حــراج 1 !
[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا راسي إثبـت والقوافي للذهـاب = البـدع رايـد والمعـاني رايـده صحيح أنا شيّبت مافيها كذاب = الشيب في راسي نثـر بـدايده شيّبت لكن هاجسي ما قلت شاب = دامـه يجـاوبني وذي جـدايـده الشعر مثل الـلابة اللي ما تهـاب = هو عزوة الشاعر وهـو سنايده مثل الحبابي لا تعـزوى بالحباب = والاّ الرشيدي لا نخـا الرشايـده أبدع وأغنـّي والخطا عكس الصواب = والفكـر جيشً ما يخـالف قايده قصّاد وألعب صح وأعوج الرقاب = مثل أي شاعر يحترم قصايده سجّل حضوري في سجلاّت الغياب = لا صار مابه من حضوري فايده والذيب ما ينقص مقامات الذياب = لا في رخـا وقتـه ولا شـدايـده أمّا طريد الذِلْ وطرّاد السراب = يختـار يا رجل البليهـي يا يـده ! وأن كان عيّا قلت له شلفا ذياب = دايم عن ذياب المسمـّى ذايده وشلفاي أنا بيتين من باب العتاب = إسمع من اللي خصّك بفرايده يابو الشباب إرتاح عند أم الشباب = حايـد وخلّ أم الشباب محايده ما للصعايب غير حلاّل الصعاب = والكـايده تبغـى زبون الكايـده ماهو بشرطً ينفتح لك كل باب = وإليا أنفتح لك باب وش سدايده يبقى على ما قيل باب بْـلا جـواب = حـراج واحد والحـراج مـزايده أمّا يوصّلهـا المحرّج للسحاب = وإلاّ يطيّـحها عبث ومكـايـده إعجب ولا تعجب ويا كثر العجاب = دنيا العجـايب بالعجـايب جايـده يمكن يبيض الصقر ويشيب الغراب = حتى القطاه يجـوز ترجع صايده ويمكن تشيل الفيل جنحان الذباب = ويمكن تسمـّى العنـز ريم القايده ! يمكن ويمكن ما يعدّدها الخطاب = أكلـت نواقـص وقتنا زوايــده عادي ولا أهتميت في ودّى وجاب = ما همـني الاّ من ربوعـه سايده إي والله إن ربعه متـّعبة الركاب = روس الـرجال مقـرّبين النايـده لكنـّه أخلف طبع سمحين الجناب = صفــّى وباع سلومه وعـوايـده ما غير يطمر من دحالً في هضاب = ملهـود مدري وش سبب لهايـده وأنا كذيّا فوق ضرس وتحت ناب = وآهايـد المـوضوع كيف آهايـــده ما شدّني يا كود عنوان الكتاب = وراعي الجرايد يفتـرش جـرايده بس الكتاب آشوف مضمونه خراب = بانـت حـروفه وأختـفت فـوايده الميّت وحيـّد وتسع إمية مصاب = كبـّر وخلّ الفاتحـه والمايــده الميّت اللي مثل ذا باقي زهاب = آصنــّفه في بند حاجه زايـده أن جيت أعزّي والده نلت الثواب = ولا ني بماثـوم لو بآعايــده ما ودّي آزعّل موفـّين النصاب = بأسباب نقصً ما تـرك ردايــده لفته ولا فيها ثواب وْلا عقاب = مضمـون هرجً راح ماني عايـده يا لجنة الرحمه هنا لجنة عذاب = ما صادها الشيطان في مصـايده عندي عربنا الباقيه تحت الحساب = مع السلامه يا عربنـا البايـده !! [/poem] بما إني ضد مقدمات القصايد ومؤخراتها... ولكن للمعلوميه أرسل لي أحد الإخوان رابط وجدت فيه قصيدتي الأخيره وقد أستلمها وأستلمني أحد الأسماء اللامعه وأخرجني عن الملّه بحول عشرة الآف كيلو بس :) سامحه الله وهداه ! |
روووووووووح يابو يحيى شااعر علم وكبير
ولايهموووونك مررررررررررررره |
ابداع غير مستغرب من شاعرنا ناصر الاحمري
صح لسانك مدد تقديري |
ناصرالأحمري
شاعر رائع ومبدع تحياتي |
:
ياسلام ياناصر موووجعه صح لسانك صح لسانك ودي وتقديري .. |
الله الله الله
ياناصر مافيك حكي وصح لسانك مدد وجعل الردي فداك تحياتي |
الله الله
يا سلامي عليك يا الاحمري ابدعت ولا بها ادنا شك اقسم بالله انك شاعر صح في زمن الدح الله لا يلجمك وخل يقول اللي يقوله ان بغا لامع ولا مطفي :) صح الله لسانك ملايين ولا هنت وفقك الله |
مبدع مبدع جزله من الجزل الله لايضرك تقبل متابعتي واخترامي |
ناصر الاحمري ونعم الاسم والنسب
الحقيقه انت شاعركبير يتقزم التعليق امام معلقاتك صح لسانك مدد |
ناصر
والله انك مبدع .. سجل اعجابي ومتابعتي المستمره ياجزل وصح لسانك .. سلامي عليك ، ، ، |
ناصر الاحمري :
شاعر مبدع وصاحب نهج جميل ومميز تقبل تحياتي |
ما للصعايب غير حلاّل الصعـاب
والكايـده تبغـى زبـون الكايـده ياسلام صح لسانك × صح لسانك حضور مميز لاهنت احترااامي و ج د |
الحظيظ مايطيح في يدك وبـس ..
سجّل الإعجاب وبانتظار حراج2 :) سلام’ عليكم |
8
8 8 8 ما عندي الا نفس كلام الشيخ اعلاه والسلام ورحمة الله |
بس الكتاب آشوف مضمونه خراب
بانـت حروفـه وأختفـت فوايـده الميّت وحيّد وتسع إميـة مصـاب كبّـر وخـلّ الفاتحـه والمـايـده يا مرحبا يا ناصر / سعيد جدآ بتواجدك فالمواهب ، واسعد بمصافحتي لبداعك /// صح لسانك ولاهنت شاعر مبدع بلا شك اصدق التحايا |
ياسلام
المهم انها كلها تثبتك على قمة الابداع يا ابو يحيى والا الدين فالقلوب والله اعلم به .. خل اللي بيخرجك من المله يقعد صح لسانك ولاهنت محبتي ومتابعتي الدائمه |
ناصر الاحمري ونعم الاسم والنسب
الحقيقه انت شاعركبير يتقزم التعليق امام معلقاتك صح لسانك مدد |
والذيب ما ينقص مقامات الذيـاب
لا فـي رخـا وقتـه ولا شدايـده أمّا طريد الذِلْ وطـرّاد السـراب يختار يا رجل البليهي يـا يـده ! ناصر مبدع كعادتك .. لله درك وصح لسانك .. وسلم بنانك تحياتي .. |
مثل الحبابي لا تعـزوى بالحبـاب
والاّ الرشيـدي لا نخـا الرشايـده الله الله صح لسانك مدد قصــيده سآآآميه لا هنت |
| جميع الأوقات بتوقيت GMT +3. الساعة الآن 08:00 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية