صوت الشعر
 

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
اببدا ما بقف عالرجم والا اوقف على الاطلال=ولاني قايلا يا وجد روحي يا معنيها

سرا صوت الشعر باصدق مشاعر في بيوت جزال=بيوت جزال واصعب ذايقه فالشعر ترضيها

على صهوة سبوقاً عبقريه تتعب الخيال=تحقق حلم نفسا ما تحقق ربع امانيها

سبوق تحطم قـْـلوب العداه وتقهر الانذال=عيون الناس فالمضمار ما تلحق خطاويها

مهي مهرة ردياً صابها ضعف , ومرض , وهزال=من سنيناً طويله ناشبه في حلق راعيها

ابدخل في الصميمْ , وشرهة الحمله على الجمال=يودي حملته , والا يقصر ما يوديها

ماْ ساورني شكوك ولا اجتلد في داخلي زلزال=عيون النقد تكشف سترها وتبيح خافيها

ابكتبها عروسا فاتنه في مشيها تختال=توقف كل عشاق الجمال وتنبهر فيها

ابكتبها ملاكْ وْكلها طهر وسمو واجلال=قصيده شامخه في عين سامعها وقاريها

اذا عديتها بين النشاما طيبين الفال=تشرفني بوزن ابياتها , والا معانيها

وانا كنز الرجوله وارثه , لو ما ورثت ريال=ورثته ضمن عادات ومبادي ما اقدر احصيها

ولي فعل الجميله طبع ما هو كذب والا اقوال=ما دام ان الجميله ما حدا يعدم جوازيها

ادوس اقسى المخاطر , والظروف تبين الرجّـال=اذا هاب الردي حتى الصغاير لا يعديها

كتبت الشعْـر مدري هو كتبني غطرسة شلال=يعبر عن مدى شوق ارض للهمال يرويها
كتبت الشعْـر شامخ شمخة الحرّث هل الافعال=بدون قصور فافعال القبايل دون اسميها

كتبته سيل رحمهْ , وزنه الما , والمعاني جْـبال=شموخ الارض فكرَهْ , والقوافي اشجار يسقيها

كتبته عز شجـْره وارفه , فيها ثمر وظلال=يظلل راس رجلا ياخذ الجزله ويعطيها

كتبته سيف في وقت اللوازم يردع العـيَّـال=وللصاحب سلام , يخلد افعاله ويرويها

كتبته غيض , مدري فيض , مدري حلم جا رحال=وسرقني من عنا الايام في غفلة لياليها

كتبته قلب ينبض بالحياه , ولا هو بْتمثال=يجاهد لاجل يبقى في القلوب ويحتفل فيها

كتبت , وما نويت بما اكتب الشهره وجمع المال=يكفي ارضي غروري وارسم الآمال وامحيها

وانا لا قلت شعر وْلا اعجب الحساد والعذال=انا ماني مكلف بالعباد بشعري ارضيها

اذا قلت القصيده ما استمع للاش مهما قال=يسب حروفها واوزانها والا يزكيها

انا يكفيني ان مرت على واحد من العقـّـال=ليا منه سمعها قال صح لسان راعيها[/poem]

الله الله الله الله


على هذا الشموخ


وعلى هذا الشعر والابداااااااااااااااااااع


لله درك يابطل


متابعتي دوما

الله الله


صح لسانك


على هالابداع



اعجبتني كثيرا




وصح لسان راعيها....

صح لسانك ابداع منقطع النضير

لله درك
تحيتي

ابو فارس




ابداااع من الالف الي الياء




صح السانك ولاهنت

,,

هلا والله يا فايز

والشموخ يا طويل العمر

مرورك على هذه المتواضعه

شكرا لجمال تعليقك

ورقي حرفك

ومتابعتك وسام على صدري

تقديري

كيف لا يقال صح لسان راعيها وهي بهذه ا لجزاله والسبك والحبك

لله درك يا احمد

وصح لسانك عن كل حرف مليون مره ومره ومره ،،


..

محمد النخيش

صح بدنك

وشكرا لهذا المرور الجميل

تقديري

صح لسانك يا احمد

كايفه بالحيل

لا هنت ..!!

هلا يا محمد

صح بدنك

تعليقك اثلج صدري

ايها الرائع

تقديري

ونعم يابن الحااااارث

وانا اشهد أنها قصيده تبيض وجه راعيها

صح لسانك على الأبداع

,,

هلا يا مسفر

اسعدتني بهذا الهطول

لك

ودي وتقديري

على صهـوة سبوقـاً عبقريـه تتعـب الخيـال
تحقق حلـم نفسـا مـا تحقـق ربـع امانيهـا

سبوق تحطـم قْلـوب العـداه وتقهـر الانـذال
عيون الناس فالمضمار مـا تلحـق خطاويهـا

مهي مهرة ردياً صابها ضعف , ومرض , وهزال
من سنيناً طويله ناشبـه فـي حلـق راعيهـا


الله الله الله


انا يكفيني ان مرت علـى واحـد مـن العقّـال
ليا منه سمعهـا قـال صـح لسـان راعيهـا


اي بالله صح الله لسانك ملا يين ولا هنت على ذا الابيات الجزله

شاعر تستاهل المتابعه وانتظار الجديد

وفقك الله

,,

سدااااااااح

صح بدنك

يا الغالي

واشادتك وسام على صدري

ودافع للتقدم

,,

سداح

رايك يهمني

ومرورك يشرفني

لك كل التقدير

اذا عديتهـا بيـن النشامـا طيبـيـن الـفـال
تشرفنـي بــوزن ابياتـهـا , والا معانيـهـا


عزالله تشرف يا أحمد


صح الله لسااانك وفكرك وبياااانك



تحيتي لك يامبدع

,,

صح بدنك

يا محمد

احتفت ابياتي

بمرورك عليها

تقديري

,,

,

صح بدنك يا سلطان

وبيض الله وجهك

يا القرم

تقديري

اذا عديتهـا بيـن النشامـا طيبـيـن الـفـال
تشرفنـي بــوزن ابياتـهـا , والا معانيـهـا

عز الله تشرف ،


صح لسانك ولاهنت مبدع دائمآ بلا شك ووجودك هنا مكسب للمرقاب ، تحياتي واعجابي الدائم



اخوك: خالد السيحاني

صح لسانك يا احمد


شمووخ طاغي دمت ودام شمووخك

,,

ما عليك زود يا تركي

صح بدنك

وشهادتك اعتز بها

وانا اخوك

تقديري

لوجودك

على متصفحي