غصون المعرفه
 

السلام عليكم ورحمة الله وبركاته
إليكم هذه القصيده عسى أن تحوز على رضاكم

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
أنا نفسي من البارح شفيقه=على روس الطويلات المويقه
اليا عديت في عالي حجاها=وقلبي من حريقه في حريقه
تساعدني على مبدا القصيده=واغني كل طاروق بطريقه
واليا قامت تساوق في خيالي=احسب الثانية قبل الدقيقه
واجنبها عن السدر وشعيبه=واقلطها على ورد الحديقه
عساها تعجب اهل الذوق واكسب=رضاهم واكسب اليمنى الطليقه
ياكود الشعر للفاهم ياكوده=اليا ابحر بالمحيطات العميقه
حدى الامرين حاصل لا محاله=يقوله واحدٍ كد نشف ريقه
مادام ان كل شيٍ له ضريبه=نطيق العلم والا مانطيقه
ترى الدنيا تبي صبر وتغاضي=ولا ينفع بها صك اوثيقه
ولكن واجب الفاهم يقدر=رفيقه قبل لا يخسر رفيقه
ترى الطيب اليا زل يتندم=وهذي ميزته حق وحقيقه
يقال الصبر محمود العواقب=وغصون المعرفه دايم وريقه
ثمرها يكسبه من يحتفي به=وتصير اسرارها عنده عميقه
عسانا نكتسب لو شي منها=على ضو التواريخ العريقه
اقوله والبشر قبلي تقوله=سراب القاع كذابٍ بريقه
وختام القيل يرجع للبدايه=ابقوله ونا نفسي شفيقه
قليل المعرفه رايه يغره=ولا يعرف عدوه من صديقه
[/poem]

وسلمتوا

عليكم السلام ورحمة الله وبركاته

حي الله الشاعر البحر .. صالح الناصر

للحكمة شعرائها وأنت أحدهم

علاقتك الوثيقه بالجزالة ليست بجديده

صح لسانك مدد يا بو عبدالرحمن
ودمت على الطيب والمعزّه ،


..

وعليكم السلام والرحمه


عساها تعجب اهل الذوق واكسب
رضاهم واكسب اليمنى الطليقـه

اي بالله تعجبنا وكاسب الرضا بالشعر الجزل ولا فيها ادنى شك يا صالح

صح الله لسانك ولا هنت على ذا الابيات الطيبه

وفقك الله

صح اللسانك يالناصر
وبيض الله وجهك على القصيد الطيب
والجزل في آن واحد .


تحيتي واعجابي ،

الله الله ... صح لساااانك ولا هنت
وربي جزله

تـرى الطيـب اليـا زل يتنـدم =-= وهذي ميزتـه حـق وحقيقـه

لافض فووووك :)

تقبل تحياتي