ
دمت بخير
وفي رعاية الله





**********

صح الله لسانك ولا هنت

ماش في دنيا العنا سكر نبـات
والنهايـه لا بعيـر ولا طلـي
الله الله من حلـول المعجـزات
ياكنوز العرف ربعـي ياهلـي
كل ماعدو ضحايـا المغريـات
زاد تقديـري لعلمـي وجهلـي




اااااااااااااااااااااااااااااااااااااااااالله عليك ياصالح



والله انها دررره



من اول بيت لآخر بيت




الله لا يضرررررك





صح لسااانك وتحيتي لك

ونحن زاد تقديرنا لشعرك الراقي

الف صح لسانك

.

صح لسانك يا شيخ مبدع ,,,لله درك

تحيتي,,,

ماشاء الله تبارك الوهاب

والله انك من الذين يحفظون للشعر هيبته ورزانته

شاعر كبير وحكيم

ابو عبدالرحمن

صح لسانك ملايين ،،


..

صالح الناصر


صح لسانك .. لا هنت يا مبدع