منتديات المرقاب الأدبية - ارحبووا فلة حجاج ...

منتديات المرقاب الأدبية (http://www.montada.mergaab.com/index.php)

- ..: المرقَاب الشّعبي :.. (http://www.montada.mergaab.com/forumdisplay.php?f=58)

- - ارحبووا فلة حجاج ... (http://www.montada.mergaab.com/showthread.php?t=44947)

ارحبووا فلة حجاج ...

اليكم هذة الابيات المتواضعه ..
التي سوف تأخذنا الى رحلة قنص متواضعة اتمنى ان تستمتعوا بهذة الرحلة

مع كل تقدير واحترام

[poem=font="Simplified Arabic,5,black,bold,normal" bkcolor="transparent" bkimage="" border="solid,4,gray" type=2 line=0 align=center use=ex num="0,black""] الزين والله يا علـي هـدت الطيـر=بارضٍ خلا باطراف هاك الحزومي
اليا نشت غـر المـزون المباكيـر=وقامت تراكم في سمانـا الغيومـي
وتكاشفن واول مطرهـن شخاتيـر=واحيّن هشيم القاع عقـب السمومـي
وبان الخضـار وفتًحـن النواويـر=وزانت علوم اللي يبـون العلومـي
ماعـاد فيهـا يالنشامـا معـاذيـر=ولاعـاد فيهـا كشخـةٍ بالهدومـي
وتجمعـوا ربـعٍ حشـامٍ مناعيـر=سمحين صلفيـنٍ سلايـل قرومـي
شرواك يا شـوق البنـي الغناديـر=ربـعٍ يعرفـون السنـع والسلومـي
وقمنا نتشاور وين نبغـا المشاويـر=والكـل منـا غالـيٍ ومحشـومـي
قالوا نبا خـدٍ جنـوبٍ مـن الديـر=ارضٍ تنسينـا جميـع الهمـومـي
وشلنا الغراض ولا بقا أي تقصيـر=وزدنا من اللي بالخلا لـه لزومـي
وعقبه مشينا ياعلي جـزة عصيـر=متفاهميـن وعارفيـن اليمـومـي
من فوق جمسٍ ما شرينـاه تقزيـر=جديد مـا حافـوه نـاسٍ تسومـي
ولا شيف عنـد ملحميـن الدناقيـر=كنه اليا منـه مشـى فيـه زومـي
سواقه اللي عارفـن وجهـة السيـر=ممشـاه ليـل ويهتـدي بالنجومـي
يوميـن والثالـث مـع الله بتيسيـر=تزمي لنا غير الروابـي رجومـي
من دونهن قـاعٍ غـرام الصقاقيـر=يسلا به اللـي ضايـقٍ ومهمومـي
خـدٍ فيـاح ولا وطـوه الدواويـر=جوٍ خـلا فيـه الزماليـق تومـي
نفحة نسيمه له على الـروح تأثيـر=وعشبـه يجيلـه خنـة ٍبالخشومـي
وسويـت فنجـالٍ بفـنٍ وتقـديـر=اشقر وريحـة زعفرانـه تعومـي
يبعد هموم اللـي طوتـه التفاكيـر=وسوالفٍ مـا سولفوهـا الرخومـي
والصبح قبـل يغـردن العصافيـر=عقب الصـلاة مجهزيـن الولومـي
وقمنا نحوس القاع مـرات ونديـر=بعض الشقايـا والشجـر والثلومـي
وطـارن ثـلاث مقفيـاتٍ مدابيـر=على براد الصبـح مافيـه حومـي
وكشفت عن عوق الحباري المعاشير=وتل السبوق وراح عجـل جزومـي
ظافي الشليل مصخر الخرب تصخير=شره على المقفي قـوي العزومـي
وقـام يترقـا لـه عليهـن تدابيـر=وعينه عليهـن ماطرالـه يحومـي
وتصفقن حـدره وجنِـك محـادير=ونجًـم وجاهـن غايـرٍ مايشومـي
وغدا لريش اللي ضربهـا تناثيـر=وجينا نبا اللي غيرها مـا تقومـي
لاذي بمخلابـه وذولـي مخاميـر=واللي بقـا قمنـا عليهـن نحومـي
لحظات كيـفٍ تنشـرى بالدنانيـر=ومن لامني بالكيـف خلـه يلومـي
هذا هوى نفسـي ولا فيـه تفكيـر=والدايـم الله والبشـر مـا تدومـي [/poem]

