الحقيقه.. للشاعر .. معوض سودان الشاطري
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
بديـت باللـي شيـد الكـون تشييـد=ابـدع بخلقـه ثـم ســن العقـيـده من بعد هـذا ياخلـف عيـدك اسعيـد=يالله لعـل ايـام عـمـرك اسعـيـده انتـه ومـن كثـر علـي التناشـيـد=ارسلـك المعـذار وقــره وعـيـده والله مانقص فـي الحقيقـه ولا ازيـد=وقـع المعانـي واضحات(ن)وكـيـده ودي بشوفتكـم وليـه بـهـا مـيـد=لكـن جرحـي ماتـوقـف صـديـده كل(ن)شرى لبسه يبـا فرحـة العيـد=مـع الاقـارب بالثـيـاب الجـديـده هـل الهـلال وقنـفـت بالزغـاريـد=اللـي لشـوف اديـارهـا مستعـيـده واستركبوهـا صاملـيـن الاوالـيـد=كل(ن)يـقـول الله عليـنـا يعـيـده العيـد يجمـع كـل ذخـر الاجـاويـد=هـذا ولـد عمـه ولاخــر حفـيـده وانا ليـا جـا العيـد جتنـي لواهيـد=فـي وسـط قلبـي صاليات(ن)وقيـده ماهـي بكـر مـرت عليـه تـراديـد=عنهـا نيـام أهـل القلـوب البليـده ما ودي اشكي خايـف امـن المناقيـد=الـرجـل بنك(ن)مايغـلـق رصـيـده ولا ودي اتـرك فرصت(ن)للحساسيـد=اللـي ليـا سمعـت كلام(ن)تـزيـده واحترت بيـن اصدورهـا والمواريـد=من كل جانب صـوب نفس(ن)عنيـده وسجـع الحمـام ملحنـه بالتغـاريـد=حـرك هجوس(ن)ساكنـه بتغـريـده عجـل يبـا المـرواح بينـه مواعيـد=تحـت جنـاح الليـل والكـل هـيـده وخايف من اللـي يدركـون البواريـد=ولا مـن الشيهـان بــاول هـديـده كنه يقول اليا زعلـت اضـرب البيـد=ورزقـك علـى رب(ن)تكفـل عبيـده ان كـان ماحولـك عيال(ن)صنـاديـد=اكضم علـى غيضـك وكـب اتعديـده واصبر علـى الشـدات خلـك بليهيـد=تكسـب مناعـه للـيـال الشـديـده دنيـا تقلـب خاينـه ملعنـت سـيـد=لـو انهـا قفـت تجيـلـك امعـيـده يانيـم شـف قـدام عينـك شواهيـد=ابصـر بعينـك وافعـل اللـي تريـده اللي لهـم بالطيـب منهـج وتمجيـد=مـاتـو ولحـد(ن)قـال والله فقـيـده راح النظـر والوجـه يـم الهرابـيـد=صارو خيـار القـوم وهمـه فسيـده ما بغاك يادار(ن)بهـا الظلـم والكيـد=يقولهـا اللـي ذاق ظلـمـه وكـيـده ظلـم الطغـاه الحاقديـن النمـاريـد=سـود النوايـا والنفـوس المـريـده تكاتفـو بالظلـم والـهـم مقاصـيـد=ولا الناس من ظلـم البـري مستفيـده قول(ن)الجـدي قبـل لايـرزق اوليـد=انشهـد انـه صـار بيـت القصيـده مايذبـح الرجـال ضد(ن)مـن ابعيـد=الموت وان جت ضدتـه مـن سنيـده [/poem] |
الله الله
اي والله الموت وان جت ضدته من سنيده بارك الله فيك يا فارس وصح لسان الشاعر القدير .. معوض الشاطري ولاهنت ، .. |
مير أبشرك عندي القصيدة بصوت حمود الشاطري شايلها وطالعه ذهب :)
مالعب في بطارية جوالي الا اعادة الشيله :) وفي انتظار الديوان الصوتي للشاعر معوض بن سودان وصح لسانه حتى يرضى ولاهنت يافارس على ايراد القصيدة الدرة فعلا |
مايذبح الرجال ضد(ن)مـن ابعيـدالموت وان جت ضدته من سنيـده
ياسلام قصيدة جزله صح لساان الشاطري ولا هنت على النقل |
اقتباس:
|
اقتباس:
تصدق نفس الحاله مادمر البطاريه والسماعه الا الاعادهـ لاكنـ فدا .. والديوووانـ حسب كلامـ حمود الشاطريـ يقولـ الاسبوعينـ القادمينـ |
اقتباس:
صحـ بدنكـ يانوافـ تصدق نفس الحاله .. مادمر السماعه والبطايه الا الاعادهـ لاكنـ فدا ... الديوانـ حسب كلام حمود الشاطريـ يقولـ الاسبوعينـ القادمينـ |
اقتباس:
صح بدنكـ يا مخايلـ مشكوورهـ على المرور |
صح لسان الشاعر ., معوض سودان الشاطري وشكرآ لك يافارس على الاختيار الرائع |
صح لسان شاعرها
ولا هنت يا فارس تقديري .. |
اقتباس:
صح بدنكـ يالنيـرهـ مشكوورهـ على المرور |
اقتباس:
صح بدنكـ يا ابوبلال مشكور على المرور |
ياسلام
جزاله لاهنت وصح لسان الشاطري |
اقتباس:
ولا انت ... صح بدنك بالنيابه |
قول(ن)الجدي قبل لايرزق اوليـد
انشهد انه صـار بيـت القصيـده مايذبح الرجال ضد(ن)مـن ابعيـد الموت وان جت ضدته من سنيـده الموت اي بالله صح لسان الشاعر معوض الشاطري ومشكور على الاختيار والنقل يافارس الله لا يهينك |
اقتباس:
مرحبا يا عبداللطيف صح بدنك وانا اخووك تشرفت بمرورك |
يا مرحبا يافارس
اختيار يدل على ذائقه متميزه لله درك كثّر لنا منها نفداااك |
اقتباس:
لله دلر شاعرها ...... وابشرر بالخير وانا اخوك |
اقتباس:
يا مرحبا مليون يا مشعان صح بدنك بالنيابه اشكرك على المرور |
صح لسان الشاعر ., معوض سودان الشاطري
وشكرآ لك يافارس على الاختيار الرائع |
اقتباس:
صح بدنك بالنيابه اشكرك ابو على على المرور |
هلا اخوي فارس
الف شكر على هالنقل الرائع وصح لسان الشاعر معوض الشاطري |
| جميع الأوقات بتوقيت GMT +3. الساعة الآن 07:18 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية