فرض الحصار
السلام عليكم ورحمة الله وبركاته
متواضعة للتواصل فقط لاغير / مبطي عن الشعبي لاعدمتكم مع العذر المسبق لبساطتها :) [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] والله مالك معي غير الغلا والوقار=وليا زعلتي كذا بحر الخليج اشربيه ماني مولع على ذكراك ضو انتظار=ولاهوب انا من يدور جادلٍ ماتبيه لو كنت اعاني من اللوعات ليل ونهار=مازلت من دون وجهي واقفٍ واحتميه فالقلب باقي صبر لو شب فالصدر نار=والرجل ينساق طيبه من خواله وابيه وان كان فخرك باماره من طوال العمار=انا وجيهٍ وجاهي فالقبايل وجيه حتى لو انك ظلمتيني بكل اقتدار=مازال في خافقي قدرٍ لمثلك نزيه ماجاك مني سوى غلطه وجاك اعتذار=والله يعلم شعورك كيف كنت احتويه ولو كل عينٍ ترى فالظلم رد اعتبار=ماكان خد المفارق سال دمعك عليه واكبر دليل اسمك اللي كان خلف الستار=قلتيه لاجل انهي المشوار مدري ابتديه ياللي جبينك بياضه مختلط بالحمار=قبل اختلافك معي كنت احشمه واشتهيه لاترسلين الرسايل عقب فرض الحصار=خلي جروحي بروحي ليه ؟ من غير ليه الحظ مايعتدل والكون ماله قرار=وش عاد اسوي بحظٍ مالزمك بيديه[/poem] وسلامتكم |
((((( ......... )))))
|
2
2 2 لي رجعه |
هلا هلا هلا هلا يا نواف نايف
ومنوّر الشعبي اللي فعلا مبطي عنه منذ استهلالك بالبيت الاول تؤكد لنا ان هناك حالة غريبة قد دفعتك لكتابة هذا النص الذي اعتقد انه من واقع ملموس ومحسوس :) والله مالك معي غيـر الغـلا والوقـار وليا زعلتي كذا بحر الخليـج اشربيـه فمن الغلا والوقار .. الى اشربي من البحر بشرط ان يكون الزعل ( كذا ) بلا مسببات ماني مولع على ذكراك ضـو انتظـار ولاهوب انا من يـدور جـادلٍ ماتبيـه لو كنت اعاني من اللوعات ليل ونهار مازلت من دون وجهي واقفٍ واحتميه قد يكونا هذان البيتان هما من اسباب (( بحر الخليج اشربيه )) فعزة النفس لا تموت بالاحرار فالقلب باقي صبر لو شب بالصدر نـار والرجل ينساق طيبه من خواله وابيـه ركّز على الخوال :) وياسلام على كمية الصبر المتبقيّه وان كان فخرك باماره من طوال العمار انا وجيـهٍ وجاهـي فالقبايـل وجيـه بعيدا عن علاقتي بك .. من يعرفك لن يقول الا كفو وكفو و كفو حتى لو انـك ظلمتينـي بكـل اقتـدار مازال في خافقي قـدرٍ لمثلـك نزيـه هنا يتجلى سمو الرجل في تصرفاته بالرغم من متغيرات القلوب .. ماجاك مني سوى غلطه وجاك اعتـذار والله يعلم شعورك كيف كنـت احتويـه إعتراف عاشق يتبعه قاعدة مسلّمه .. ولو كل عينٍ ترى فالظلـم رد اعتبـار ماكان خد المفارق سال دمعـك عليـه واكبر دليل اسمك اللي كان خلف الستار قلتيه لاجل انهي المشوار مدري ابتديه لخصوصية هذا البيت لا تعليق :) ياللي جبينك بياضه مختلـط بالحمـار قبل اختلافك معي كنت احشمه واشتهيه ابيض واحمر والله يكفيك شرّه .. لاترسلين الرسايل عقب فرض الحصار خلي جروحي بروحي ليه ؟ من غير ليه بيت يصلح توقيع لكل زعلان من حبيبه ولا يرغب بالحديث ولو مؤقتا :) الحظ مايعتـدل والكـون مالـه قـرار وش عاد اسوي بحظٍ مالزمـك بيديـه لم يعتدل الحظّ .. واعتدل هذا النص الوجداني الرائع (( نواف نايف )) أبدعت وأمتعت وصح لسانك على هذه العذبه الصادقه الحساسه ،،، .. |
صح اللسانك
صح اللسانك وتقبل اعجابي غصب عنك ، وبعدين وراك مشغلنا بالهوى وطاريه ليا مني نسيته واستانست ، ذكرتنيه !! << انصرع teeth: |
اقتباس:
غير صح لسسانك وعز الله انك ابدعت كالعاده |
الرائع:نواف نايف
من طول الغيبات جاب القصايد الجميله صح السانك مدد وبيض الله وجهك على هذه الدرة |
ياطيبها
من راعي الطيب ابو غرام عذوبه تجبرنا على التصفيق لها لله درك يابطل |
اقتباس:
لله درّك :) |
الحظ مايعتـدل والكـون مالـه قـرار
وش عاد اسوي بحظٍ مالزمـك بيديـه نواف نايف صح لسانك ولا هنت عذوبتها ولا أحلى |
نواف نايف,,,
مابعد كلام الشباب كلام,,لكن بيض الله وجهك على هذا التميز,, شاعر جزل ومبدع,,صح لسانك ملايين,, تقبل مروري وتقديري,, |
وأنت ماتجيب الا الشعر الوقور
لله درك يانواف وصح لسانك غيمار |
وان كان فخرك باماره من طوال العمار
انا وجيـهٍ وجاهـي فالقبايـل وجيـه كفو كفو يابو نايف .. بيض الله وجهك وصح السانك .. |
اقتباس:
نواف نايف جيت بنسخ بيت الا الابيات اللي وراه تشدّني لله درك سجل أعجابي ومتابعتي بأنتظار جديدك |
حبيب الروح ..
ابا ارجع بآذن الله هذي ماتمر مرور كرام .. سلامي عليك ، ، ، |
ماجاك مني سوى غلطه وجاك اعتـذار
والله يعلم شعورك كيف كنـت احتويـه ولو كل عينٍ ترى فالظلـم رد اعتبـار ماكان خد المفارق سال دمعـك عليـه نواف ليت الناس لا غابت ترجع مثل رجعتك ياخي لله درك والله العظيم ابداااااع وقصيده فوق التعليق راح ارجع لها اكثر من مره صح لسانك إلى حين |
نواف والله اني احترت في اي بيت اقتبسه كلها واااافيه
لله درك يا شيخ مبدع وتسمع تحيتي,,,,,,,,,و |
نواف نايف
لا شلت يمينك ولا انلجم لسانك اجزلت وابدعت دمت بخير تحياتي لك |
وعليكم السلام والرحمه يابونايف ., الله الله الله ., والله انها من أجمل ماكتبت ان لم تكن الأجمل على الاطلاق ., دمت بهذا الحضور الهادئ :) وصح لسانك مدد سلامي عليكـ ., |
اقتباس:
ابوغرام صـح لسـانك ..كثر عذوبتها .. وكثر اعتزازها وكثر مافيها من غلا للمودمي المفقود اقصد المقصود :) وانا اقتبست رد الدكتور .. لانه ورب الكعبه كأنه يهرج باللي في خاطري . الى اني ((اشدد)) على هالبيت مره ومرتين وعشر ..:) >>حلوه اشدد :) والله مالك معي غيـر الغـلا والوقـار وليا زعلتي كذا بحر الخليـج اشربيـه والله مالك معي غيـر الغـلا والوقـار وليا زعلتي كذا بحر الخليـج اشربيـه والله مالك معي غيـر الغـلا والوقـار وليا زعلتي كذا بحر الخليـج اشربيـه لله درك من رجـل شامخ .. وشاعرعذب .. وصح لسانك مره ثانيـه وانا اعتبر هذي بدايه اعتدال الحظ لأنك وظعت النقط على الحروف بهذي الشامخه . . وصح كلك يبوغرام مره ومره ومره ..الخ :) :) |
الله الله الله نواف نايف صح لسااااانك ابدعت ابدعت لاهنت لاهنت تحياااتي لكــ |
حرام بالله انك محسود على هذي القصيده
ياخي وربي ان من العشر القصايد اللي لغيري واتمنى انها لي .. نواف هنا انت غير غير غير .. قصيده في منتهى العذوبه يالغالي .. عساك تبطي تحت الحصار اظن يجي لهذي خوات .. اخوووك .. |
| جميع الأوقات بتوقيت GMT +3. الساعة الآن 12:29 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية