( مايطلبه .. المرقابيون ) .. !!
 

يطلب فيه العضو من بيتين الى ستة أبيات في موضوع معين ..

دون تحديد العضو المعني بالطلب .. ولايطلب .. طلب أخر حتى ينتهى من طلب العضو الأول .. !!

وأول طلباتي ابيات في هلع الناس في مكينة الخياطة

:)

سجل عندك :)


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياحظ من عنده مكينـة خياطـه=ويبيعها من دون قانون وشروط
ويحط ديّانه كـذا تحـت باطـه=ويعيش في دنياه راضي ومبسوط
خبر غريب وفيه نسبة عباطـه=لكنّ فيه انواط نوطٍ بعـد نـوط
تحرّكت قوى الجشع والوساطـه=بعد لعبنا شوط باقي لنـا شـوط
اللي فرش قـدّام بيتـه بساطـه=واللي بدا هرجه مع العِجز مغلوط
واللي فتح باب الحذر والإحاطـه=واللي تولّى شي ماهوب مسفوط
والكلّ قام يعيد ماضـي نشاطـه=على أمل لو يطلع الشغل مزبوط
من جدّ هذا الشعب على البلاطـه=واكبر دليل الوضع ماهو مضبوط [/poem]





من ركن المبدع / فيصل السواط :)

خالد الشرط 6 ابيات فقط


وتكون من ابداع الشاعر نفسه .. ياخي ليه انت بخيل علينا بأبداعك ..؟؟




ولما تخلص اطلب من الي بعدك يااااخي :)




...

اها


والله ما دريت .. لكن تدري شلون
امون على ابو ريما .. واعتبرها لي :)



ومن المشاركات الجايه .. راح التزم بالنظم والقوانين
شكلك راعي شر وما تفاهم ههههه :)






طيب اطلب من اللي بعدي
كم بيت عن اوباما :)

:
:


محمد الشويب


فكرة جميلة جداً ..
الطلب على (( أوباما )) .. !!


لي أكثر من عودة ياصديقي .. !!



teeth:

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
باراك اوباما ترا الوضع حساس =ان كان مالله جاب منه السلاما
جيت الحكم والحكم بالحيل منحاس=صاحبك الأول شال صفر الحزاما
منته بلاقي غير تجنيد وفلاس=وسيف ٍ يقص الجمجمه والعظاما
لكن تركد وانشر الطيب فالناس=ترا العرب تنظر بكم يا اوباما [/poem]





الي بعدي اطلب منه



روتانا

[poem=font="Traditional Arabic,6,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
قناة شر ومنبع الفسق والجور= روتانا وام بي سي والدش كلّه
الا ياربي شلقةٍ تتبع النور= للعالم المسلم ماهي مستقله
هزي يابنت الليل ماعنك مستور=مكشوف سترك والعرب مسفهله
الصوت جلجل مسمع العمي والعور=لا صار قلبه ميتٍ في محله[/poem]



اختار الماضوع
( سبّ في نواف نايف ، وغير السب ما أسمح )
teeth:

والله راع العلم الغانم ماينسب يابو مشوط

واللي يسب نواف ظالماً حظه و ظالماً نفسه

طلب ابو مشوط صوره مع التحيه لماجد النصيف ههههههههههه

فكره رائعه من المبدع محمد الشويب

وصح لسان سنجار و ابو مشوط

تقديري

هههههههههههه


حققوا طلب ابن مشوط

خلوا الموضوع يمشي بروتينه وضوابطه

والف شكر على الموضوع الحلو يامحمد

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياشين طبعك يبن نايف مع الناس=ماتعرف تجامل ولا حبة الله
تعطي الصراحه كاش من دون مقياس=من غير مايدخلك شكه وذله
عليك جبهه كنها راس ملاس=وخشمك يبن نايف كما زقم دله[/poem]






الي بعدي يجيب



البنك العقاري

السلف مردود يا البنك العقاري
لحيتك والله ما نضحك علاها

حمّل الدفعات بظهور اللواري
عطني الأولى وهات اللي وراها

سقف بيتي منسدح والعظم عاري
طاحت العمدان فوق اللي بناها

والغرف قامت تلاعبها الذواري
والمقاول واقف ٍ لي في حداها

قبل أسلّم قال لي وين المصاري
قلت مدري قال هاذي وش دواها

أشهد أن الفقر مقطوع الطواري
ينتف الأشناب ويشيّب لحاها


المطلوب عن شعراء الاسواق والمجمعات التجارية !!

ولاهنت يا محمد ،
...

يادافع البلا مير الجبهه غير صحيح

والزقم كنك شايفني --> وجه مرتاع


صح لسانك ياسنجار

برايفت لمحمد بن مشوط لا عاد تعودها ثم امر ماجد بالود يسنعك

[poem=font="Traditional Arabic,6,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
جاء للسبح في كل سوقٍ تلاميع= هذاك يومي له ، والاخر فهمها
غزل وحوّل به على مضوق الريع=طرْق وعسرات الدروب اقتحمها
شاعر ويا لا لاه على غير تسنيع=يا عين شيهانه ، ضربني سهمها
طال الوقوف ، وشاري النقص مابيع=السوق حامي والروابح عدمها
ضاقت مساحات البلاد المرابيع=ذمتك ياللي تشتري في ذممها
مافدت عمرك والبلاوي مقانيع= والشهره تجرّك كذا مع غنمها[/poem]


عطوني :

الأباجورة
:)

لاهنتوا يا حباني كل اللي مرّوا من هناا ،
:)

نواف
والله إنّي أحبك من الله في الله
وعشان كذا ودي كل رد يكون اسمك فيه :)

صحيتو كلكم

ياحبان ابو مشوط

اليا اظلم الليل والصبح اختفى نوره
ــــــــــــ وازريت تقرى الجرايد والمجلاتي
عليك باللي بـ قوّ النور مشهوره
ــــــــــــــــــ كنْها تقول لـ ظلام الليل لاتاتي
ميسورة السعر والانوار ميسوره
ــــــــــــ ماينزعج من رقد جنبك ولا يحاتي
احفظ اباجورتك ترى الاباجوره
ـــ شي ٍ ضروري وضروري تحفظ اوصاتي



والموضوع
شراء الاصوات

يا الناخب اللي تبيع الصوت
هل تعرف النار والجنّه ؟

خل الطمع لو يلوتك لوت
واحرص على الفرض والسنّه

تبيع دينك عشان القوت
والله له الفضل والمنّه

في ذمتي منته بمبخوت
لو قلت حظك ضحك سنّه

قام المرشح على الكبوت
يحطّ ما شالت الدنّه

بكره يبا يموت وانت تموت
والربّ وش عذركم منّه ؟



طراه موضوع فيصل ..
إزا بتريدوا .. عن ترشيح الستات في البرلمانات الخليجيات

..

ابدعت يادكتور وابدعوا الاخوان كلهم

وهذا بويتات عن الموضوع اللي طلبته
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياحضرة النايبه باسم العرب نوبي = وادلي بدلوتس مادام الوضع حريه
حتى العبايه تخلف وانشدي روبي != الكجول يمد فكرتس بالاريحيه
قولي لمن ناظرّتس لاتلتفت صوبي = هذا تأنق ونظراتك ظلاميه
ياحضرة النايبه عن غلطتس توبي = البيت محتاجتس اكثر ياسياسيه !
اقسم بربً عليم بخافي ذنوبي =مافيه رجال في راسه عروبيه
عقاله عقالي وثوبه مثل ثوبي= يرضى بكشفت ستر وجه الخليجيه [/poem]




عن مدينة جده لو سمحتوا :)

[poem=font="Traditional Arabic,6,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
الله لا يرحمك يالكافر= اغريت الاسلام واغتروا
ناس تتبّع نشوة الظافر= وهم في قعر النار قد خروا
مال المره ف الملبس السافر= ومخالط الريجيل لا مروا
تبقى في بيت العز والوافر= قاله تعالى يا نساء قروا
واللي يصوت للمره حافر= عقله وقلبه والجسد فروا[/poem]

^
^

الله يصلحك يابو خنافس !

أنا من يوم شفتك تحط في التوقيع علومٍ كبار ، وأنا شاكٍ في وضعك هههههه

...

نعود للشويب لبا تسبيدته :)

ونقول موضوع رهيب مره ، واللي مزيّنه انك ماتربط الطلب بأي عضو ،
والا تسان غرّز الموضوع في نص الصفحه الاولى !


المهم هذا حتسيي عن جده ..:


اسمع بجده من قبل لا أعرف العلم ./. وبعد عرفت العلم حصّلت جده
الحالمه تسان المدن تعرف الحلم ./. من زارها عمّا سواها تسده
من نجد تلقاها بعد ماتجي ظلم ./. ومر المواه وضلع مكه تعده!
حقيقةٍ ماهي كما دبلجة فلم ./. والعلم عني يابيض الوجه رده


:

المهم أنا أطلب من الشاعر اللي يهديه الله يعبّر عن القريحه !


..