سعودالردعان الهاجري

لحظات كيـفٍ تنشـرى بالدنانيـر
ومن لامني بالكيـف خلـه يلومـي

انا اشهد انها تنشرا بالدنانير عز الله

صح الله لسانك يا سعود على ذا القصيدة المتأخره عن وقتها :)

بانتظار جديدك ،، فمان الله

يومين والثالـث مـع الله بتيسيـر
تزمي لنا غيـر الروابـي رجومـي
من دونهن قـاعٍ غـرام الصقاقيـر
يسلا به اللـي ضايـقٍ ومهمومـي

سعود الردعان الهاجري

صح لسانك .. صح لسانك
ولا هنت على هذه الفاتنة

تحياتي

..

يومين والثالـث مـع الله بتيسيـر
تزمي لنا غيـر الروابـي رجومـي
من دونهن قـاعٍ غـرام الصقاقيـر
يسلا به اللـي ضايـقٍ ومهمومـي

السمي حياك الله

قصيده اكثر من رائعه

صح لسانك واعتلا شانك

وتقبل تحياتي ومروري يامبدع

:)

يومين والثالـث مـع الله بتيسيـر
تزمي لنا غيـر الروابـي رجومـي
من دونهن قـاعٍ غـرام الصقاقيـر
يسلا به اللـي ضايـقٍ ومهمومـي

القصيده نفسها يسلابها اللي ضايق ومهموم يا سعود

الله يسعد ايامك كما اسعدتني بهذه الشامخه

صح لسااانك

تحياتي

اقتباس:

المشاركة الأصلية كتبت بواسطة بدر ناصر العجمي (المشاركة 1073829)

مرورك يسعدني وتعليقك يشرفني

تحياتي

خـدٍ فيـاح ولا وطـوه الدواويـر
جـوٍ خـلا فيـه الزماليـق تومـي

الله لا يضرك يا سعوووووووووووود

شاعر مبدع مبدع مبدع

وتصوير شعري غاية فالجمال لله درك وصح لسانك

تحياتي

الله الله الله

صح لسانك ملايين

شوقتنا للمقناص وفلة الحجاج

الله يبيّض وجهك يالقرم ولاهنت

تقبل تحياتي

الله الله الله

صح لسانك يالجزل

والله أنها الكيف اللي عليه العلم

الله الله صح لسانك مبدع

تحيتي

سعود

الله الله

يا سلام على الشعر الحساس

صح لسانك ملايين

لا هنت

مرحبا ومسهلا يا سعود

رحلة ممتعه وشاعر جزل فعلا

سلام الله عليك وصح لسانك ،،

..

[quote=محمد بلال;1073893]يومين والثالـث مـع الله بتيسيـر
تزمي لنا غيـر الروابـي رجومـي
من دونهن قـاعٍ غـرام الصقاقيـر
يسلا به اللـي ضايـقٍ ومهمومـي

سعود الردعان الهاجري

صح لسانك .. صح لسانك
ولا هنت على هذه الفاتنة

تحياتي

..

صح بدنك

مرورك يسعدني وتعليقك اعتز فيه

تحياتي

شاعر كبير .. غالي وعالي قدر

سعود الردعان

صح قلبك وفكرك .. الشهاده مجروحه :) لكن اللي قريته يخليني غصب أتكلم :)

أبدعت .. وصورت أحسن تصوير بوصفك للرحله .. الله يهنيكم ويسعدكم .. والعمر فاني وانا أخوك .

لاهنت .. يابعدي

إعجابي .. غلاااااااااااي

م ن

اقتباس:

المشاركة الأصلية كتبت بواسطة سعود ناهض الرويس (المشاركة 1073962)