الشاعر الشاب احمد النون الرشيدي والشاعر الكبير مستور العصيمي
محاوره جمعت الشاعر الشاب احمد النون الرشيدي
والشاعر الكبير مستور العصيمي في الكويت واليكم المحاووره والبدايه عند احمد النون العصيمي ودي أسولف معه وأخـذ علومـه شاعر (ن) مايجهل الشعار جزليـن المعانـي القمـر ماينجهـل والليـل ماتخفـا نجومـه والعرب دايم تحرا طلعـت سهيـل اليمانـي مــســـتـــور ياهـلا يامرحبـا ودرب ماتخفـا رسـومـه مير أدور للعميل الي ليـا عطيتـه عطانـي الجمل ياهل الجمل لابـد مانعـرف وسومـه يابعيديـن الشبـوح وياطويلـيـن اليمـانـي أحـمــد الـنــون دايم اهل العرف راع العرف تفرح في قدومه وأنت مستور العصيمي مايبيلـك ترجمانـي ياعتيبه تحسبـون الـدار ماهيـب محكومـه الدعاوي ماهي بدعوتة بعيـر ولا حصانـي مــســـتـــور كان مستور العصيمي قـال كلمـه لاتلومـه أنت عايش في زمانك منت عايش في زماني مـن تحلملـه بخيـر الله يحققلـه حلـومـه كيف ولد الداب يسكن مع وليـد العقربانـي أحـمــد الـنــون أحسب حساب السوالف والمواقيف محسومه وزلت اللسانك ترا ماهي كما زلـت لسانـي ياكثر شعب البلد ميـر البلـد فيهـا حكومـه والحكومه حاكمه شعب البلد ياهـل حلبانـي مــســـتـــور ذمة الرجال عن بعض السواليف معصومـه لاتوانـا بلعلـوم علـوم مافيـهـا تـوانـي لاتـدور سالفـه بيـن الرياجيـل معدومـه والمعاني ياوسيـع المعرفـه بحـر موانـي أحـمــد الـنــون ماعليه الـي ليـا وقـف قوياتـن عزومـه والعلوم علوم غير العلـم الأول علـم ثانـي والله أني ماظلمتك وأكـره النـاس الظلومـه مير ماتحصل جريمه مابها(( مجني وجاني )) اتمنى ان اكون وفقت في نقلها |
لاهنت يا مبارك على النقل الطيب
وصحت السنت الشعراء تحيتي وياغالي |
8
8 ولاهنت انت على مرورك الكريم تسلم ياعبدالطليف:) |
لا هنت يا مبارك على هذا النقل
.. |
8
8 اشكرك على المرور يامحمد اهم شي رضاكم ورضا المرقاب:) |
السلام عليكم
محاورة جميلة وهذا الشاب له لمسات رائعة اتوقع له مستقبل مشرق بإذن الله صحت السنة الشعراء وشكرا لك اخي مبارك على احافنا بهذه المحاورة الجميلة. |
شاكرلك مرورك يامحمد
لاهنت |
محاوره جميلة بين العلم ابو تركي
والشاعر الصاعد بقوة .. احمد النون لا هنت يابو غنيم |
لاهنت يابو نااصر على المرور:)
دمت بخير |
مبارك الفعم .......... أشكرك جزيل الشكر
علي نقل المحاروة وأشكرك جميع الأعضاء أصحاب الردود علي الكلام الطيب لاخلا ولا عدم يابو غنيم |
8
8 هلا هلا ياابو محبوب انت شاعر تستااهل شاعر جزل والمحاوره تستحق النقل والحمدلله اللي شفناك بالمرقاب ومرحبا ومسهلا ثق تماما ان المرقاب محط انظار المبدعين شرواك وانت شاعر مبدع وتستحق شاكرلك على الرد ودمت بخير |
محاوره قوية
ومعاني جزلة لا هنت يابو غنيم على النقل |
| جميع الأوقات بتوقيت GMT +3. الساعة الآن 07:15 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية