بعد غياب
 

مساكم الله بالخير

بعد ماغبت لي مده بغيت العب لي طاروق فالفنون واتمنى انه يشفع عن غيابي


سلام الله سلامً يحتمي له موقفً غصاب***على اهل الطيب والطولات من قاصي ومن داني

صحيح انا تغيبنا لنا مده من المرقاب***ولكن ماحتال انساه لو انكان ماكاني

مسا النور

وارحب ياخي :)


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

هلا يامرحبا ترحيب غالي والرجال اصحاب = ولكن مد شوفك مثل شوف فلان وفلاني

بعد غيبة ثم عودت شب النار ياشباب = لو اني شايفن نارك تشب بدون دخاني[/poem]

تبقى يابندر والله يحييك


يدوم الك البقاء وان جيت بين الضرس والانياب***مافيه احداً يفك امصامخك ياكود سلطاني

انا قد قلت مابه غيبةً ياخوك دون اسباب***وانا عندي سبايب يالي اتحاول تحداني

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
عسى سلطان بن وسام مايبلش مع الالقاب = انا ماودي القّبه ثم ازعل الثاني

انا قبل اتحدى والله اني ماطرقت الباب = لو انك منت ماخذ ربع ساعه فوق نيباني[/poem]

^
^
ارحبووووا

طيب يابو عيضه :)

يعني موضّح الصف شوكرا

إذا كان انت تقصد خالي الي يفتل الاشناب***فنا نفس اسمه ولا تنتكب ياخوك من شاني

ترا معاد لك عن نكبتك ياصاحبي مجناب***وحتى لو تجيني ياوسيع المعرفه عاني

فايز الميموني

يامرحبا بك ويشرفني مرورك جعلك تسلم

حضرة المدير

يامرحبا بك ويشرفني ردك ياذيبان

ارحبوا ارحبوا
:)

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
انا ماني محاسب صاحبي لو ان فيه حساب = مادامه من خلق الله وهو راضي وزعلاني

تعال انكب وانا مبسوط ثم خبر ولد شباب = لو انه من عبيده كافيٍ عن كل قحطاني[/poem]

هلا وكل الهلا عاش من شافك :)

:
:


سلطان

حياك مولاكـ ..
ومنور (( الفنون )) بطلتك ..
الصف معك .. مؤازرة كاملة ..
<-- قعد يجهز (( العتاد )) والذخيره .. !!


شب النااااااااااااااااااااااااااار ياسلطان وأشعل فتيل الحرب ..
وأززززززززززززززززهل .. !!



teeth:

عقب ماقسمونا الربع من خاسر ومن كساب***عصا موسى معي وانته معك خاتم سليماني

ابن شباب لا جات الحروب القاسية حراب***ماهوب ايشك ف اسم الي شبيه السيف شاماني

^
^

ارحب ارحب يالشيباني

وتراي نشدة عنك في الديره وقالوا مهوب فيه :)

ارحب ياعبد الرحمن وازهل ادوا بندر عندي

ويشرفني مرورك طال عمرك

:
:


ياسلاااااااااااااااام سلّم .. !!
الخصم (( بندر )) ..


الله يعينك يـ بندر .. !!
تبا تشلوووووووووووووووووط على نار هادئه ..
عشان الشيااااااااااط .. !!


شب عليه ياسلطااااااااااااااااااااااااااان .. !!
حررررررررررررررريق .. !!



teeth:

^
^
هههههههه شلوط زي ماتبي مير انت وينك ودي الشلوطه وجها لوجه :)

اي ديره .. ؟؟
<-- حفف على نار القز .. عشان يسمع كلامه .. ؟؟


teeth:

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بعد طال الحديث وراح علمك فص ملح وذاب = تفضل شد حيلك دام صفك فيه شيباني

يقولون العرب مايبلش الصادق مع الكذاب = لو اني من علومك ضامي مده وجيعاني[/poem]