حرف T .. و مجاراة حميد بن رازن
 

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=sp num="0,black""]
زائرٍ يزورني ماعرفت انه سروق=لين كررها وشفته يراقب حزتي

ومن ثلاث أيام كني مضيع لي حقوق=آبدي المرقاب وانزل وهاذي حرفتي

من ضجيج السوق ومقابل المدن مخنوق=وينشرح صدري بدارٍ هواها منوتي

قام حظك قوم يامسندي خلك سبوق=حط في سيارتي كل مافي غرفتي

ودنا نسري سهارى على ضوح البروق=لين نصبح حول وضحٍ عليها حرف تي

من يحب البل وهلها تعرف انه صدوق=من يقول احبها قل صدق في ذمتي

حبها يجري بدمي وفي كل العروق=مابقا الابالحفيظه تعدل مهنتي

يوم اشوف وسوم برقا واشوف وسوم روق=تنجلي عني غمامه وتكمل فرحتي

ربعي الهيلا نعم لا تخون ولا تبوق=الوفا من مجدهم وارثينه عزوتي

هم حجاب اللي فوأده من الهم محروق=دام مامتنا نبي مع لحاهم لحيتي

لا تلوم العاشق اللي تولع بمعشوق=في سنعهم لو تعبت مخلوفه عنوتي[/poem]

جاراها الشاعر القدير / حميد بن رازن الذيابي ، وقال :-

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=sp num="0,black""]
فز قلبي فزت الحر مطلوق السبوق = شايفن ربداً على البعد ذاعرها حتي
شافها مقفن بعيد ونواها باللحوق = وفي لحوقه قصته ماتباعد قصتي
من ضجيج رسالةٍ صاب راعيها رهوق= مانخاني بس كأنه يكرر نخوتي
عاشقٍ له عشقةٍ غيرها له مايلوق = عشقة فيها النشاما مطارح وعفتي
ماتولع في هوى البيض زينات الدقوق = ولا أشتقى بالموضه ولا هوى ( سنترستي )
عاشقٍ وضح الأباكير سمحات الوفوق = مشغلات اصحابها مثل ( سهوه ) بكرتي
ماحلا مسراحها بين خبات العروق = هجمةٍ فيها شقايه وفيها ونستي
وأنت لاتقعد توجد ترى معك اللحوق = قوم واقبل دعوة محيل واقبل دعوتي [/poem]


جاراها ايضاً الشاعر / محيل بن سويلم ،وقال :-

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=sp num="0,black""]
ياكريم جاد جودك على كل مخلوق = اطلبك ياغافر الذنب تغفر زلتي
هاضني طاروق ربعٍ يعسرون الطروق= ينحتون القاف بالحيل لو شاب نحتي
ابو ناصر غلقه لين خلاه مغلوق = وابو بندر حتته مابقي منه احتتي
واشركوني في عملهم عريبين العموق= ولو بغيت اذل منهم ماتنفع ذلتي
يقصدون بوضح ارقابها مثل العروق= زينهن من اصلهن الفطاير والفتي
واحدتهن عنقها تقل بالموس محلوق = الوبر في عنقها مايطول وينبتي
صيتهنّه بالجزيره مع العالم يفوق = من غلاهن رحت معهن وخليت أسرتي
انشد الطرقي ليا جاء لهنّه وش يذوق = الحليب ملئ الغضاير كلامٍ مثتبي
والمشيقح والمراعي ماتصلح للغبوق= يضحكون الناس بالبقره الضحاكتي
كان ودك للمغاتير بالعبله تسوق= اخذ ناقة راعي الكايفه مع ناقتي[/poem]

ماشاء الله تبارك الله

الله يعطيكم العافيه جميعا

عز الله انه انشرح صدري بها القصايد

متعتونا الله يمتعكم بالعافيه


الف صح لسان الجميع

..,,..,,..,,..

ودنا نسري سهارى على ضوح البروق
لين نصبح حول وضحٍ عليها حرف تي
من يحب البل وهلها تعرف انه صدوق
من يقول احبها قل صدق في ذمتي
حبها يجري بدمي وفي كل العروق
مابقا الابالحفيظه تعدل مهنتي
..,,..,,..,,..

الله الله :)
يا سلام عليك ..

تراحيب

صح السانكـ والسان بن رازن ومحيل بن سويلم ..

لك الود والتقدير
اخوكـ

عبدالله سالم بن سعيد

الله الله الله


لي الشرف وانا اتصفح هذه القصائد من عمالقه الشعر



صح السنتكم جميعاً واطال الله في اعماركم


تحياتي

يا سلالالالالالام يا لاد روق
وصح الله اللسنتكم ، وأطال الله عماركم على طاعته
:)




وبيض الله وجيهكم يا أستاذتنا ،،

العلم تراحيب بن سويلم


صح لسانك .. ولا هنت

يطيب لنا ان نتعلم من عمالقه الشعر
ياسلام
هنا نحت من ذهب
هنا للشعر بصمه
الله يلوم من يلومكم بالابل
تحياتي

صح السنتكم اشهد بالله انها قصيده تستاهل المجاراه

تحيتي,,,

دروس لكل من يريد تعلم الشعر الاصيل النقي

ثلاثة من كبار الشعراء

وسلسلة فريده من النظم الراهي

ماشاء الله تبارك الرحمن

صح لسان شعرائنا جميعا ولا عدمنتهم ،

..

الله الله الله


دروس مجانيه مستفاده من ثلاثه عمالقه في الشعر النقي والصحيح

صحت السنتكم جميعاً .. وامدكم الله بالصحه والعافيه

تقديري .