(( القائل )) هو ..
بسم الله الرحمن الرحيم ..
اخواني . اخواتي .. اعضاء وزوار هذا الصرح الشامخ في نهاية هذا الاسبوع نعلن .. عن قصيدة احد شعراء هذا المنتدى التي كانت معكم لمدة اسبوع . ترك المجال لكم . لتخمنوا .. من ذا يكون قائلها ..؟ ومن هاذا المتصفح نعلن ان القائل هو ..:_/ شاعر الجزاله . وشاعر الابداع .. شاعر سطر حروفه من ماء الذهب . تغنى بقصايده الكثير , وردد ابياته الصغير والكبير .. شارك شارعنا في برنامج شاعر المليون . وحقق مع زملائه المراكز المتقدمه كما اقام شاعرنا عدة امسيات منها .. أمسية الجامعه المفتوحه في البحرين ، امسيه جمعية الثقافه والفنون بالطائف ، أمسية سوق عكاظ ، أمسية صيف المنطقه الشرقيه ، أمسية جمعية الثقافه والفنون بالدمام ، امسيات مزاين الهيلا الرسميه، امسية اليوم الوطني بالخبر ، والعديد من الأمسيات الاحتفاليه . كما قامو بــ تكريمه ربعه السوطه . مع شعرائهم المميزين والذين خدمو الموروث الشعبي .. وهو الشاعر القدير فيصل السواط [poem=font="Simplified Arabic,5,black,normal,normal" bkcolor="transparent" bkimage="" border="double,4,blue" type=2 line=0 align=center use=ex num="0,black""] يضيق الفضا ولاّ تهبّ العواصيف ! = ياحبر القلم سدّد للاحداث دينك دموعك غلا وحروف شعري ملاقيف = تجوب الشعور العفّ وتقول وينك ؟ على لقمة الواقع تعيش المحاريف = ويبقى صداها ندبةٍ في جبينك وعلى طاقة الغربة وباب الصواديف = ياست الصبايا جات عيني بعينك عيونك بحر واهداب عينك مجاديف = وقارب نجاة القلب في حاجبينك رمتني على امواجك جروحٍ مكاشيف = وضيّعتني مابين زينك وزينك ادوّر عليّه مع ضحايا المراهيف = واثرني موقّع بين قلبك وبينك عروقي على شوفك تلج الغطاريف = وقلبي رقص فرحه على راحتينك ولو انّك سواة مضمّرات السراجيف = ماخلّيت روحي خاتمٍ في يمينك تعديت لك حصنين واربع مشاريف = على شان قلبي يستظل بحنينك سوالف عيونك غير كل السواليف = وريحانة أشواقي على ياسمينك لو انّ الرسايل في بطون المظاريف = قرتها على رجفة يديني يدينك [/poem] اما من كانت تخميناتهم صحيحه من بين الاعضاء . هم , 1) خالد الروقي 2) تركي عبدالله 3) مناحي ولأن يحق لـــ ابو نايف يطلب من شاعرنا طلب واحد يقوم شاعرنا بــ تنفيذه :) انتظرونا بداية الاسبوع القادم مع قصيده جديده تقديري |
ياسلام سلّم
عزالله يلوق لها وتلوق له وعزالله اني مدوّج !! لاهنت يابو شاطري وننتظر القصيده الجديده وقائلها كل الشكر لك ياصديقي !! .. |
اهاااااااااااا
لاهنت لاهنت يا عيسى .. وصـح لسان ابو ريمـا |
اقتباس:
وانت اشوى من غيرك :) و ابو عبدالله يستاهل تقديري |
اقتباس:
الله لا يهينك يا بو هليل :) تقديري |
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
يضيق الفضا ولاّ تهبّ العواصيف ! = ياحبر القلم سدّد للاحداث دينك دموعك غلا وحروف شعري ملاقيف = تجوب الشعور العفّ وتقول وينك ؟ على لقمة الواقع تعيش المحاريف = ويبقى صداها ندبةٍ في جبينك وعلى طاقة الغربة وباب الصواديف = ياست الصبايا جات عيني بعينك عيونك بحر واهداب عينك مجاديف = وقارب نجاة القلب في حاجبينك رمتني على امواجك جروحٍ مكاشيف = وضيّعتني مابين زينك وزينك ادوّر عليّه مع ضحايا المراهيف = واثرني موقّع بين قلبك وبينك عروقي على شوفك تلج الغطاريف = وقلبي رقص فرحه على راحتينك ولو انّك سواة مضمّرات السراجيف = ماخلّيت روحي خاتمٍ في يمينك تعديت لك حصنين واربع مشاريف = على شان قلبي يستظل بحنينك سوالف عيونك غير كل السواليف = وريحانة أشواقي على ياسمينك لو انّ الرسايل في بطون المظاريف = قرتها على رجفة يديني يدينك[/poem] الله الله أثرها .. لـ .. أبو عبدالله .. عزالله قصيدة كايفة .. كايفة .. كايفة .. صح لسان ابو عبدالله .. وبيض الله وجهه على تجاوبه السريع .. !! والشكر لك .. يابو محمد على متابعة الموضوع .. وعلى الجهد الذي تبذله في سبيل إنجاحه ..!! والشكر لكل .. من شاركـ .. في إدارته .. وفي إنتظار القادم من شعراء المرقاب المبدعين .. في مستهل الإسبوع المقبل .! .. |
لاهنت ياعيسى ولاهان الشعراء الي خمنو تحيتي وتقديري للجميع |
عز الله ابو عبدالله كفو ومبدع :)
بعدين انا ما رحت بعيد .. !عبداللطيف وفيصل اخوان :) شكراً يا ابو محمد و ننتظر الضيف القادم :) |
صح لسانك يا فيصل ولا هنت يا عيسى على هذا الموضوع الرائع وننتظر القادم الأجمل تحياتي .. |
بيض الله وجهك يا عيسى الشاطري
الحقيقه كنت تحاور اصحاب التوقعات بذكاء كبير :) وصح لسان شاعرنا المبدع / فيصل السواط ابيات ذهب عز الله ولاهيب غريبة إن رجعت لبو عبدالله شكرا لك يا عيسى وسلمت ، .. |
صحت أبدانكم جميعاً ومشكورين على مروركم على القصيدة المتواضعه
وعلى فكرة : القصيدة كُتبت قبل الموضوع ، وكنت محتار أنزلها في الركن الهادئ الملئ بالخطوات ولاّ أنزلها فالمواهب ، واختارت مكانها رغماً عني :) مشكور يابو ودّ على جهودك الطيبة والله لايهينك ولو انك نزلت النتيجة في آخر المتصفح الأول لكان أفضل حسب وجهة نظري المتواضعه :) دم تم / بخير |
الله الله الله
صح لسانك يابو عبدالله بس المفروض عطيتوا الوضوع مجال للتفكير شوي ياسعادة الزميل :) |
فيصل السواط
شاعر كبير مبدع والحقيقه اجد ان فكرة الاحتفاء بالشاعر واعلان النتيجه فكره رائعه واعجبتني ويستاهل ابوريما صح لسانه الف الف وسلمت يا لشاطري على هالافكار الحلوه :) |
قصيدة بديعة جداً .. لشاعر ورمز مرقابي مبدع جداً ..
صح لسانك يابو عبدالله .. ولا هنت يابو محمد .. تحيّتي |
اخيرآ يابو ود اعلنت النتيجه :(
قصيده غآرقه في الجمال ، وشآعرها احد رموز المرقاب ، صح لسانه ولا عدمناه ولا عدمنا ابداعه . |
اقتباس:
و الشكر موصول لك يا سعادة المدير على جهودك المبذوله خلف الكواليس :) تقديري |
اقتباس:
يا مرحبا يا فهيد ولا هنت تقديري |
اقتباس:
شكراً لك انت على متابعتك للموضوع :) وبعدين اللي قال ان اجابتك خطى من :) تقديري |
اقتباس:
والروعه في متابعتك وتواجدك طال عمرك تقديري |
اقتباس:
وجهك ابيض يا دكتور بس محاورتي لهم الذكاء واضحه بالحيل :) ولاشك ان ابو عبدالله يستاهل ومشكور يا دكتور على تواجد ومتابعتك لا عدمتك تقديري |
اقتباس:
وعلى تواجدك اللي ابعد الشك عنك بس ما سلمت <<< كنه ما يبي احد يجاوب :) ولا تنسى تنفذ طلب ابو نايف << عودنا :) وصح لسانك مدد بلا عدد تقديري |
اقتباس:
نسخه طبق الأصل وصح الله لسان ابوعبدالله ولا هنت لا هنت يالشاطري |
| جميع الأوقات بتوقيت GMT +3. الساعة الآن 07:51 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية