سيرة عشق ,
السلام عليكم ورحمة الله وبركاته
و مساكم خير بأذن الله [poem=font="simplified arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] ماعلينا ,خلــــــنا من سيــــرة العــــــــذال = لا تكدر خاطرك واليوم دار الحول هل من مزن المحيا ما يسر الحال = الثواني لا تجف و شوقنا مبلول خلني بعلــــــــــمك عن شاعرك وش قال = وانت خــل عيونك تفل السهر وتقــول بكتبك ما عمّرت روحي وعمرك طال = القلم خيّال فكري والحروف خيول من ملا عين القصـــــــيد وعلمه يختال !؟ = من وصل بي ذروة الالهام صوت و زول عَدْ من عيني لعيني واكسر الفنجال = واقهر الليل و سواده وانثر المجدول في حضورك لا انحنى غصن الغرام ومال = ودي أن الخلق عميا والزمن مشلول كم لها روحي دهر , تروى سراب اللال = وانت طيحت الحيا من يوم جيت سيول في بحر حسنك غرقت ولا طرى لي جال ! = ليه ما اغرق فيك يابحر الدرر واللول طلتك , والشمس تلقى في هدبك ظلال = والقمر لو يشبهك , ما غازلك مذهول ! ضحكتك , ترسم صباح اول شهر شوال = ضيقتك , تكتب للأرض تعيش خمس فصول قبلتك , كل الجهات لقبلتك تحتال = همستك , كل اخر حروفك يجي : "مشغول" رقتك , والنسمة تحن و تضم الشال ! = مشيتك , والقاع مبصر والخطاوي حوول ! اسمك , وتتعب على طاريه هيبة "آل" = رسمك , و وجه المرايا يلمحه و يزول فيك ماجاوز حدود العقل فـ العقّال = فيك مافوق الخيال اصدق من المعقول كل سيرة عشق فيها ينقتل رجال = وانت سيرة عشق فيها حزني المقتول لا عدمت رضاك وانت رضاك راحة بال = ازرع جروحك هنيّا , وازهل المحصول وان تجرا الدمع في عينك نهار وسال = لك عليّه ماتبات و محجرك مبلول كل عام و حبنا طيب وباحسن حال = كل عام و كلنا لقلوبنا بنقول : الجفا والبعد والوقفة على الاطلال = الثلاث اللي عليها الصبر ما من طول[/poem] |
1 حجززززززززززززززز (( فاخر )) .. !! :) |
2
ولي عوده :) |
:
: راشد العتيبي يكفي أن يمر هذا الأسم .. لنعلم أن الشعر سيهطل بـ (( غزارة )) .. وأن الأحساس (( الخاص )) سوف يستأثر بشعور الحضور (( العام )) .. سيرة عشق قصيدة أستثنائية هنا .. غيمة من شعر .. وسحابة من مشاعر .. وقافلة أحساس جاءت لتسعف السوق بـ (( بضاعة )) مرغوبة .. وطن أخر للشعر .. ومساحة حره .. ركضت فيها خيول الفكر .. وكان خيّالها (( راشد )) .. عذبة .. رقيقة .. سخيه بكل مايستنهض الذائقه .. راشد .. كما عهدتك .. تهدي (( بياض )) عشمنا فيك .. كل (( ألوان )) الطيف الجميلة لترسم لنا .. بكل الألوان .. أعذب لوحة شعر .. في حضورك لا انحنى غصن الغرام ومـال ودي أن الخلق عميـا والزمـن مشلـول صديقي .. أختيار هذا البيت جاء كأنموذج .. أردت أن يمثل هذا النص .. وأن كانت كل هذه القصيدة خيارات من حيرة لمن أراد أن يختار الأجمل .. !! صح لسانك .. !! صح لسانك .. !! صح لسانك .. !! يارااااااااااااااااااااااااااااائع .. !! :) |
راشد صح لساااانك قصيده جازتلي
تحيتي |
يالله ..! { الشعْر } هُنَا كَثيف .. كَثيف جِداً ..! ، [ تَسْجِيل دُخوْل ] لـ الإحتِفاء بِهَذَا النص ../ وَ سـ أعود ، |
اقتباس:
وعليك السلام ورحمة الله وبركاته ومسيت بالنور والسرور مرحبا بالشعر الحقيقي دره من درر راشد العتيبي حق لنا ان نفرح بالعطر وحق للعقل ان يقف " مذهول " صح لسانك وفكرك يا مبدع ، المحبه والتحيه والاعجاب الكامل بـ " سيرة عشق " .. |
فوووق يا شعر ..
والعودة لا بدّ منها .. :) |
حجـــــــــز وبقــوه "
ياخي الي مثلك يحتــفى فيه وفي شعــره . لي عـوده . |
اقسم برب البيت ان هذا هو الشعر ..
قصيدة كـ ( سيرة عشق ) لا يمكن ان تمر مرور الكرام .. كل بيت فيها لا يترك لك من الكلام شيئاً سوى ان تقول .. الله الله .. وهذا حالنا امام القصائد ( العملاقة ) .. شاعرها ( راشد العتيبي) شاعر مبهر ومبدع ومتمكن .. يأتيك بالشعر من حيث لا تحتسب وقصيدته هذه اكبر دليل ان الشعر لا زال بخير .. وان هناك مواطن ابداع كثيييييييره لم يطأها احد من قبل .. ما اسعد الشعر بـ هذه القصيدة وما اسعد المرقاب بها وما اسعد من كتبت من أجله .. شكراً جزييييييييلاً يا راشد العتيبي على اهدائنا كل هذا الجمال .. شكراً وأكثر .. إعجابي السرمدي |
ياااااااااااخي ياراشد [ أرثعت فينا ] سـ أصمت .. وإن حضر ماذهب مع الدهشه .. لي عوده :) إلى ذلك الحين , صح لسانك يا مبدع ., و سجل إعجابي..., :) |
هنا الشعر الحقيقي ؛
بـ حضور رمز من رمزه ( راشد العتيبي ) ..! لله درك نص فارق ؛ نموذج مميز لـ القصيده المتكامله ؛ صح لسااانك |
ابو خميس
(انا لي شهر وانا مصخن من الناس مابين محتجه ومحتاجه وجيت بالضربه القاضيه ، ) راشد اسم ثبت قواعده في محيط الابداع متلاطم الامواج ، وسيرة العشق جزيرة الحلم للمشاعر والاحاسيس وللذوايق السليمه ، راشد سجل الاعجاب والمتابعه غصب عنك طال عمرك |
اقتباس:
شعر شعر شعر شعر شعر شعر شعر شعر شعر شعر شعر شعر شعر شعر شعر لله درك من شااااعر والله انا اشتقنا لـ نصوصك وابداعك صح لسانك كثر من اعجبوا بهذه الدره اعجابي ومتابعتي !! .. |
اقسم قسم ان الكلام مايوفي هذا الشعر وهذا الأبداع
راشد العتيبي مبدع الى ما لا نهايه سلامي عليكـ ودمت بخير |
كل عام و حبنـا طيـب وباحسـن حـال
كـل عـام و كلنـا لقلوبنـا بنـقـول : الجفـا والبعـد والوقفـة علـى الاطـلال الثلاث اللي عليها الصبر مـا مـن طـول راشد العتيبي صح لسانك مدد .. ولا هنت يا مبدع تحياتي .. |
راشد العتيبي
صح لسانك واعتلا شانك قصيده يعجز الاطراء يوفيها حقها |
[align=center]
يا وجه الله يا وجه الله الله يسامحك يا راشد عزّ الله أرثعت فينا على قولة متعب :) مير صحّ لسانك عدد حروفها .. وَ دبل وَ سِلمت وَ دمت . . فوق يا شعر فوق يا شعر فوق يا شعر [/align] |
راشد العتيبي
للــه درك وكفى |
هـ أنا عــدت !
راشــد العتيبي : . صح لسـانك لين ترضــى . فعـلا أنت مرضــي للذائقـه . هـ .. الدره جوهـره الشهـر . دمت لنا وللشعــر . تحيــاتي لك . |
راشد
صح لساااانك قصيده جزله تحيتي |
الخطير والانيق راشد
في حضورك لا انحنى غصن الغرام ومـال ودي أن الخلق عميـا والزمـن مشلـول صح لسانك مليووووووووووون يامبدع سجل اعجابي بهذا الحضور لك فائق احترامي وتقديري ....!! |
| جميع الأوقات بتوقيت GMT +3. الساعة الآن 10:42 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية