موضـوع النقاش !
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
دوزن العود العراقي ودق وجرّ صوت = وإنتعش وإنعش ونعنش وزوّدها إنتعاش وإعتبر نفسك من أهل الدراهم والبشوت = جامعنها كلـها منصب وسمعه وكـاش لا وعندك ساعة البسط لا يمكن تفوت = تخترش لا أوحيت طاري الوناسات إختراش كبّ غيرك سامرينً على صكة بلوت = كنـّهم نسوان في عرس مدري في هواش وأنت مستانس وطربان وتكـنّ الشروت = حسب رفقـاً بالقوارير ماهو بالغـراش منت في حاجة سواليف عن ليلى ونـوت = ما يهمك كل خارج من الدنيا وداش ماعليك الاّ من اللي تشوت القاع شوت = شوّشت رادار فكرك وراسك شاش شاش أن مشت بشـويش قلت البحر والجيلبوت = وأن مشت مستعجله ينغفر ذنب القماش أم عارم وأم وارم ومفـلاها مْحتوت = وأم غابي وأم نابي وماطـرها رشاش تقدر تقول إن هذي هي آفة كل قوت = وتقدر تقول إن هذي يشبـّعها العراش فرخ شرخ إكّه دلع شق فتنه جرح موت = ريش قطن إستبرق إسفنج سندس صوف شاش ثوب طرحه جنز فستان جبّه بشت كوت = طاوله كرسي كنب مسنده مركى فراش ملح فلفل ثوم حلتيت حلبه عنزروت = فايده مكسب خساره سلف رشوه معاش خوخ مشمش لوز رمّان موز عْنَبّ توت = كـُبس لنبه نار برّاق ولاّعه فلاش متر كيلو يارده شبر ملّي ميل فوت = فاصله نقطه علامة تعجـّب قوس داش هيلتون إنتركونتننتل مريديَن ماريوت = باب طاقه حوش مجلس بلاكونه قراش فاس طنجه حمص بيروت جده حضرموت = فرس روم هنود شركس حبش جاوه أماش هي مقرّ الجاذبيه وهي خط الثبوت = هي هي وبس واللي سواها ماش ماش لا نجت يوم أسفهلّت وأنا اللي لا نجوت = كان ما ضاعت علومي وطاش الفكر طاش وش بقى ما قلت يا أهل الكدالك والفروت = أكلت السهم القيادي مع سهم الخشاش شفت من روس النوايف تهاتيه الخبوت = قلت هذي فرصةٍ سانحه ما بدّهاش والكلام اللي ذبحته غفر ذنب السكوت = وذبحة الفانوس ما تغفر ذنوب الفراش قبل لا ينقد صديقً ولا يشمت شموت = أدري إن هرج الدناسه طبيعة كل لاش ماني اللي لا تكلـّم يلوت الهرج لوت = بس تربيط الحكا غير تربيط الخياش ! القصيده سرّها راس ذيب وبطن حوت = وكل شاعر صح يرقش معانيها رقاش المفاتيح أربعه جات في سبعة بيوت = يا تحضـّر الأربعه كلهم والاّ بـلاش العوارف عارفين السهارى والخفوت = من يموت يموت لو ردّدو له عاش عاش والمجنـّن فالهم في البناشر والزيوت = بين تفتيش السليّل ونقطة خط جاش مالهم ياكود شوتة طنش من راس بوت = وطلقةٍ من بو محاله وطلقه من كلاش دوزن العود العراقي لهم من دون صوت = ماهو بـلازم يعـرفون موضـوع النقاش ! [/poem] |
صح لسانك يا ابو يحيى
يشرفني أن أكون أول من يعلق على هذه الرائعه تحياتي لكل حرف خطته يدك |
يـا تحضّـر الأربعـه كلهـم والاّ بــلاش
صح لسانك وبيحضرون ان شاء الله اكيد لي عوده اذا امهلني الأجل صح لسانك الى الابد |
..
حجز OK |
والمجنّـن فالهـم فـي البناشـر والزيـوت
بين تفتيـش السليّـل ونقطـة خـط جـاش هههههههههههههههه كن عيني تشوفها :) ابو يحيى بغض النظر عن موضوع النقاش وضوح والا غموض ..! ما يكتب القصيده بـ التمكّن والحرفنه اعلاه شاعر طبيعي :) باختصار شديد : رايي فيك ما يزحزحه زحزيح .. ولا تأثر فيه العواصف والصواعق وعوامل التعريه ! لله درك لين تموت انت والا اموت انا اخووك :) |
ابو يحيى ابدعت وامتعت
صح لسانك مدد ولاهنت يا القرم |
ابو يحيى ابدعت وامتعت
صح لسانك مدد تحيتي |
علي الملازيم انك مبدع ياسمي
صح لسانك إلا مالا نهايه سجل اعجاااابي اخوووك |
قبل لا ينقـد صديـقً ولا يشمـت شمـوت
أدري إن هـرج الدناسـه طبيعـة كـل لاش صدقت صح لسانك × صح لسانك ابدااع وحضور مميز لاهنت احترااامي و ج د |
يا رب سترك
عز الله انك حريف يا ناصر ولا يكتبها شاعر يوزن ويقفي فقط صح الله لسانك ملايين ولا هنت على ذا الفاخره لك التقدير |
فرخ شرخ إكّه دلع شق فتنـه جـرح مـوت
ريش قطن إستبرق إسفنج سندس صوف شاش ثوب طرحه جنز فستان جبّـه بشـت كـوت طاوله كرسي كنب مسنـده مركـى فـراش ملح فلفـل ثـوم حلتيـت حلبـه عنـزروت فايده مكسب خساره سلـف رشـوه معـاش خوخ مشمش لوز رمّان مـوز عْنَـبّ تـوت كُبـس لنبـه نـار بـرّاق ولاّعـه فــلاش الله الله الله لله درك وصح لسانك |
ناصرالأحمري
أبدعت ..أبدعت صح لسانك مدد .. وسلمت تحياتي .. |
المدهش
ناصر الأحمري صح لسااانك مددددد مودتي لك . |
صح لسانك يابو يحيى
شاعر مبهر والردود ماتوفي حقك .. الاكيد لي يومين وانا وارد وصادر من هالمتصفح الله يزودك من فضله دام حظورك وابداعك اعجابي وتحياتي ,, |
سبق و أن أبديت اعجابي بها يا ابو يحيى
و يعلم الله انك منطقه خطره جداً... لكن الله يعين اللي قنبعت به.. teeth: |
8
8 عين خير الدعوى تساهيل << محاوله لـ إحتواء مايمكن :) أول شي والله مشتاق لقصيدك يا داهيه وعسى عمرك طويل على الطاعه ومثل ما قال الحصيّن : مهما يكون موضوع النقاش الاّ أنّ ما تقدمه نموذج للأبداع الفارق بكل ما تعنيه الكلمه من معاني ناصر الأحمري تأكد أن الأعجاب بما تقدم مستمر إلى أجل ٍ غير معلوم والله مدري وش أبي أقول .. الكلام يطول أما عن القصيده فلا إله الاّ الله اللهم صلي على محمد والله ما يكتبها الاّ شاعر شاعر شاعر وشهادتي مجروحه فيك وبعيدًا عن المجاملات والكلام الممنمّق فرخ شرخ إكّه دلع شق فتنـه جـرح مـوت ريش قطن إستبرق إسفنج سندس صوف شاش ثوب طرحه جنز فستان جبّـه بشـت كـوت طاوله كرسي كنب مسنـده مركـى فـراش ملح فلفـل ثـوم حلتيـت حلبـه عنـزروت فايده مكسب خساره سلـف رشـوه معـاش خوخ مشمش لوز رمّان مـوز عْنَـبّ تـوت كُبـس لنبـه نـار بـرّاق ولاّعـه فــلاش متر كيلو يـارده شبـر ملّـي ميـل فـوت فاصله نقطـه علامـة تعجّـب قـوس داش هيلتـون إنتركونتننتـل مريديَـن مـاريـوت باب طاقه حوش مجلـس بلاكونـه قـراش فاس طنجه حمص بيروت جده حضرمـوت فرس روم هنود شركس حبش جاوه أمـاش أشهد أن لا إله إلاّ الله هذي كيف جبتها ياناصر حتى واو العطف مالها جرّه :) ماشاء الله تبارك الرحمن سر على هذا النهج الفريد ياداهيه . صادق الود والإحترام لك ولما تقدّم يا عزيزي . |
| جميع الأوقات بتوقيت GMT +3. الساعة الآن 07:16 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية