نورة الفايز الوزيرة التغريبية ..صوت + نص
[youtube]http://www.youtube.com/watch?v=ue6ap69n1gw[/youtube]
ماكسبنا من.. نويـر ..غيـر تحصيـل العزايـر ليتها من قبـل ماتظهـر علينـا مستخيـره ضيقت كل الصدور الي عشمهـا بالبشايـر خيبت كل الضنون الي تحراهـا... نصيـره ماخبرت الحرمة إن قامـت تولـى بالوزايـر غير تشطح بالعجايب مثل هذيك الوزيـره شبهوها بساركوزي وجت من الفرحة تطاير طبقت فينا نفوذه واشعلـت فينـا سعيـره راح تعظيم الحجاب ببسبة الفكـر المغايـر من جنون الغرب جيتي للبلاد ...المستنيـره الله ارخص للمرأة في وقت تعظيم الشعايـر واختنا جتنا تزيد الوقت من بعـد الظهيـرة في مناخ حر قيضة يلتهـب مثـل السعايـر في طريق يهلك الي يقطعه من طـول سيـره ماتبالـي باليتامـا الـي يلهـون العبـايـر من حوادث هالمسافات الطويلـة والعسيـرة المعلم رمـز ثابـت معتلـي مثـل المنايـر يوم هيبتهم تهاوت ويـن كنتـي ياوزيـرة؟ وين توظيف البطالة وين ... تحجيم الخساير كل هذي وين راحـت يامعالينـا القديـرة ويش باقي من عجايب خلف مسدول الستاير اتحفينا دام صرتـي فـي قرارتـك جديـره فهموها واخـذو بيدهـا لتنويـر البصايـر لاتجيب العيد فينا صدق وتجيـب الجريـرة علموها من يضيم الخلـق تلحقـه الدوايـر ذكروها ان الليالـي والكراسـي مستديـره اشتكوها وارفعوا في كل ماسـوت وصايـر للمليك الـي تهلـل حبـه بكـل الجزيـره العطوف الي حمى شعبه من اصناف الشرايـر وابشروا مادمنا في ضـل حكـام الجزيـرة |
منصور الحبيل
صح لسانك وعسى ربك يصلح الأحوال لا هنت |
لما بلغ رسول الله صلى الله عليه وسلم أن "أهل فآرس" قد ملّكوا عليهم بنت كسرى قآل: "لن يفلح قوم ولوا أمرهم امرأة"
منصور الحبيل صح لسآنك مدد x مدد x مدد! قصيدة "في الصميم" للأسف قرآرآت حتى وان لم تُعتمدّ رسمياً لكنهآ جآئرة جداً لو تمّ العمل بهآ والمُشكلة ان الوزيرة تستقي اقترآحآتهآ من "الغرب" مُتنآسيه الفرق الكبير بيننآ وبينهم المُعلمين في الغرب يُكلفون فقط بمنآهجهم وحصصهم الدرآسية وامآ بآقي الأعمآل يكون لهآ مُوظفين مختصين مِمآ يفسح المجآل لهم بالإبدآع في موآدهم بينمآ المُعلمين والمُعلمآت في المملكة مُطآلبين بِمنآهجهم ونشآطآت لآمنهجية وغيرهآ وهذآ من أبسط الأمثلة! ورُغم كل هذآ يوآجهة الانتقآدآت والأتهآمآت بالتكآسل والاهمآل ويقآرن مُقآرنة ظآلمة بمُعلمي الغرب؟ مآنقول غير الله يصلح الحآل! |
منصور الحبيل
صح لسانك وعسى ربك يصلح الأحوال لا هنت |
الله يكفينا شر من فيه شر ..
تحيتي لك يامنصور :) .. |
منصور الحبيل
صح لسانك |
صح لسانك يالحبيل
دائما قصائدك اجتماعيه ورائعه كروعة حضورك تحاياي |
: منصور الحبيل لله درك , والله يكفينا شر من فيه شر , ويثفاهم عنا اللي مثل هـ الاشكال :) صح لسسسسسسانك .,؛ : |
بسم الله
ياهلا وغلا يامنصور وصح لسااااااانك ولاهنت والله يصلح الاحوال وتقبل تحياااتي اخوك |
الله الله الله
بيض الله وجهك يا منصور مادام فيه مثلك في الساحه ماعلينا خلاف الله يعطيك الله على ما كتبت ويهدي كل ضال تحيتي لك |
منصور الحبيل
الشرهة ماهيب على نورة الفايز الشرهة على الدكتور غازي القصيبي قصيدة تعتبر وجهة نظر خاصة بك تقديري الجمّ |
صح لسانك يامنصور
وعندنا وعندكم خير والله يصلح الحال |
| جميع الأوقات بتوقيت GMT +3. الساعة الآن 08:17 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية