(( بروق )) أهداء للاخ مازن المقاطي
 

أهداء للاخ / مازن بن فرحان العتيبي
والمعذره


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""] تبرق ((بروق ))الخير في غرّ الامزان = وهمّالها يروي الكبود العطاشي !!
من وبلها تسقي صحاري ووديان = وتسرّ حتى اللي ماعنده مواشي !!
اسبوع والياها من العشب ريضان = وتشبع بها ناقه وبكره وحاشي !!
خضره وجوٍ زين والارض غدران =وفي كل روض ارتاح وابسط فراشي !!
عندي تساوي جو لندن ولبنان = اهيه هواي ورغبتي وانتعاشي !!
هذي هي اللي ماتقدر بالاثمان = لو بالتمني سقت فيها معاشي !!
مع خوّة اللي خوّته تجلا الاحزان =ممشاً معا شرواه والا بلاشي !!
رفيقي اللي من طويلين الايمان = ماهو بلاش ولامخاويه لاشي !!
افخر برفقة طيب الصيت والشان = ولاني بسامع هرج حاسد وواشي !!
جدّه كريم ايمين وابوه (فرحان) = على الكرم والطيب ضاري وناشي !!
واله الفخر مادام عمه كحيلان = امعشي ضيوفه سمان الكباشي !!
احمد ولد غازي عمى كل شيطان = عسى فداه اهل القلوب الغشاشي !!
قول وفعل واسطى من السيف شامان = وبالجود مثل اللي برق فالمناشي !!
هذا الصحيح وجبت للعلم برهان = ماني بلا مرشي ولاني براشي !!
من روس قوم ٍ فعلهم فاللقاء بان = تاريخهم مابه جدال ونقاشي !!
عتيبه الهيلا للامجاد عنوان = زبن الدخيل اهل القلوب الهشاشي !!
للضيف ريف وضلع راسي ومزبان = ودخيلهم في وجههم مايناشي !!
هذي عوايدنا على مرّ الازمان = اليوم والاّ قبل عصر النجاشي !!
اهل الثلاث البيض حنّا ((ولاكان = اللي يغطّ النور واللي يخاشي ))!![/poem]

1
,,
,

:)

2
,,
,

:)

محمد بن رشيد
مع كل مطلع نص جديد يظهر لي ان لديك مخزون ابداع عظيم لاحدود له
انا اشهد مبدع ماعلي من الكلام

ابو مالك
تمكن بجدارة واحتراف وترابط مذهل ونفس طويل
صح لسانك ثلاثة ملايين ودبل وثري

وفي نفس الوقت مدحت من يستحق المديح
يستاهلون الطيب ابن فرحان وربعه

تقديري الجمّ

صح اللسانك يا محمد
ويستاهل الخوي الطيب
ولاهنت على الابداع
:)

عتيبه الهيلا للامجاد عنوان
زبن الدخيل اهل القلوب الهشاشي !!
للضيف ريف وضلع راسي ومزبان
ودخيلهم في وجههم مايناشي !!
هذي عوايدنا على مرّ الازمان
اليوم والاّ قبل عصر النجاشي !!
اهل الثلاث البيض حنّا ((ولاكان
اللي يغطّ النور واللي يخاشي ))!!


والله والنعم قول وفعل والنعم يزهاكم ويليق بكم

محمد بن رشيد

صح السانك مدد ماهوب عدد نصك جزل وانت جزل

فائق ودي وتقديري لك

ابو رشيد


صح لسانك والله على هالكايفه

لك فائق احترام وتقدير اخوك ..!!

صح لسانك لين ترضى يابن رشيد

عز الله انك جزل ولاتقول الا جزل القصيد

لاشك ان هالجزاله ماطلعت الا في من يستحقها

ونعم بالمادح والممدوحين

تقبل تحياتي

[align=center]الله الله
يا سلام
صح لسانك يا ابو مالك مدد مهوب عدد
وبيض الله وجهكـ[/align]

كفو كفو كفو

ونعم بالمادح والممدوح

صح لسانك يا ابو مالك

عيشتنا جوّ الربيع وحنا في القيض اللي شلهبنا شلهبه :)


محبتي واعجابي يا كبتن

اخوك

والله ونعم يابو مالك

والابدااع حليفك دائما

صح لسانك مدد بلا عدد

وجدد

الاعجاب
+
المتابعه

تقديري

الله الله الله الله


والله وكفو بكم


بو مالك والله انك مبدع


صح لسانك مدد


تحياتي

محمد رشيد


صح لسانك

قصيده رائعه

وكلمات جزله

لك فائق الاحترام والتقدير

تحياتي

:

ابومالك
عز الله العزيز انك شاعر راااائع
ونعم بالمادح والممدوح
ويستاهلون المدح لاشك

صح لسانك مليون

اعجابي ومحبتي ومتابعتي يالسمي


..

ابو مالك


انت مبدع ومذهل


صح لساانك مددددددددددددد


مودتي لك ومحبتي .

صح لساااااانك مليوووون يا محمد

تحيتي

محمد بن رشيد

صح لسانك ولا هنت

ويستاهل مازن العتيبي كل خير


أعجابي ومتابعتي