( القائل ) هو !
 

بسم الله الرحمن الرحيم ..

اخواني . اخواتي .. اعضاء وزوار هذا الصرح الشامخ
اليوم نعلن .. عن القصائد والشعراء التي كانت معك لمدة اسبوعين
. ترك المجال لكم . لتخمنوا .. من ذا يكون القائل ..؟


ومن هاذا المتصفح نعلن ان القائل هو :-



(1)

الشاعر المبدع / محمد بن رشيد

[poem=font="Simplified Arabic,5,black,normal,normal" bkcolor="transparent" bkimage="" border="double,4,blue" type=2 line=0 align=center use=ex num="0,black""]
طال انتظاري لصبح ٍمابدى نوره = ياطول بالي وياقوي وياصبري !
اعدّ دورة سنين العمر وشهوره = ولاجف دمعي ولا دميّ ولاحبري !
ولالان راسي لوقت ٍ كاثر ٍ جوره = وعن كل طاله وعليا ماقصر شبري !
اشيل حمل الزمان بنفس مجبوره=لو عزت النفس قادتني على قبري !!
واسج الاقدام والاحوال مستوره = كبير واحلام عمري كلها كبري !
لو ان روحي من الايام مقهوره = ماني على خبرها لو هي على خبري !
وان جيت اغير ملامح مجمل الصوره =تشتت الحلم داخل حالي المبري !
و من واقع ٍ يظهر الرجال عن طوره =شيّدت للعذر واصحاب الرخاء كبري !!
كل ٍ على حسب مجهوده ومقدوره = مريت عبري وابا غادر وانا عبري !!
العمر مع غبة الامواج بابوره = يسبح والاحلام لاتتهم ولاتبري !!
ومن الله الناس منهيّه وماموره = واما جبر كسري الله / مانفع جبري !!
وان كان صبح السعاده مابدا نوره = الله يعوّض عليّ ابخير في صبري !!
[/poem]


(2)

الشاعره المبدعه / عيوف

[poem=font="Simplified Arabic,5,black,normal,normal" bkcolor="transparent" bkimage="" border="double,4,blue" type=2 line=0 align=center use=ex num="0,black""]
مانيب من ياتي ولا يدرابه=شطر ٍ عشقته وانجبرت ابدابه
شطر ٍ موجه لك ماهوب لغيرك=ياللي جميع اللي حصل بـ.. اسبابه
صحيح كنت اغلى علي من روحي=والقلب عن غيرك مقفّل بابه
وكنت اتحرى منك لو هي كلمه=يرتاح منها القلب ياسلابه
لكن بعد ما ارخصت قلب ٍ صانك=احساس قلبك ماحسبت حسابه
ياخي لاتعشقني ولكن حشّم =قلب ٍ صناديد الرجال تهابه
بدري على مثلك ينزل قدري=ومني تعلمت النحو واعرابه
ارجع على وضعك هذاك الغابر=واصبر على ضرس الزمان ونابه
هذاك مبطي يوم ادور قربك=ترى الوضع ياهيه مايتشابه
وان جيتني تنشد وشنهو قدرك=تراك ما تسوى جناح ذبابه
[/poem]


(3)

الشاعر المبدع / ياسر العتيبي

[poem=font="Simplified Arabic,5,black,normal,normal" bkcolor="transparent" bkimage="" border="double,4,blue" type=2 line=0 align=center use=ex num="0,black""]
واحد وعشرين ليل اكملتها بالتمام=من ليلة موادعك ربي يجيبك لجل
تشوف جسم ٍ ماباق ٍ منه غيرالحطام=ولاعاد به حيل للممشى ولو له رجل
في كل ليله يشوف الموت برد وسلام=خصوصا ليا لمح طيف العيون النجل
يجي للاشواق من بين الضلوع احتدام=لشوف وجهٍ كساه مع الجمال الخجل
من غبت عمري على اول ليل بالشهر دام=تكفى عشان الغلا يابدر عمري تجل
شوفتك تحيي هشيم الروح مثل الغمام=وفرقاك وبقدره القادر تجيب الاجل
حظي تهاون بسومك لكن البعد سام=وانته على ادناة سومه بعت له بالعجل
كسرتني بالتجافي والتجافي حرام=وسمعت فيني كلام اعداء وكذب ودجل
لاتحسبني بعد فرقاك حالي تمام=مشاعري فالغياب اطبق عليها الوجل
العام فاقوى مواجه مااعرف الانهزام=واليوم فأدنى مواجه انهزامي عجل
[/poem]


(4)

الشاعر المبدع / محمد مشوط

[poem=font="Simplified Arabic,5,black,normal,normal" bkcolor="transparent" bkimage="" border="double,4,blue" type=2 line=0 align=center use=ex num="0,black""]
وش اكتب لك ؟ وأنا كلي كتاب دوم تقرينه..= ليا شفتي حروف الضيم : لا بدّك .. تشوفيني
أعانق لهفتي / والريب تجرحني.. سكاكينه=] ورزنامة[ حياتي ذرّهــا الحرمان / في عيني
شتاتي : واقف ببابك ، لعلك لو تشوفينه= ينزّل هامتك ..صوت الحنين الغرّ ؛ وتأتيني
( بقايا إنسان ) لازمه ..الشعور البكر من حينه= يصارع موجه العاتي \ على دفّة.. عناويني
أمانه .. والرحيل أشباح / تسكن في شرايينه!!= يشوف .( الموت ). بعيون الضحايا ، والمساجيني
أمانه .. والوفاء : مقياس ؛ والتحنان : تدوينه = زهور الريف ، ,تشرح بال.. [ مكسور ] الجناحيني
تواجهنا على سفح الغرام \..الهش تكوينه= على نسمة غلا ، وطيور ..تسجع بالبساتيني
وتوارى طيفك المغرور .. في لحظة براكينه= وداعية .. بصمت الخوف ؟ تزرع.. غيضها | فيني |
إذا ما كان لك قلبٍ ؛ يشيل (الجرح) ويعينه= تدور. الدائرة . بكره / على جور.. السلاطيني
[/poem]


(5)

الشاعر المبدع / تركي الديحاني

[poem=font="Simplified Arabic,5,black,normal,normal" bkcolor="transparent" bkimage="" border="double,4,blue" type=2 line=0 align=center use=ex num="0,black""]
كل وقـت وكـل يـوم وكـل ساعـه=تنوي غيابك وانا طبعـي جزوعـي !!

المحبـه يالغضـي مـاهـي لكـاعـه=واللكاعه طبـع مايناسـب طبوعـي !!

قلبـي المشتـاق ماتـلـوي ذراعــه=صدك قهوتـي وتلويحـك قدوعـي !!

منـت لـي زادٍ ولا حتـى بضـاعـه=لجل اجي واروح ماسديـت جوعـي !!

للمكابـر والجفـا عـنـدي منـاعـه=( ومرحبا واهلين ) تعشقها سموعـي !!

بالسلامـه روح بعتـبـرك اشـاعـه=وليلة فراقـك ابـا ولّـع شموعـي !!

مايخضعـنـي التغـنّـج والميـاعـه=وانت تدري : وللولي وحده خضوعي !!

بــدويٍ مايـشـوف الا ارتـفـاعـه=لو شموخي زاد من حـرّي ولوعـي !!

المهـم القلـب ماتسـبّـب ضيـاعـه=الغمـام اخـوي والعـزّه ربوعـي !!

حلمك شـوف الدمـوع بكـل ساعـه=وولدي مـرّات مايسـاوي دموعـي !!

كان قصـدك دمعتـي يابـو القطاعـه=دمعتي اصعب علي من حب كوعـي !!
[/poem]


(6)

الشاعر المبدع / ناصر تراحيب

[poem=font="Simplified Arabic,5,black,normal,normal" bkcolor="transparent" bkimage="" border="double,4,blue" type=2 line=0 align=center use=ex num="0,black""]
كان اللقاء للفراق وتطلب فراقي = إرحل وعند الموادع لا تناديني
رغم إن قلبي على لقياك يشتاقي = لكنّ ، إذا للموادع حيل يشقيني
إن جيت ما آظن يقواني عظم ساقي= أطيح وإن طحت تكفى لاتخليني
إجمع بقايا الغرام وباقي آشواقي = خذها وخل الجسد يمكن يكفيني
أعيش عمري وأكمل وحدي الباقي = ومع غيرك الحب لا يمكن يخاويني
مع طيفك أسهر من المغرب للأشراقي = وليا آشرق النور أشوفه منك يأتيني
الحب له وردةٍ في مدرج الساقي = ماهيب ورده من ورود البساتيني
تحيا ليا صار بين أرواحنا عناقي= وتموت عند الجفاء بين المحبيني
ومادام نيّة ضميرك صارت فراقي = إرحل وكفّ الرسائل بينك وبيني
لو دمعة العين تاقف داخل أحداقي = أرخي لها الرمش لين تذوب في عيني
لعلها تنسكب في داخل أعماقي = وتروي جفاف العواطف والشراييني
ولو أثرت لوعة الفرقا على أخلاقي = الصبر ابا أنادمه والله يعافيني
لو كان غيرك يدينه تملك وثاقي = ماكان صاحت على شانك مساجيني
وإن كان ودك ترتب باقي أوراقي = تعرف مدى حبّك وتعرف عناويني

[/poem]


اما من كانت تخميناتهم صحيحه من بين الاعضاء . هم ،

( مشعان البراق )

( ويحق لبو محارب ان يطلب طلب واحد من كل شاعر . من شعرائنا المبدعين )

ملاحظة // وهذا مسك الختام لــ موضوعنا من ( القائل ) . !

ونشكركم على تفاعلكم معنا .. والشكر موصول لصاحب الفكره . المبدع /عفاس


تقديري

عيسى


سلمت ودمت وصحة السن الشعراء المشاركين بمافيهم محاكيك


موضوع
نتمنى اعادة النظر في ابقائه لنستمتع بما تخطه انامل المبدعين


شكرا َ لصاحب الفكره المبدع (( عفاس ))


لاهنتوا

^
^

وانت سالم وصحت السنتكم جميعاً

اما العلم الباقي عند الاداره :)

ومشكور على متابعتك يا بعد راسي

تقديري

طيب ، والباقين وين .؟


ايورّالي ان القصائد أكثر من كذا اللي في الموضوع هاذاك !


على كلٍ

بيّض الله وجيهكم كلكم :(

<- محزّن على اختتام الماضوع


ولله دركم ولافضت افواهكم :)



وألف شكر لمن قام بإداره هذا الموضوع بكل اقتدار ونجاح ..


سلام’ عليكم

ابو عتيق

الله يبعد الحزن عنا وعنك وعن جميع المسلمين ..


والقصيد شوفت عينك لا خليت منك ما باقي شي :)

والف شكر لك انت على متابعتك وحرصك على الموضوع اللي نعتبرها دافع معنوي لنا ..

تقديري

ويبيض وجهك يابو عيضه

ويكفينا وقوقك معنا طال عمرك <<< يحس انه يكلم مدير :)

اما ابو عتيق انت عنده ولا هو عندك انا مالي شغل :)

:

الله يبيض وجهك يابوشاطري
ويبيض وجه راع الفكره
عزالله انها تنحسب لـ حسابه
شكرا لـ ابو ظبي
وشكرا لكل من صوت يالربع

شكرا كبيره <-- يبالفيت نايف صقر !!


..

^
^


ياجماعة الربع ,, وش ذنبنا تولجوننا هالمجرم


ابو محارب ارحم لاعدمتك

الحقيقه موضوع جميل
وحلقه أخيره صعبه من ناحية التخمين لكثر عدد القصايد

ابومحارب مشاء الله عليه جابها كلها


شكراً يا عيسى
وشكراً يا عفاس




محبه وتحيه للجميع ،

يا مرحبا والله يا بو شويب

يا صديغي انت تواجدك غير :)

الف شكر لك انت على مرورك

تقديري

ولا هنت انت على مرورك يابو بلال

تقديري

يا الله اني دخيلك

وترى انا مالي قصيده يعني .. يعني علاك بــ الشعراء اعلاه :)

تقديري

الله يعينكم الحظ جابه :)

والرحمه من عند الله :)

وبيض الله وجهك يا بو غازي

والله لا يهينك

ابك ابك ابك


هو تسنه يقولها جد . :)

يا بو محارب . شوري لك تمكن الربع لا تفوت عليك الفرصه ثم نعطيها محمد الشويب :)

ليتنا سلمنا من ابو محارب :)

شكراً يا مناحي على مرورك

تقديري

فكره رائده من عفاس

وتنفيذ محكم منك يا ابو محمد

وتفاعل رائع من الجميع


كان ودّنا تطول الحلقات لتميز الموضوع والفكره
ولكن عزانا ان المرقاب لاينضب تميزه

بانتظار موضوع بدديل والا ابشر بجربعة الفنون <<<<<< يدورها :)

بيض الله وجيهكم والله لا يهينكم

سلام عليكم

هلا والله يا عمده :)

وعندك مشعان جربعه على كيفك وتراني في صفك :)<<<< يدور الفكه :)

هلا اخوي عيسى
الف شكر لك وللجميع على هذا الموضوع المميّز
قصائد رائعه وختام مسك بالفعل