في حينا طاووس!
[poem="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] في حينا طاووس باني عرش من قش الغرور=ما وفر الا القشه اللي قاصمة ظهر البعير! ليا مشى فا الحي ترخي روسها كل الطيور=حتى تساوى الروس ما في لا صغير ولا كبير! ان قال دوري يا ارض خلوها على شانه تدور=وان قال توقف وقفوها غصب لو هي تستدير عن يمنته سرب الحمام وعن شمائله الصقور=تطير وتوقع وهو فارد جناحه ما يطير! في نظرته ثلث الخلايق عمي والثلثين عور=مافيه غيره فا البسيطه لا سميع ولا بصير! ليا بغى له شي جابه لو ورى السبع البحور=وليا بغينا شي قال شلون؟ لا يمكن يصير يطلع لنا مثل النقط والفاصله بين السطور=ونضيع حنا بين حد السطر الاول والاخير! ان زارنا نستقبله با الطيب وانواع البخور=الجو يملا له حرس والارض تفرش له حرير ان مل حلة قيصر ابدل لبس شرطي المرور=وليا لبس لبس المرور اخلف لنا خط المسير نخشاه كنه مطلع فيما يكنن الصدور=وان راح ما نقدر نقول الا كريم وفيه خير! يا حينا حي العرروبه والذيابه والنمور=كيف السباع تخاف من طاووس والطاووس طير! اما وقفنا له بهبتنا على جسر العبور=والا نغير لوحة اسم الحي الى ( حي الحمير )!! [/poem] |
يا الربع شوفوا لنا حل في المنسق تراه لعب في حسبتنا
|
السلام عليكم
د/حمد أعتقد انك توصف مكان ما بالكويت القصيده سياسيه عموما وفضفاضه وغامضه في وقت واحد لاكن الابداع واضح متجلي مشكور على هييييك كتابه البيت الأخير الشطر الثاني اسهل من الاول بكل تاكيد.............(: أخوك |
صح السانك
د حمد العصيمي هذا زمان الطاووس وهل اجمل من ريش الطاووس شي ياخي خل عندك روح طاووسيه في زمان الطواوسه الواجد د حمد اشتاق لقرائة مواضيع تخطها اناملك صح السانك مدد بلا عدد تقبل ودي وتقديري 0 |
نمبر فور
اي ول باك |
مرحب ابن بصيص شرفت القصيدة بحضورك
بخصوص المكان فهو ما وراء السبع بحور اما الشطر الاخير فملاحظتك ماهي واضحه لي كلي شكر وتقدير |
د . حمد العصيمي
لك بصمتك الواضحه والشخصيه في كل نص تكتبه والحقيقه أنا من متابعيك ومعجبيك ( صح لسانك ) لاهنت |
ممتع ومبدع يا دكتور
وكفانا الله شرور الطيور بأنواعها :) صح لسانك الف وسلمت ، |
ياكثر مافيها من علوم :)
د . حمد العصيمي شاعر مبدع وفوق التعليق سلامي عليكـ وصح السانك ملايين |
تمكن واضح رغم الغموض في القصيده
صح لسانك يا مبدع تقديري |
د حمد العصيمي
لاجديد سوى الابداع والشعر المختلف ابداع ابداع ليا بغى له شي جابه لـو ورى السبـع البحـور وليا بغينا شي قـال شلـون؟ لا يمكـن يصيـر سلامي عليكــ |
الله الله الله
ابو تركي متألق دائما لله درك |
د حمد العصيمي
صح لسانك مليــــون اشكرك على كثر قصايدك بالعرب الله يعدل الامور انشالله لك فايق الاعجاب والتقدير لاهنت |
فكر . بلاغه . صور . ابداااااااااااااااااااااااع
د.حمد العصيمي لا تكتب الا النادر من الشعر وما هذه الوارفه الا واحدة من معلقات حمد العصيمي الله لايضرك ياعملاق . |
-
لله درّك يا حمد عزف منفرد ، ووصف دقيقه لناس تحت رحمة طير :) صح لسانك ولاهنت |
اقتباس:
هلا وغلا يا معدي المرقاب هو طاووس واحد وكفايه هههه مرورك شرف لي ولقصيدتي لا خلا ولا عدم |
صح لسااااانك عزالله انك تنقدها من فكر صافي ما شاء الله علاك
تحيتي لك |
اقتباس:
مرحبا بندر في انتظار عودتك |
ابداع
ابداع والله العظيم يادكتور لله درّكـ لله دركّـ دمت بخير وفي منفى عن الآحزان .. &&&&&&&&&&&&&&&& |
الغالي مطر العضياني
حضورك تشريف لي وللقصيدة لا خلا ولا عدم |
في نظرته ثلث الخلايق عمـي والثلثيـن عـور
مافيه غيره فا البسيطـه لا سميـع ولا بصيـر! ليا بغى له شي جابه لـو ورى السبـع البحـور وليا بغينا شي قـال شلـون؟ لا يمكـن يصيـر يطلع لنا مثل النقـط والفاصلـه بيـن السطـور ونضيع حنا بين حـد السطـر الاول والاخيـر! الله الله الله ياحمد على بالحرام انك استاد شعر صح لسانك مدد حبلي خشمك :) |
الغالي مناحي الابداع حضور الراقين امثالك وشرواك
لا خليت منك يا الامير |
| جميع الأوقات بتوقيت GMT +3. الساعة الآن 11:06 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية