دمعة ملك ...!!!
 

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ماكل دمعٍ ينثره محجـر العيـن=يعطيك من ضمن الدلائل رسالـه
الى دموع اللي حمى الدار والدين=بلسم جـراح وللتواضـع دلالـه
دمعة ملك صارت غلاف وعناوين=صقر العروبه كـل حـي دعالـه
عينه على شعبه من يسار ويمين=والشعب حبه من جنوب وشماله
جم التواضع معتنـي بالمساكيـن=من خوف ربه شال للفظ الجلالـه
خادم بيوت الرب طلق الحجاجين=تنفق يمينه مادرت بـه اشمالـه
حكمه بشرع الرب ماهي قوانيـن=تكرم يمينه عـن دروب العمالـه
ياما سعى بالصلح وانفق ملاييـن=وياما دعى بين ألامـم بالعدالـه
الصف واحد مانبي الصف صفين=ونبعد عن اسباب الغلو والجهاله
ياسيدي من باب لندن على الصين=انته كمـا نجـم تعلـى الحالـه
وختامها بالمسك وقـول شيئيـن=لله ثـم الديـن ثــم الـولآلـه [/poem]


لـــ / عبدالله بن فهد الدوسري

صح لسان شاعرها

وسلمت يا محمد

وابو متعب يستاهل

الله يحفظه

صح لسان الدوسري



لاهنت

محمد



لاهنت والله على ايرادها في هالقسم



صح لسان شاعرها



لك فائق احترام وتقدير اخوك ..!!

عز الله انك يا محمد اخترت الجزل من القصيد والمدح اللي في محله

صح الله لسان شاعرها وبيض الله وجهك ولا هنت


لك التقدير يا ذيب

وختامها بالمسك وقـول شيئيـن
لله ثـم الديـن ثــم الـولآلـه


هذا الكلام

صح لسان الدوسري ولاهنت يا ابو بلال لاهنت

افتقدناك والله ياغالي

ترانا نحسب لك لا تبطي :)

اخوك

بيض الله وجهك يامحمد ولا هنت على اختيار هذه القصيده وصح الله ابدان الجميع

صح لسان شاعرها..

ولا هنت يا محمد على النقل الرائع..

شكرا شكرا على هذا الإبداع..

صح لسان الشاعر

ولا هنت يامحمد

وابومتعب يستحق الولا والغلا

جعلك ما تفقد غالي يبو راكان .. لا عدمناك