(( القائل )) هو ..
 

اخواني . اخواتي .. اعضاء وزوار هذا الصرح الشامخ
في نهاية هذا الاسبوع نعلن .. عن قصيدة احد شعراء هذا المنتدى
التي كانت معكم لمدة اسبوع . ترك المجال لكم . لتخمنوا .. من ذا يكون قائلها ..؟

ومن هذا المتصفح نعلن ان القائل هو ..

شاعرنا الجميل والحبيب .. أحد رموز المرقاب القدماء سجل في عام 2002
وهو أحد المدراء السابقين .. لهذا الصرح الكبير .. صاحب التلويحات الاولى في المنتدى .
شاعرنا هو الشاعر المبدع


مشخص السلمي
مناحي

[frame="7 50"][poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الباص لو وداك ما جابك ولو جابك ترى=اكيد ما وداك لانك يا صغيره مبهره
اهلك يحبونك ومن لاحب طلتك افترى=يا فري جيبي يا تمر نخله ويا ظل شجره
جمالك العفوي يخلي من كتب فيك وقرى=يلقى على حد الامل شنطه وبوك ومسطره
ما تدرسين الزين الا تدرّسينه وان طرى=عليك بأنك تدرسين الزين كلن يعذره
شارعك كله وين ما تجري بك الخطوه جرى=عيون يمك غارقه وعيون حولك مبحره
لبيه يهالليل لامنه على كتفك سرى=من يسهره من اوله لين آخره من يسهره!
ابوك وامك فالجمال اللي تشيلين خشرى=سبحان من خلا جمالك ما تجيبه منظره !
الفرق شاسع بين منزال الثريا والثرى=انتي ثريا والثرا طبعاً نساء الثرثره !
يا طالبه صفوا زميلاتك على المقصف سرى=مثل ما صفت في يسارك بنجره مع بنجره
صفي لحالك دام زينك فارقٍ عن ما يرى=انتي لحالك والبشر بلحال يا اجمل مره !
يا طالبه في مرحله ما ترحمين اللي برى=حاله وحال الكد دون العلم والحيل عثره
احتاج منك كتاب واحتاج اعرف اللي لى جرى=احيان اشوف الحزن واحيان الحزن ما اعبره!
اسمع صباح الخير في صدري لا جيتيه نحرى=واسمع مساء الخير في صدري لا رحتي مدبره
القلب من برى حمّر لكّن داخله اخضرى=يا اللي سقيتي عشب قلبي .. شوق قلبي دمره !
اما اسعفيني والحقيني قبل مردود البرا=والا ترى المردود قلب اللي يحبك ونظره ![/poem][/frame]

وأول مرقابي يصيب التخمين الصحيح .. هو

عفاس بن حرباش
<<---- سلم من شطب العضويه :)

وكلنا بانتظار .. مايطلبه الأخ عفاس .. من حبيب الكل : مناحي

,,

وسلامتكمـ ..

كان معكم .. الدب الرشيق / محمد السبيعي ..:)


,

اثرهاااا اله



عموما صح لساااانه

ياسلام

صح لسانه

راااائعه

واشوه اني ما خمنت لاني توقعتها لعناد النفيعي :)

كل الشكر لك اخوي محمد

احترااامي

و
ج
د

^
^
ما خليتي شي :)

صح لسانه شاعرنا المبدع ولاهي غريبه عليه

لاهنت يا محمد

تقديري

:

ياسلام
تلوق له ويلوق لها
صح لسان الشاعر الكبير مناحي
ولاهنت يابو فليان

وننتظر الشاعر القادم



..

لاهنت يابو فليان



مناحي شاعر مبدع ، قصيده فيها روح وفكر وشعر





صح لسانك يا مشخص ولاهنت



بإنتظار طلب عفاس

الله لايهينك يالربع جميعاً

والحقيقه انا اللي استمتعت بمروركم جميعاً واشادتكم
والله لايخلينا منكم




عفاس يسلم عليكم ويقول متنازل عن الطلب :)





سلام يا غالين :)