ياسعود النفيعي والله إنك ماش !
امش امش هنيّا يابوفهد خل عنك المحارش !
... ما أقشر الدَين الا يازين بيع الكاش خص لا صار ديانك عريباني ياسعود النفيعي والله إنك ماش عقب ماقمت تسخر بي وتهجاني :( .. |
ياسعود النفيعي والله إنك ماش
عقب ماقمت تسخر بي وتهجاني ههههههه جعله الزين فيك تو مابردت تسبدي بو فهد وين صفك وينه :) |
ماعلاه ماعلاه يارويجح !
حط نفسك في اللسته بعده على طول .. <- نصف الحرب دهوله ! .. |
الله الله الله
النهار النهار النهار ..:) سعود يحارشه عبدربه ..:) ,, |
اقتباس:
ابك فك عمرك الحين والا انا احطك لهوم بو خمس دقايق <<< ول يالمتغطرس عط عمرك العافيه :) |
دوب شفتها
داخل السوق اشوف التاجر الغشاش يخترش ويعدي مع كل دكاني عبدربه ليا جيته يبا ينحاش اعرفه مثل عرف فلان وفلاني |
بندر
ماعليك امر اخذ المدير باذنه واعدلوا الصف الايمن تقديري الجمّ |
محمد السواط
خل السوالف واسمع وش يقول لك بندر تقديري الجمّ |
هذي والله الهجمه المبروكه
عبد ربه يستدعي سعود في هالقايله المغبره بطاروق غبرته قايمه من اولته طبعا عبد ربه ميطي عن اللعب ولاعنده لياقه وتظامنا معه نظرا لانقطاعه نقول ازهل الصف ياعبد ربه وعلاك بسعود لاتخلي له عظم ياطا عليه تراه هالايام شايف نفسه الا علي فكره عسى الشايب بخير ياعبد ربه والله انا مقصرين جدا جدا جعله مايشوف شر سلامي للجميع |
طيب فتّح عيونك !
: خابرك تاتكلّم والكلام بلاش مير أنا عارف الأول من الثاني يعني إن الكفو ماهوب مثل اللاّش تعرف الناس ميزانك وميزاني ! .. |
ياسلام سلّم ..
ابو حواء .. وين صفك جعلني ما اعدمك ياصديقي .. ولايهون صديقي سعود .. :) مار علاك بسعود يابو حواء .. والصف ازهله وانا اخوك :) ، ، ، |
معدي المرقاب
والله ياعندك لياقة ماهيب بسيطة في كتابة الردود ماشاء الله عليك كل هالكلام هذا تكتبه في دقيقة تقديري الجمّ |
حسين عزام
ماعليه ياصديقي ماعليه يجي لك يوم واعلمك وش سويت تقديري الجمّ |
سعود
قل مشا الله ... اسم الله عليه من العين الا على طاري العين 00متي المعرفه ياسعود -------- وينها رايحه عبدربه انصفنا من هالجني ان قعد فالمرقاب سنه دمدرنا تقديري الجم يقولها سعود اجل حنا نبي تقديرك اله قرون 0 |
ماعاد وراها شيء يابو عتيق
كان بك لون روح لغرفة الانعاش يمكن تحصل الك علاج مجاني عندك ابرة وأنا باجيب لك منقاش وان حصل شيء انا مانيب غلطاني |
حلوووووو اللهم انصر ابا حووواء على مجرم الفنون سعود
|
عبدالله غازي السعير
اللهم لاترفع لأعداء الدين راية تقديري الجمّ |
معدي المرقاب
اطلع منها لو سمحت ترى المطاوعه مايحبون الازعاج تقديري الجمّ |
سعود
لها الدرجه تصورتني مزعج وانا قد عقبت السبع والسبعين ادري انك محتر عشاني في صف عبد ربه بس مت قهر ياليلك وياسواد عشيك يحا يحا 00 ماركه مسجله |
صح اللسنتكم
ومتابعين :) |
عندك عندك
وانتبه للحبه لا تزم ! : علّم أيوب طارش يقصر المطراش قلتها بس من شانك ومن شاني لو كرام اللحى تسلم من الأوباش كان ماشاخ الأمريكي والأيراني .. |
اقتباس:
بشائبنا الشباب ! نحن و بخير يا أخي ، والشائب طيب أبشرك عانه عند هله مابه غار العافيه :) شرّفتنا يامعدي رغم انقطاعاتك المزعجه ! سلام’ عليكم |
| جميع الأوقات بتوقيت GMT +3. الساعة الآن 07:13 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية