العبره اللى من سبايبها يضيقن الصدور (قصيدة الغربه)
بسم الله الرحمن الرحيم أبيات من قصيدة الغربة كتبتها في عيد الأضحى الماضي 1429هـ في ولاية أدليد _استراليا [poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] العبره اللى من سبايبها يضيقن الصدور=يوم أتذكّر عيد أهالينا وعيد أقرابنا يطري عليّه بعدها بعض السوالف والأمور=وأقول في نفسي هنيّا ياعرب وش جابنا هواجس تطري على الشاعر وفي صدره تفور=بأسباب غربتنا وبعد اديارنا واحبابنا ف(ادليد) ديرة مصنع (الواين) وتكرير الخمور=الله لا يبلانا ولا يبلا جميع أصحابنا فيها اختلافات الثقافه واحترامات المرور=وكلابهم يابو سعد ماهيب مثل كلابنا حنا نهمّلها مع الخليان وانطخّ العقور=والاّ هنيّا لو تعرضنا لها يا,,وابنا وممكن تساوي غلطه الشاطر على فعل امحذور=غرامةٍ ماقد طرت في بالنا واحسابنا لكن يزينها هدوء البال وأنفاس الزهور=وأيضا يزينها مقابل ربعنا وأعرابنا وحنا حضرنا من بعيد الدار وأسباب الحضور=ناخذ علوم (أدليد) وانصون اللحى وأشنابنا نصونها عن مسلك التغريب ودروب الدبور=لو كان بدّلنا منازلنا ولبس ثيابنا واليوم يوم العيد والدنيا على راسي تدور=ما احد درى باعيادنا ومسكرينن بابنا لاجارنا سير علينا وأردف الدله بخور =ولاشرّع البيبان من بدري ولا هلا,,بنا عوايد نفخر بها لو كان من ماضى العصور= وان كان ما نفخر بماضينا عساه اتلابنا وبنتي بشاير في مقابلها السعاده والسرور=مير البلا في عينها شفت الوله لاقرابنا والجا الى الله وأطلبه وأقول يالرب الصبور=عليك نتوكل ومن فضلك تطول أرقابنا هوّن علينا لوعة الغربه وضيقات الصدور=ويسّر لنا حتى نعود وفاليمين كتابنا [/poem] ابو بشاير استراليا -أدليد ___10-12-1429 هـ |
حجز ولي عوده
|
وحنا حضرنا من بعيد الدار وأسباب الحضـور
00000 ناخذ علوم (أدليد) وانصون اللحـى وأشنابنـا نصونها عن مسلك التغريـب ودروب الدبـور 000000 لـو كـان بدّلنـا منازلنـا ولبـس ثيابـنـا جعل عيدك يعود يا الشدادي والله يوفق كل مغرب ويرجعه لديرته سالم وغانم نص رائع .. أخذنا إلى أستراليا .. وغربتها صح لسانك |
اقتباس:
حياك الله وفي انتظار العودة |
وحنا حضرنا من بعيد الدار وأسباب الحضـور
ناخذ علوم (أدليد) وانصون اللحـى وأشنابنـا نصونها عن مسلك التغريـب ودروب الدبـور لـو كـان بدّلنـا منازلنـا ولبـس ثيابـنـا صح لسان اخوي عيد قصيدة رائعه جدا لاهنت |
الله الله الله
عيد وقصيده في يوم العيد ياسلام ياسلام شديتنا من اول بيت الى اخر بيت وعشنا الجو سلمت وصح لساانك ياعيد في انتظار جديدك سلامي عليكـ |
الله الله الله ياعيد
صح لسانك على الوجبه الشعرية الدسمه ولالك الاجر والمثوبة ولاباقي الا خير |
أشهد بالله انك شاعر بمعنى الشعر يا عيد الشدّادي
بدع ثمين ومتماسك وتصوير لحال الغربة ومشاهداتك بإحتراف سجل اعجابي وانا اخوك وعسى الله يوفقك ويعيدك سالم وغانم لدارك واهلك واحبابك ، وصح لسانك عدد الشعب الاسترالي ، .. |
صح لساانك شااعر متمكن
وعسى اللله ان يعيدك سالم طيب |
يا سلام عليك عز الله اني قريت قصيدة تستحق القراءة الله لا يضرك
صح الله لسانك ولا هنت يا عيد وفقك الله |
عيد الشدادي
صح لسانك مدد وااافيه من وافي تقديري اخوك |
عيد الشدادي للغربة مذاق مر مؤلم كثيرون تجرعوا مرارتها على أمل العودة يوما ولكن غربة الروح تعادل غربة الوطن .. و قد تكون اشد مرارة ابيات جميلة جعلتنا نشعر بقيمة ما حولنا بعاداتنا.. و اصولنا .. و طبائعنا عيد الشدادي صح لسانك واعاد الله كل مغترب لوطنه سليما معافا |
صح لسااااانك
تحيتي |
ياسلام ياعيد
تصوير متقن حتى كأنا كنا معك الله يوفقك ويجيبك سالم وصح لسانك غيمار |
,,
الله الله يا عيد ابداع في ابداع لاجارنا سيـر علينـا وأردف الدلـه بخـور ولاشرّع البيبـان مـن بـدري ولا هلا,,بنـا ايام وتنقضي وانا اخوك وتعود لربعك وجيرانك وتعيد بينهم ولا اقول الا صح لسانك والله يجي بك سالم غانم اخوك احمد الحارثي |
اقتباس:
والله يتقبل دعاك صح بدنك والله يعين على الغربه وبعد الديار وراح الكثير وما باقي الا القليل |
اقتباس:
اخوي عوض صح بدنك والروعه في تواجدك ومرورك |
الله الله يابو بشاير
صح لسانك ولاهنت يالشدادي |
يا سلاااام يا عيد
صح لسانك مدد تقديري |
الاخ الشاعر / عيد الشدادي
صح لسانك على القصيده الجزله والله يردك وانت تحمل اعلى الشهادات ويوفقك وجميع اخواننا المتغربين عن اوطانهم |
:
واليوم يوم العيد والدنيا علـى راسـي تـدور مـا احـد درى باعيادنـا ومسكرينـن بابنـا ياسلام ياسلام ياسلام ياسلام أشهد بالله انك كتبت وأبدعت ياعيد ..! والله يوفقنا وياك الى مايحب ويرضى .. ويردك سالم .! صح الله لسانك ولافض فاك شاعر جزل جزل بمعنى الكلمة تقبل مروري واعجابي |
الله يردك للو طن سالم وغانم ياعبد الله
وصح لسانك ولا هنت قصيده تعبر عن نفسها ومميزة تحيتي لك |
| جميع الأوقات بتوقيت GMT +3. الساعة الآن 09:26 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية