أنا نجاحي يوم أقابلها وأصافح يدها .. حضور أول
 

الاخوة الكرام في المرقاب

يشرفني التواجد بين عمالقة الحرف .. في المرقاب ... وأضع بين ايديكم هذا النص آملا أن يحقق بعض الرضى



[poem=font="Simplified Arabic,5,darkblue,bold,normal" bkcolor="transparent" bkimage="" border="double,4,darkred" type=1 line=0 align=center use=ex num="0,black""]
يا مسندي يا صاحبي ياللي كما العـد القـراح = لا تنشد المجروح عن روحه وعن مـا حدّهـا

البارحة ليلي سهر والعيـن حاربهـا المـراح = وهموم قلبـي يـا رفيقـي عاجـزٍ لا أعدهـا

تقول ناجح؟ قلت أنا ويني و وينـك يالنجـاح = وشلون ابا انجح والظروف صعاب ماني قدهـا

ياليتها وقفات رِجل وضرب من دهـم السـلاح = إن كان اوقف نـد والشجعـان مثلـي ندهـا

ما شاقني شوف البحر لو هو يجيب الانشـراح = أرمي الهموم بغبتـه والمـوج يمـي ردهـا

تشوقني نجد العذية كـل مـا لاح الصبـاح = أسوق رجلي في صحاريها ولا آصـل حدهـا

لا شعشع المخضار فيها ثمْ ريح الـورد فـاح = ما كنـه الا المبخـرة ساعـة تفـوح بندهـا

يا صاحبي وإن كان ودك بالصحيح من الصحاح = خذ من ضميري كلمةٍ وإن كان تقـدر ودهـا

أنا دواي وعلتـي والشهـد والسـم الذحـاح = الجادل اللي من ثـلاث سنيـن يكبـر ودهـا

أم القوام الفاتن الممشـوق زاهيـة الوشـاح = وأم الخدود اللي كما القرطاس صفحـة خدهـا

وأم العيون النعّـس اللـي لا تبيـح ولا تبـاح = وعريبة المجنى ولو مـا كـان جـدي جدهـا

لا قلت أنا رايح لذيك الـدار وأدعـي بالفـلاح = تقول سافر والدموع تقـول مـا هـو ودهـا

في شوفها كل الفـرح كـل الهنـا والارتيـاح = وفي بعدها.. تبغاني أنجح والظروف أصدهـا؟

ياخـوك لا تكثـر عليّـه بالملامـة يافـلاح = وأكشف لك المستور من روحي وأبيح سدهـا

مانيب ناجح لعنبوها جامعـه وأبـو النجـاح = أنا نجاحي يـوم أقابلهـا وأصافـح يدهـا [/poem]


وسلامتكم

:)




هلا ومرحبا ياعبدالعزيز .. والله يحييك بين اخوانك
ويشرفني اكون اول من يرد عليك .. ويحضر في متصفحك ..

\
/
\




تقول ناجح؟ قلت أنا ويني و وينـك يالنجـاح
وشلون ابا انجح والظروف صعاب ماني قدهـا
ياليتها وقفات رِجل وضرب من دهـم السـلاح
إن كان اوقـف نـد والشجعـان مثلـي ندهـا



وكفو وكفو يا السمي .. وان شاء الله انك قدها
حتى الظروف يجابهها الرجل المؤمن بإيمانه ..
>>>اخذ دور فــلاح :)


ياخـوك لا تكثـر عليّـه بالملامـة يـافـلاح
وأكشف لك المستور من روحي وأبيح سدهـا
مانيب ناجح لعنبوهـا جامعـه وأبـو النجـاح
أنـا نجاحـي يـوم أقابلهـا وأصافـح يدهـا

تبا الصدق هذا نجاحٍ مدري عن حاله ..:)


ميـر صـح لســانك ثم صـح لسانك ..
ومصافحه تجعلنا نتطلع للقادم ..بشوق

وتقبل التحيـه من
اخـوك يالسمي ..
:)

مرحبا ومسهلا يا عبدالعزيز الدلبحي

والله يحييك بين اخوانك في مرقاب الجميع

قصيدة تحمل روح الشعر الجميل والاصيل

صح لسانك ودام تواصلك ،،

..

وأم الخدود اللي كما القرطاس صفحـة خدهـا

الله الله الله

عز الله شبهت يا عبدالعزيز . . . . :)

واعانك الله

صح لسانك ..








وشد حيلك :)

للشعر روحه الجميله التي تجلّت في هذا النصّ الراقي

عبدالعزيز الدلبحي

مرحبا بك .. اولاً
وصحّ لسانك ثانياً
وبإنتظار إبداعاتك ثالثاً

لك تحياتي

.
.


مانيب ناجح لعنبوهـا جامعـه وأبـو النجـاح
أنـا نجاحـي يـوم أقابلهـا وأصافـح يدهـا


يـ هلا هلا هلا هلا فيك يابو مشعل :)
والله يلوم اللي يلومك ياشيخ


شاعر وغالي ومبدع يـ مبدع


صح لسانك ولاهنت
تحيتي لك

.
.

هلا ومرحبا ياعبدالعزيز

والله يحييك بين اخوانك

وصح لسانك مليار وزود

تقبل مني كل الود

أخوك

حياك الله..يالدلبحي

وصح لسانك

ولاهنت على هالجزله

لك التقدير’,,

ياسلام ياعبد العزيز


شاعر مميز وحضوور فااااخر بكل تأكيد



صح الله لسانك وتواجدك وحضووورك الأول



وحياااك الله بين اخوانك


تحيتي لك

هلا بك يا ابو مشعل


مبدع بكل ما تعنيه كلمه ابداع ,,,صح لسااانك


تحيتي,,,,,,

الله الله

صح لسانك

ولاهنت ’’

هذا الحضور وإلا بلاش
:)




صح قلبك ،

ياليتها وقفات رِجل وضرب من دهـم السـلاح
إن كان اوقـف نـد والشجعـان مثلـي ندهـا


يا هلا يا هلا ويا مرحبا


يابو مشعل


شرفت

بحضورك ونظمامك للمرقاب

وحياك الله بين اخوانك في منتدى الجميع


اما عن القصيد صح لسانك ونت تعرف شهادتي فيك من ذو 000000

ابو مشعل

حضرت للترحيب

,,
مرحبا الف
ونور المرقاب
وحياك الله

لي عوده للقصيده

يا هلا وغلا يا عبدالعزيز


مانيب ناجح لعنبوها جامعـه وأبـو النجـاح
أنـا نجاحـي يـوم أقابلهـا وأصافـح يدهـا


شاعر مبدع بلا شك ومكسب للمرقاب



صح لسانك ولله درّك


تحياتي ومتابعتي الدائمه

عبدالعزيز الدلبحي


صح لسانك مدد .. ولا هنت